影片
相关文章
今日来到西九高铁站的美食广场，网上新闻介绍有唔少野食，所以顺路一试。自助买餐，十分方便。88蚊唔平唔贵。买完餐就拿机等震，未坐定已经震（因为少客），去取餐处拿餐，餐具自助。这是另一半选的海南鸡饭，望落正常，食落非比寻常，饭是冻的，汤是微凉，另一半一试已经饱晒，只食了几旧鸡便算，鸡肉唔错，去骨，但已经救唔番，美食广场只有两三枱客，唔明点解做得咁差。相信无下次。而小弟食的焗饭在另一则食评，有兴趣可以去睇睇。
继续阅读
又到返工食西九龙站food court嘅日子，今次夜晚6点食，食客唔多，食物等候时间唔算长，好过食lunch同人逼。今次食咗星洲喇沙汤米粉，由于有好几个同事都话好好食成日食，终于可以试一试佢系咪真系咁好食。套餐$68,员工优惠85折后$57.8,包一杯热饮，如果好食嘅话价钱都尚可以接受，以呢个food court平均价位嚟讲都算系平。碗米粉卖相都几吸引，啲𩠌都算俾得足，有芽菜、两旧鱼腐、两粒鱼蛋、两只虾同半只糖心蛋，面头有少少芫茜，如果绝对谢绝芫茜味嘅朋友就记得要走芫茜，不过自己就觉得喇沙嘅味浓，有少少芫茜味中和下都几香。本身唔钟意食芽菜，如果唔想嘥系应该走芽菜嘅。未食已经闻到碗汤好香椰汁味，食落个汤好浓好香，不过米粉本身唔系好索汤，要每啖米粉都饮一啖汤先食到个喇沙味。本身亦都唔系话好钟意食米粉，如果可以换做油面/公仔面/河粉/檬粉就可以索多啲汤，再好食啲。本身唔系太食得辣，食食下都会流鼻水，但可以接受嘅，不过要食得专心啲，如果唔系好容易浊亲。只虾都算新鲜，爽得嚟唔系好似酒楼泵水泵到涨晒个啲。鱼腐同鱼蛋都几弹牙。最值得一赞嘅系佢嘅溏心蛋，真系好溏心，索咗啲喇沙汤不得了，如果可以有一只而唔系半只会更加开心。唯一唔好嘅就真系太油，真系唔可以成日食，不过喇沙都好难唔油嘅，如果有心机可以撇走晒啲油先食。
继续阅读