影片
近上村公园
继续阅读
电话号码
24889099
开饭介绍
以传统盆菜而闻名，必试即叫即烧炭烧乳猪，皮脆肉香。
继续阅读
附加资料
提供婴儿椅
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
*截单时间: 21:30
以上资料只供参考，请与餐厅确认详情
-
网上订座服务暂停
食家推介
招牌菜
喺南苑海鲜酒家呢度可以食到粤式嘅传统好菜。𠮶日我生日，我同朋友就到呢度嚟食顺便庆祝我个生日，我哋叫咗几道小菜，有鱼，有猪有蔬菜。💚南苑第一炒一道混合咗海鲜同蔬菜嘅小菜，有芦笋，带子，珊瑚蚌，腰果等等，经过厨师嘅精心烹调，唔单止带出咗海鲜嘅鲜味，仲保留到蔬菜原本嘅新鲜味道，虾嘅口感都十分之软嫩，食落去可以话系好开胃。🤎炭烧乳猪我朋友同店员讲咗我生日，上面仲有生日快乐嘅造型，令我好惊又喜。乳猪散发住阵阵嘅炭烧肉香味，皮仲会有爆花、布满好似芝麻嘅粒粒花纹，口感香脆松化，味道咸咸甜甜又酥香，食落去会有满满幸福嘅感觉。🧡鲜菠萝拔丝咕噜肉松脆可口嘅咕噜肉嘅味道酸酸甜甜，带有拔丝效果。食落去嘅时候，可以感受到肉块同糖醋汁完美结合，有鲜嫩多汁嘅感觉。配上隔离嘅新鲜菠萝，咀嚼嘅时释放咗好多鲜甜嘅汁液，口感更加鲜美。💛油浸笋壳鱼笋壳鱼烹调得毫无腥味，肉质十分之鲜嫩，口感清甜绵密，仲带住淡淡清甜，口感恰到好处。食落去嘅时候带啲松脆嘅感觉，但系仍然保留到鱼嘅鲜味，好好味。呢餐真系令人难忘嘅生日午餐。
继续阅读
🔮海鲜猪骨煲海鲜煲份量超级大！入面有虾、蟹、扇贝同沙巴龙趸等，用料新鲜丰富非常足料！用猪骨熬出嚟嘅汤底简直鲜甜无比，我一下就饮咗三碗汤🔮油浸笋壳鱼金黄油亮嘅油浸笋壳鱼望落去就好食～金黄色嘅外皮包住嫩滑嘅鱼肉，最钟意就系呢种鱼比较少鱼骨，鱼肉每一啖都好嫩滑，简直入口即化🤤🔮叉烧叉烧都几多块，每件都肥瘦均匀，而且仲切得薄厚适中👍🏼 甜甜咸咸嘅肉质都好紧实鲜嫩，有细个嘅味道🤩🔮芝士龙虾伊面龙虾肉质新鲜，食落去好爽弹啊！食落啖啖肉好满足，每一条伊面都捞满晒芝士酱汁，超挂汁😋 芝士奶香味非常浓郁，好邪恶👿🔮啫啫芥兰煲边个同我一样钟意食芥兰？！呢个芥兰煲正中我心啊！咸香味十足，但又唔会死咸，非常送饭😳 芥兰食落去新鲜爽脆，食落好爽口～
继续阅读
呢间海鲜酒家之前食过一次，今次同妈咪再次到访，食物质素都keep到~叉烧半肥瘦既叉烧烧得色泽均匀，唔会过long，肥瘦比例适中。叉烧嘅蜜汁浓淡适宜，肉质啱啱好，Mami比几高评价，佢至爱！烧腩仔都唔错，同样肥瘦适中，皮卜卜脆，肉嫩滑有质感油浸笋壳鱼店员特别推荐嘅！虽然话油浸, 但冇expect咁油淋淋。笋壳鱼开边炸, 感受到师傅有功夫！油温掌握得唔错, 鱼脆而不油, 炸皮薄脆, 鱼厚肉骨少, 鲜嫩有鱼鲜味, 记得要点上秘制过既豉油丫啫啫芥兰煲之前觉得好好食，所以今次encore! 用肉碎做料,够香+镬气
继续阅读
✨油浸式嘅笋壳鱼外皮炸得香脆，鱼肉好香软🐠😋食落脆卜卜，好爽口。.✨大龙虾伊面浓郁香甜，龙虾特别新鲜🦞加埋芝士咸香嘅味道，味道更加正🧀.✨菠萝咕噜肉好钟意呢个‼️佢嘅味道都比较浓郁，酸酸甜甜，令人好开胃。啲肉煮得啱啱好，唔会太硬，连老人家都可以食！.✨烧乳猪烧得油香四溢，外皮同笋壳鱼一样香脆，肉质都好软🐽🐽.✨芥兰菜都煮得好有特色，系几新鲜 食落好香甜同清新，好啱同其他𩠌菜一齐食🌱.✨酒呢度嘅酒唔会太浓烈👌🏻饮落好爽口🍺
继续阅读
朋友话附近有间中式小菜酒家啲食物望落唔错，想去试吓。咁啱今日得闲，就一齐去试吓。我哋叫咗一份烧乳猪，层板皮非常松脆，猪肉又新鲜同埋多肉汁，食起上嚟香味十足，送饭一流啊！而且佢哋碟乳猪都好大份下，我哋食到好满足😌仲有我哋食开小菜都必嗌嘅菠萝咕噜肉，酸酸甜甜嘅味道特别开胃，食到停唔到口！🤣而且啲肉又唔会好硬，整体口感同味道都啱啱好。再嚟我哋试咗笋壳鱼，鱼肉鲜香嫩滑同埋饱满，入口即溶！呢度嘅鱼肉仲好香嘅鱼油味，质素有番咗上下先会有。我哋之后叫咗一碟芝士龙虾伊面，估唔到都好好食！面质滑软，加埋龙虾同埋芝士一齐食，超好味呀！伊面佢哋用新鲜龙虾嚟煮呢个伊面，所以先咁好味！大鱼大肉，又点少得饮番杯。冰冻啤酒清爽解渴，配合埋其他食物，真系非常享受！朋友都非常钟意呢度啲嘢食，下次可以再嚟encore😋
继续阅读