南記冰室

营业中

休息中

之前Lunch會去食呢個咁特別嘅焗豬扒飯😍第一次嗌嗰陣真係好驚喜😱😱估唔到係用個包來做個碗，裝住啲飯🍚成個拎去焗😳😳$55咋依個焗飯，不過次次都食唔晒，有時食完啲飯已經好飽🤣🤣不過個包有埋啲白汁係勁爆好味㗎！！講講吓好想再食😋😋🔆如果真係食唔晒，可以叫佢走包㗎😉📍 南記冰室 (葵涌)葵涌葵昌路72-76號Life@KCC地下03-04號舖

❤️今日經過開葵興見到有間食車仔麵嘅舖頭☺️咁就入去試吓佢好唔好食。先講環境，雖然唔係好豪華，但裝修都幾舒服睇到都幾乾淨，夥計服務態度好好，好有禮貌👍👍..🍜今日揀咗個車仔麵係油麵 $46..❤️加墨魚春卷，呢個墨魚春卷好彈牙，一份有兩條好抵食，呢個係必食嘅👍另外加咗魚皮餃，魚皮餃就一般好食😋再加左生菜🥬山菜份量都好多，抵食👍我叫呢個車仔麵嘅時候take左多青，嘩佢真係多得好緊要，如果你鍾意食蔥嘅話，佢一定可以滿足到你。..☕️招牌熱奶茶 +3..❤我係奶茶精，你杯奶茶我覺得都OK，值得推介👍👍..服務：⭐️⭐️⭐️⭐️⭐️食物：⭐️⭐️⭐️⭐️⭐️衛生：⭐️⭐️⭐️⭐️⭐️..💰 $49 / 1人(午餐)

🎈之前要去葵興整printer，去之前即刻搵下有咩黃店可以幫襯。由於好想食茶餐廳，所以就揀左南記冰室！🎈試左兩個下午茶餐，$40@💵 一個係福建炒飯，一個係黑椒豬扒炒意粉🍝炒意粉好惹味，夠哂鑊氣！而且有好幾件豬扒，件件都厚厚𝕕𝕖𝕣，超足料。福建炒飯個汁好味，唔會太咸，炒飯亦都炒得乾身，唔會炒到一𝕡𝕒𝕥 𝕡𝕒𝕥。⭐️值得一提嘅係，呢度嘅員工好有禮貌，員工禮貌好店舖加100分（哈哈哈哈）👍🏻👍🏻👍🏻👍🏻👍🏻

去咗 life@KCC 打咭之後梗係要去醫吓個肚仔啦 🤣👧🏻👦🏻話好肚餓！好肚餓！好在梗有一間💛抵撐食肆在左近 👧🏻👦🏻話要即刻衝落地下 🤣今次我哋order咗咸牛肉炒蛋潛艇 + 凍O茶👨🏻：份量好足 炒蛋香味加牛肉咸香味2種夾埋一齊食 😋 好夾花生醬西多士 + 熱華田👩🏻：花生醬饀多到一切就流出來 沙嗲牛肉炒蛋公仔麵 + 凍O茶👧🏻：牛肉有啲韌 味道一般😅墨魚春卷火腿公仔麵 + 凍O茶👦🏻：墨魚春卷好香口

#南記冰室 （葵涌💛）今次又係你嚟到位於葵涌嘅kcc商場啦🤩🤩今次介紹嘅舖頭就係位於地下嘅南記冰室💛其他分店係唔係黃藍唔知🙊但係大家見到個門口咁多連豬都都知依間一定係黃㗎啦🤟🏻🤟🏻💛首先講吓環境先啦😋雖然係茶餐廳但係無論係裝修定係啲枱枱櫈櫈全部都好乾淨🤤🤤而且加上光猛嘅光線✨令到人一入嚟就有一種好精神嘅感覺👍🏻而且佢枱櫈之間都好多空位🤍加上茶餐廳本身舖頭都幾大 所以佢啲枱櫈都幾闊落🤟🏻坐得幾舒服👅無論係二人枱四人枱或者六至八人嘅大枱都有提供 以一般茶餐廳來講依個環境絕對係加分嘅表現‼️‼️講返嘢食方面🤤大家唔使咁多期望 因為無論佢啲菜單去到味道都真係好普通嘅茶餐廳💛但係以下午茶來講依到性價比真係唔錯值得推介～$30就可以食到一個好足料嘅沙嗲牛肉包🤤🤤就算係多士都係$22🤩依個價錢來講真係冇得輸❤️香葱牛肉炒滑蛋飯 $40💰（6/10）Scrambled egg with beef brisket and chive rice 因為啱啱做完運動嘅關係💦男小編就揀咗滑蛋炒牛肉飯補充番啲蛋白質🍳🥚啱啱一上枱就已經見到真係熱辣辣好有鑊氣🔥味道方面就正正常常⚡️牛肉幾滑👅啲蛋又唔會太老太少🤟🏻啱啱好可以

呢日嚟到葵涌區睇場地，到咗食下午茶嘅時間，就嚟到KCC搵吓嘢食。咁啱見到南記冰室招牌，就二話不說入咗去。呢度有車仔麵同各式各樣茶餐可供選擇，價錢相宜。由於係星期六下午嘅關係，人流稀少，想搵個卡位坐吓都變得輕而易舉了！男友點咗個炸雞脾鮮果沙律，俾咗一片連皮雞脾肉俾我品嚐。我都係第一次食呢款皮薄而炸得香脆嘅雞脾。果真皮脆肉嫰，塊皮脆卜卜，同平時食開嗰種沾滿粉漿去炸嘅雞脾有少許分別。但我鍾意啊！最近沙嗲牛肉關注組出曬名，我都湊吓熱鬧點咗個沙嗲牛肉煎蛋米粉。沙嗲醬香味濃郁，唔會太咸。而牛肉都頗嫰滑，俾到四五塊，配埋煎蛋，同米粉一齊食，好啱口味！

一講開「南記」，啲人就想起食米線嘅「南記」，不過，今次幫襯嘅「南記」卻喺家冰室，即喺茶記，其實美孚都有一間，但都已經執咗。同老婆晌屋企食咗個豐富早餐，所以，跳咗餐晏仔，而出外有啲家品想睇睇，路經葵興一帶，就幫襯咗「南記」食個下午茶。由於餐廳位處工廠區內，雖然，隔條大馬路都有屋村，但嗰邊都有唔少食肆，所以，晌星期六工廠區就變得非常之靜，連帶幫襯嘅人都少，尤其下午茶添。而餐廳嘅防疫都OK，加上人少，啲客揀位都識自我加闊社交距離。 調味料、餐具都放晒晌枱邊，自由取用，而餐具都有膠盒冚住，自不然比唔冚嘅好，當然，安全起見，就梗喺叫阿姐俾多杯熱水嚟消毒一下啲餐具啦。 下午茶餐有啲咩揀，其實，全日都喺呢個假日精選餐牌，只喺下午茶時段會收平啲。不過，老實講，因為都喺啲炒粉飯麵，無一啲輕食類，所以，唔會有啲廿零蚊嘅茶餐，大部份都喺四十幾，仲喺無包嘢飲添，所以，比起一般嘅茶記定價貴。 蒜香雞扒湯河 $40湯河及雞扒嘅粉量好足，而河粉好滑溜，雞扒煎得香口，又勁有蒜香，湯頭亦無話「淡茂茂」，當然，驚喜就無，質素屬平穩咁啦。 星洲炒米 $47至於個星米睇落炒得有鑊氣，又幾靚仔，有別一啲下午茶餐會份量少咗，呢碟

焗咖哩薯仔雞肉飯，一個配麵包，一個走包。港式咖哩唔係好重椰奶果種，面頭仲有d芝士玩下拉絲以鹹同辣黎刺激你味蕾，汁亦夠晒送飯。雞肉份量都唔少，仲有個飯係蛋炒飯。簡唔中想heavy lunch 岩晒。

話說我真係好鍾意食常餐 去親茶餐廳都會先睇下佢有冇常餐先 話說同事們個個都食車仔麵 我就偏偏非常唔合群地叫左常餐黎食 食完之前 真心覺得自己冇揀錯！佢地既常餐有牛油多士 火腿奄列 豬扒湯意粉 飲品就要額外加錢 價錢方面 同一般茶餐廳差唔多 $50有找牛油多士都幾香脆 唔會話好似擺左好耐咁淋晒豬扒就整得好香口 同埋都算幾大塊 啖啖肉 正！個常餐既份量都算幾ok 話晒我食量都有返咁上下都頂到夜晚食晚飯先再食其他野而車仔麵我就冇食過 但同事們都話又平又好食 佢地講到咁 下次有機會我都想試試P.S. 聽講佢係黃店 同路人可以考慮下大大力咁懲罰佢！

有日經過，見到人地食依個，好吸引。終於可以堂食後就同老板去試下。睇menu你絕對唔知係邊款，一問之下原來係焗飯/意粉！咖哩同鮮茄之爭，最後揀左咖哩～咖哩配麵包好似夾啲～港式咖哩薯仔豬扒，拉絲芝士但味道唔重。底下仲有飯，而咖哩汁就比飯同麵包吸晒！因為我想食麵包，就叫老板幫我食飯食餸😂但其實麵包都食唔晒。老板多口問店員，係咪無人食個麵包架，見其他人都無食。店員姐姐話其實都無咩人食個麵包，但我下次可以走飯走意粉！！！依一餐真係飽到夜晚，超抵食！其實良心茶記真係唔多，要多多去幫襯🥰

因應疫情關係, 大部份人都選擇買外賣, 堂食反而好少人, 咁啱路過, 就食埋先走啦! 見人食車仔麵好似幾好, 試試看! 最低消費 $38, 麵 $12, 餸大部份 $12, 有部份 $10, 紫菜, 腐皮, 蘿蔔嗰啲就 $8! 可選大中小辣! 我食米粉 $12, 好滑好滑, 唔係 cheap cheap 米粉, 份量都幾多! 餸方面, 貪心的我要牛腩 $12, 豬腸 $12 & 紫菜 $8! 合共: $44! 餸份量好好好多.....牛腩好淋, 有濃濃的五香味, 唔太肥! 豬腸少少肥, 好煙靭, 無羶味! 紫菜亦勁多, 好滑無砂! 簡單嚟講....超抵, 份量足 (根本多到食唔晒), 味精就應該有, 不過食完唔會好口渴, 可接受! 

今日星期日放假走去睇下有咩黃店，搵到呢間係自己住果區就諗住去試下啦棒下場啦，去到一睇餐牌有啲失望，竟然得一張白色餐牌寫曬星期日所有食品，飯款得十零個可供選擇，可能佢今日開得晏收得早嘅關係，個飯食落覺得份量味道同食物質素好一般，但價錢偏貴，凍飲竟然要加5蚊，真係比佢嚇一嚇，加5蚊我以為有咩咁特別，原來咪又同出面啲茶記一樣，食個飯都要成六十蚊落樓，茶餐廳黎講真係好貴，呢間所謂黃店比我食開嘅差，都應該唔會再試了

嚟葵涌幫襯黃店😍呢間餐廳有車仔麵，仲有中式同西式嘅餐選擇👍🏻叫咗一碗車仔麵，有豬大腸，魚皮餃，再加杯凍好想車仔麵都幾大碗👍🏻最特別嘅係焗豬扒飯，佢係用個麵包皮焗，入面都有好多飯同豬扒👍🏻

永遠lunch time呢間野門口就排滿人，食完就知真係因為企理而且快，靚，正！典型既香港冰室（即係茶記野乜都有d啦），快餐，碟頭飯，車仔麵，扒餐都有！今次外賣揀左滑蛋牛肉飯多汁，一打開個盒真係多到滴出黎🙈🙈😋可能因為即煮，所以好熱，真係番到office都唔可以即食，但絕對欣賞既！！！加上d牛肉唔似某d茶記醃到過哂龍，有咬口，所以真係正🙈p.s.除左食物，更欣賞呢間野既人情味！排隊會提你小心1.5米哈！

南記位於KCC商場地下，離葵興地鐵站數分鐘，位置算方便。今晚6點左右到，餐廳尚算多人，食客接近坐滿餐廳，但未有人排隊等候。入到餐廳，職員便馬上為我們量度體溫，快手安排入坐👍餐牌選擇較一般茶餐廳少，但中式小菜、西式焗飯、炒粉炒麵、車仔麵都可供選擇😚最後喊咗個番茄雞扒焗飯🍚，同滑蛋蝦仁飯🍤。蝦仁飯10分鐘內到，但焗飯就差唔多20分鐘先到，當時蝦仁飯已經開始凍😕但係焗飯擺盤有心機，唔似好多餐廳，呢度會用麵包磚做碟，飯放裡面。除咗雞肉同番茄足夠、漿汁濃度適中之外，呢個飯影相打卡亦都一流🚀至於蝦仁飯，味道不過不失，分量亦都充足🥳餐廳裝潢簡潔，收銀處有figure、海報作簡單裝飾🎃整體而言，絕對推介大家一試😋