南海一號

营业中

休息中

疫情的關係，好多食肆各謀對策，推出多重優惠。南海一號是數一數二貴價飯店，得知下午推出$168任食點心，趁此機會約三五知己去試吓。其實點心並不多選擇，味道卻一般，價錢還末包括茶水和蝦片，計起來一人要二百多元，非常不抵食。食物整體我個人認為燒賣，蝦餃和蘿蔔糕是最好味，其他的好失望。如葡汁雪魚酥，不太酥化，也吃不出魚味。麻婆豆腐太不正宗，完全沒有辣味.....漏單情況嚴重，服務一般，催促結賬，一點也不享受。

疫情下令食市生意大減，很多貴價茶樓都推出飲茶放題，今次特意來試試位於 尖沙咀 I square 30樓的南海一號⛵⛵一入去就見到維港靚景，2人仲安排窗口位添。😙😙當日中午1點都坐滿客人，90分鐘放題，30款點心小菜任點任食，只係$168+茶位+10%。😊😊其中推介豉油皇腸粉，蝦餃，燒賣，小籠包，紅豆糕都係必食的，連枱面上的XO醬同樣出色，員工服務好好，環境舒適，面對晴朗的天空下的海景嘆茶，真係疏干😎😎😎

為咗要同朋友餞行book咗一間平時會覺得貴嘅餐廳而一路都未去過嘅南海一號。喺疫情之下果然比較容易book到位。 而且我哋仲被安排到一個幾好嘅餐廳角落，嘈一啲都唔緊要。喺黃昏嘅時候去仲可以睇到一部分維港嘅景色。 作為一個香港人永遠都會覺得呢個景色好靚 。反而到天黑曬嘅時候係冇咁靚嘅。由於一大班人嘅關係，叫套餐真係幾好嘅選擇，可以縮短大家討論食乜嘢嘅時間， 專心返傾計。當我哋正喺度苦惱緊叫咩食嘅時候 ，就喺枱面見到 一隻小木船，上面寫住 “你生日、我請客 ”. 呢一個550蚊嘅套餐,仲要係四人叫餐，一人免費！ 好似盡是啲好吸引嘅嘢食例如，蝦 、蟹、 片皮鴨. 好終於都講 大家比較關心嘅食物喇。去片~Hmmm 好食嘅。 個餐都幾多嘢食我揀啲比較特別嗰幾樣同大家講下啦。頭盤首先有容易食又好味嘅鮑魚先。避風塘炒蟹都有驚（喜）。 唔係好食到辣嘅人都會食到，甜甜地， 幾好味。 鍾意食辣嘅人就應該會覺得佢唔夠辣喇。 啲蟹肉炒得好嫩，蟹殼亦都比較林， 蟹鉗幫你扑開咗唔使咬崩牙。但其實呢個餐最令我期待嘅係片皮鴨 。 因因為呢個菜式真係要人多先至可以食到 。。南海1號嘅片皮鴨比平時食嘅例如北京樓的瘦，所以可

上枱時已聞到陣陣燶味，但侍應生堅持個底有蒜蓉薦底，所以冇問題！這樣的焦，其實對健康有害！禮貌地通知經理，要廚房注意一下，但似乎經理並不在乎！顯然對顧客意見至株不理！其實味道沒問題，只是煮燶了，雖沒有小題大做，但這樣反映餐廳對食物要求低，並沒有放客人的健康作為考慮條件！作為常客，日後也不感邀請朋友或客戶光顧！這樣的處理手法，令人懷疑食物處理過程有否也出現同樣錯誤並不加以糾正！一間餐廳環境地點裝潢再好，也需要認真員工和有質素食物！

因見到有食家在食評分享，午餐點心放題，有炸芋絲，鵪鶉蛋燒賣， 仲有薑味椰汁糕。一心想來試，今日點心紙，完全搵唔到呢三樣食物影子噃。服務唔錯，侍應真係值得話佢地老細知，讚！1）蒸點心，我試左小籠包，多汁，肉嫩，好味。 蝦餃。蟹籽燒賣，蒸耐左，有啲干。小食試左， 辣子炸雞， 啱曬我唔食得辣， 都食得。 因辣度很微， 同埋有輕微麻辣味香。咕嚕肉，我掛住同好友傾計 ，擺耐左，表層面粉，變韌咗，影響口感。開心時間好快過同朋友食下，講下，好快就一個鐘，待應好細心，過嚟提醒我哋落單，因為蒸類的點心需時。我睇下點心紙，只有兩款甜品， 芒果布丁同南瓜西米露。我試左 南瓜西米露，少甜，唔錯。食飽繼續工作，心情$168/位，另加$25茶/位, 枱上小食$28/枱。每人$220。

星期六一家三口嚟食點心放題， 我哋食頭輪， 即係十一點半至下午一時， 第一輪上菜都ok， 第二輪開始超級慢， 甚至有啲菜式吹咗五六次都冇嚟， 而且食物水準一般， 選擇少， 完全冇驚喜。 服務水平也是極為一般， 計埋啲下欄， 講就188放題, 3 位埋單要接近八百蚊, 最慘就有好多嘢都未食完就要走, 呢個價錢完全唔值, 絕對冇下次!

上次晚餐我介紹到離晒地之後😝好多朋友都話想試下🥟我又知而家 Lunch 做緊優惠，就約埋一齊去食 Lunch，感受下日光的 南海一號⚓️$168 (平日)每位任食點心，呢個優惠唔知做到幾時，價錢都幾吸引，要加茶位同蝦片，但蝦片可叫侍應收番，慳番 $28 😆可能做緊特價，所以超多人，大家要早D 訂位，時間 11:30-14:30 三小時任食可坐到 15:00全部點心大約有 29款，我地大部份都試晒，係燒賣真係麻麻地，有d 硬實，其餘點心一般都可以，有幾樣較為突出必食～～ 😋話梅石榴：清新解膩😋辣子雞球：外脆內軟，唔會炸到裡面乾爭爭，不太辣，而是香濃😋上海小籠包：爆汁好味😋香煎蘿蔔糕：煎得香脆，食到最尾，感覺有點花香味😋南瓜西米露：好食到食左3碗😂雖然食物冇晚餐咁好，但以呢個價錢，都係性價比高，可以再來👍🏻環景上一編已講過，唔再多講，可以睇相，總之靚🌸🍭 南海一號📍 尖沙咀 i-Square 30樓💰人均 $220 (Lunch)

餐廳環境不錯，窗外可一覽尖沙咀及維港景色，一流！餐廳出品亦不過不失，唯份量太少，如你重複再點的點心他們都會給你漏單，到你離坐時也沒有提供，就連加茶水亦會看你走還是留才給你添加，實在對他們的服務態度有懷疑。再者小炒類餐點出餐速度極慢，我最小點了兩次咕嚕肉、上湯時蔬、蛋白炒飯（上錯伊面）及麻婆豆腐，都要催兩次單才到，還欠下麻婆豆腐及西米露沒到，第二輪的單只來了一半，如要控制成本就不應推廣優惠套餐免得客人該吃的吃不到，已一間高級食府來說，這樣的服務水平真是不敢恭維！樓面服務態度不差，唯有漏單及答應客人跟進入單後還是會有遺漏感到不值，這不應該在一流食府發生（至少大班樓這等街檔都沒有此情況）！唯有說：無下次！

環境舒適，食物有水準，服務相當好，值得推介蟹王翅、龍蝦湯泡貴妃飯、蜜餞鱔球好好味！ 而干煎魚頭沙薑雞有待改善，雞肉肉質差而無味，有點失望！ 9點前結賬有7折， 整體都滿意！

原本想同朋友找個舒適嘅地方傾計，點知就俾呢間餐廳環境同服務態度弄得不愉快。第一，根本唔知道咁高級嘅中菜餐廳，原來係結合酒吧，環境嘈吵，音樂節拍強勁，根本不適合交談聚會，中菜嘅位置完全聽到 boom boom boom 嘅音樂，耳朵完之後感到不適。其後有跟兩位職員反應過，但佢哋都敷衍了事，完全沒有想過幫我們調去一些比較舒適嘅座位。第二，我地晚上8 pm 點餐，最後等了一小時十五分 - 9:15pm 先上菜，期間追問過3 個職員都表示「會 check 下」

母親節飲茶提早一個月左右訂枱，順利訂到海景窗邊位😁 （晚飯窗邊位最低消費$500一位)😅 凖時11:00 到立即可以入坐，睇一下點心紙，可能母親節關係，點心選擇十分少😕 叫左五款已經揀唔到，另外有個固定收費$28 一籃蝦片，問過要唔要都會收$28 一枱，不過都可接受，好過俾花生🥜可能係放鬆餐廳防疫規定首個大節目，餐廳大多為炒散員工，大約一位正式員工帶三、四位散工！服務員人數十分足夠👍🏽 而負責我哋張枱嘅服務員，雖然應該係炒散，但絕不揸流攤，給客人五星酒店般服務水平👍🏽👍🏽整體來講，點心合格平實，海景位環境同服務水平以尼個價錢超值🎊 有機會會試埋$1xx 點心放題😋

4月南海一號有promotion..午市點心放題: 點心一般、特色菜……話梅蕃石榴……好茲味、炒毛豆、菠蘿古老肉……OK！始終沒有最基本點心:排骨、牛肉、雞扎、糯米雞、……總是差點點！環境一流……飽覧香港區！年青的服務人員有禮貌、殷勤。

閒日諗住趁人少少，特登帶埋家人小朋友黎試吓呢個點心放題，估唔到爆場。好彩被安排到靠窗位置，可以睇住維港景飲茶。服務員態度好好，整體食物質素唔錯，上菜速度超快。菜單款式選擇較小，同埋美中不足係要限時交枱，食得比較窘猝。

在尖沙咀31樓一邊欣賞維港海景，一邊享受美食，非常滿足~~這就是南海一號。 近期有幾款廚師推介有優惠，所以非常抵食，而且沒有因為優惠而將食物質素降低。關東遼參扣鵝掌 ~ 份量十足，味道濃，而鵝掌軟棉棉，入口溶化。金牌醬煮大蝦 ~ 大蝦新鮮而且非常大隻，配上本身的濃濃蝦膏汁，非常冶味可口，還附上一個小饅頭，浸滿蝦汁，非常好味。龍蝦湯泡貴妃飯 ~ 每湯匙的龍蝦湯內都有很多的龍蝦肉及蔬菜，而米飯很特別，加入少許米通，令飯有口感。

叫了$580的那個餐，食得超差！ 除了加服務費，還有茶水費和虾片費，加埋比左$700幾服務費！好痴線！ 計落根本無點平到，最重要係個餐食埋啲野好唔低食，每人一隻鮑魚仔，一碟細細的麻椒牛舌6個分，最搞笑係陳醋雲耳同蘆筍都當係其中2個course,食完呢餐飯完全有一種被騙的感覺！ 而且菜大部份都不熱，很差很差。 平均每人$730 食左：小菜3碟（麻椒牛舌，陳醋木耳，竹笙蘆筍） share的！ 一隻鮑魚仔，一件燒帶子，一碗魚翅，一碗泡飯，一隻蟹腳！呢個價錢其實係好啲既中餐可以食到魚翅，鮑魚，蒸魚，虾，蟹...... 只可以講以後都唔會再去呢間餐廳！ 太差！