南島

营业中

休息中

諗住經過試下個馬拉早餐，點知。。。食個肉骨茶麵諗住加錢or散叫個咖咉多士。點知間餐廳係無得散叫既，要試既。唔該叫兩個餐！結果我真係叫兩個餐，諗住食唔晒打包。講真要是一間舖頭唔係一個餐可以試佢嘢好唔好食，馬拉嘢最重要就係肉骨茶同咖咉多。點知質素都係一般到最後諗住食唔晒打包拎走，從來未試過咁貴嘅外賣盒，仲要逐樣收費一個外賣盒$3杯嘢飲加多$1即係前前後後再加收你$4外賣合理咩？人哋正常一個餐外賣都係+$1都未見過一個餐外賣加$4

今日約左朋友係西灣河見面，一行三人聚下舊，行到咁上下，諗住搵下野食，就發現地鐵站附近有間別樹一格既餐廳：「南島NAM DOU」，舖面係落地大玻璃，晚上８點幾，座位都差不多坐滿；睇完餐牌，發覺有齊星馬泰既特色食物，於是我地就入去開餐啦 🤓入到餐廳，環境乾淨衛生，坐位舒適闊落，光線又充足舒服，而且店員服務態度好好；話明餐廳有齊星馬泰既食物，當然要試試，叫左泰式生菜包，馬六甲燒春雞，新加坡肉骨茶，同埋泰式炒金邊粉；４款菜，最後埋單都只係三百幾，十分抵食上菜既速度都好快，而且份量十足，特別係馬六甲椰糖燒春雞同埋新加坡肉骨茶，唔單止大份，而且都好入味，口感亦都岩岩好，肉骨茶既豬肉入口鬆軟，茶湯味都好濃郁；而燒春雞就好足料，原隻燒烤上，椰糖鋪滿成隻雞整體非常滿意，可以再黎試試唔同既食品🥰🥰

今日午餐時間同朋友經過西灣河，見呢間黎南島餐廳間面新裝修十分時尚，吸引了我既興趣～一入去感覺很好，室外自然光線照入去很明亮舒服，室內既裝橫及員工服飾都俾人很開朗既感覺。雖然我唔鍾意夏威夷風，但佢哋著既花俏t-shirt是同個環境嘅感覺好夾😂食品價錢好合理，見到好多人食海南雞飯。最後試左午市餐-香茅豬扒喇沙米線，豬扒味道十足很香口，喇沙米線味道都足夠，唔會好清淡～-馬拉戔甘香蒜蓉，蒜蓉香又爽口，唔會覺得成口油。

今日去到西灣河同媽咪試試南島下午茶🥢店內環境令人坐得幾舒適香矛豬扒喇沙米線份量都幾多下喎 賣相都唔差喇沙配料有半隻蛋，有啲豆、豆卜同木耳絲個喇沙湯整得好好味豬扒都大大塊 幾唔錯

南島呢一間餐廳都幾唔近地鐵站，不過之前一直都俾佢個裝修吸引左，一直都會想試試佢！見佢個大落地玻璃既門面，東南亞、泰國既渡假風裝修設計，入到門口都覺得好唔錯。入來既時候員工都好有禮貌、好熱情咁。我2點幾來到一心想試下個lunch set！ordered左個咖喱雞扒飯：咖哩汁好唔錯，佢個味好明顯香料比較多，係唔算好辣，但係好香。入口既感覺都好惹味，撈飯一流！個雞扒就好明顯有炸過、煎過，個皮好脆，肉質都好嫩，算juicy，不過係細塊d個汁我覺得有d少，所以我問佢再俾多少少少非常好人既waitress姨姨都好好地俾多一碗汁我不過講到杯凍奶茶走甜就真係一般，唔夠滑，茶味都有啲苦，有待改進一下

之前經過，一直無試過，今日過黎試下。餐廳落地玻璃窗，通透明亮，坐得尚算舒適。來到星馬泰餐廳，點返個肉骨茶金沙骨，肉骨茶有藥材味，偏淡了一點，我個人鍾意濃郁一啲，但是正因為藥材味淡啲，就適合小朋友的口味了，金沙骨軟淋入味，唔痴牙。小食拼盤，蝦餅，串燒，春卷，蓮藕餅都有齊，每款都唔錯，香口惹味。金邊粉份量可以，用料足，配有辣椒粉，白砂糖，花生碎，微辣，味道不錯。香茅炸鱸魚配青木瓜沙律，鱸魚去骨，不油膩，青木瓜沙律唔知點解我好似食到是生洋蔥的感覺肉碎包生菜，味道好清新，肉碎加了香茅，好泰國的感覺。

星洲肉骨茶(一字骨)配油飯+油條 $72 依款肉骨茶食落去偏向似馬來西亞肉骨茶。飲落去有藥材味，但係又唔會重到遮左肉嘅香味。佢整嘅時候落埋原粒蒜頭，咁樣令味道更香外，而且煲好後還可以原粒吃。餐廳特別用左一字骨黎整，食得出肉質細嫩。一夾起用少少力，舊肉就散開。油條唔會好油。將佢浸落個湯到，等一陣就索晒啲湯汁。叫咗杯熱薏米水。唔係好甜，又飲到薏米嘅清甜。芒果米紙卷$58 米紙卷個醬汁好refreshing 。今落去好似由芒草粒整出黎，冇渣而且稠度好好。米紙卷入面有芒草條、青瓜、紅蘿蔔線同埋蟹柳條。食食下飯用黎轉一轉口味，非常唔錯。

今日想係西灣河地鐵站附近食lunch。搵到呢間裝修好靚，座位隔離仲有大玻璃，好開陽舒服，所就入咗去試吓。🤩巴東牛肉配印度酥餅🐮 $72巴東牛肉配印度酥餅真係好夾👍🏻。印度酥餅好香脆，酥皮好有層次，一啲都唔油膩。沾滿汁之後，仍然脆口。巴東牛肉用咗香茅同其他香料醃製，香料味重🤩，鍾意重口味嘅人應該會好鍾意。牛肉份量都幾多，而且牛腩大大粒。😚大蝦米紙卷🦐 $58米紙卷好豐富，入邊有紫椰菜、青瓜絲、紅蘿蔔絲、大蝦、芒果，側邊亦都附上芒果汁。米紙卷入面包咗好多蔬菜，食落好fresh🥗。芒果汁真係畫龍點睛💯，個汁比較濃調，有濃厚嘅芒果味。真係食唔停口😋南洋海南咖啡 ☕️咖啡好香烘焙味，飲落唔會酸，奶味唔會好重，好滑身。

I didn't expect my Dad was craving Hainan chicken rice, that's why we decided to give this a try especially somewhere nearby. Seeing no queue during lunch time was a bonus. Staff was efficient and friendly. Hot food delivered out within short time. Unfortunately, flies and mosquitoes were flying around😰We shared Hainanese boneless chicken rice &Thai holy basil and pork stir-fry with fried egg served with rice. Hainanese chicken was alright. They didnt serve with the Hainanese soy sauce but the

周末同屋企人黎西灣河食東南亞菜式。呢到係正街角位，遠遠望已經見到。未到六點已經有好多食客。餐廳環境唔錯，座位間隔舒適。鍾意食東南亞菜式既我，見到餐牌覺得好多都好吸引。我同樣地離唔開海南雞呢類菜式😂不過今次唔叫飯，叫左喇沙。喇沙有米線、魚片、豆卜同雞蛋等，而海南雞就分開放係另一隻碟，咁就可以試真啲海南雞既味道。見到雞皮下既「啫哩」，食落嫩滑。而喇沙味道唔算好辣，椰香味濃。而屋企人就叫左新加坡肉骨茶，我試左一啖湯，好香濃既藥材味！肉既質感亦夠軟淋，容易入口，仲有香菇同成個蒜頭😯另外我地仲叫左杯龍眼冰同熱文冬薑茶。龍眼冰有好多龍眼肉，味道清甜好飲！屋企人都話文冬薑茶好濃薑味，好好飲。我覺得呢間東南亞餐廳性價比好高，價錢合理，味道亦好好，坐得又舒服，職員亦十分有禮貌。

Lunch 去西灣河搵下新野食地點距離地鐵站好近， 行一條街就到而且遠遠就見到個餐廳招牌，好易搵到入到去，燈光好足夠，又多窗，成個環境都好舒服午餐亦都有好多選擇最近餐廳轉左新lunch menu 午餐同之前比較，都有新菜式我同朋友諗左好耐， 樣樣都想試，最終選左2 款午餐第一樣就係泰式炒金邊粉金邊粉需要等耐小小，因為佢係即煮佢非常有誠意，有齊花生，辣椒，青檸同埋糖去拌食金邊粉同雞肉份量好足夠,仲好惹味夾起之後，仲見到好多細細蝦既蝦米仔完全同係泰國鋪食既一樣而另一樣食物就係海鮮喇沙米線碗米線都好足料，蝦同墨魚仔都好食豆卜當然係索哂d 湯， 好入味份量都係好夠，最後仲飲左d 喇沙湯，夠濃同好味餐飲方面，我地原本諗住飲奶茶同檸茶但係侍應姐姐推介我地試佢既白咖啡，飲落都覺得幾好飲食到飽一飽就埋單走人呢餐食完好滿足

🌹星期日去行山前，找地方吃早餐，在西灣河區找了間開業數月的《南島》。餐廳位置就腳，經營模式像茶餐廳，由於有不少窗口位，採光度不錯。🌹當天我遇上的餐廳服務都員好好禮貌，這個值得讚。早餐有數個款式提供，價錢不太貴，我們叫了兩個煎豬扒早餐。🌹豬扒大件，老公件較薄熟透，但我件厚身，呈生不熟，雖然其後服務員為我換上另一塊豬扒，但餐廳比較大意了！早餐有豬扒，兩隻太陽蛋，一件多士、香腸及少許沙律菜，配飲品，早餐來說是豐富。可以再去的食店！

◾️◾️◾️ 【 ✨西灣河大眾化星馬泰菜✨ 】 ◾️◾️◾️▎平價高質 用心製作👍前幾日朝頭早請咗半日假喺晏晝返工之前就順道去西灣河呢一間星馬泰菜餐廳食lunch😋其實今次已經係第二次嚟食整體感覺都唔錯無論係環境食物，味道方面都OK所以想推介俾大家👍◾️◾️◾️◾️◾️ 【 General Info 】 ◾️◾️◾️◾️◾️▎Overall rating：7 out of 10▎Will Revisit?：yes▎菜式分類：mayfoodie_東南亞菜▎人均消費：Ard HKD 150▎地區分類：#mayfoodie_saiwanho ▎前往方法：西灣河地鐵站A出口步行3分鐘▎餐廳位置：📍 南島 (西灣河)📍西灣河筲箕灣道143-145號大來大廈地下B號舖及地庫◾️◾️◾️◾️◾️【 環境方面 】 ◾️◾️◾️◾️◾️👉Rating：7 out of 10今次同上次去嘅分別就係分別係朝早同夜晚去🤣不過發現餐廳係咩時段都人流非常多兩層幾乎爆滿可見佢嘅受歡迎程度🙈◾️◾️◾️◾️◾️【 精選菜式 】 ◾️◾️◾️◾️◾️ 上次黎食嘅時候嗌咗佢哋嘅海南雞飯嚟食今次就試吓冬陰功湯面😋同埋都嗌咗佢哋嘅咖啡 & 鮑魚黎食結果非常飽滿幾乎係抱住個肚走😂(1) ✨軟殼蝦星

首先呢，我所講嘅質素差系食物同埋服務方面嘅，食果個海南雞飯我睇個肉係紅色喔，好燃恐怖，跟住換一個餐。等咗都有15分鐘以上了。同一位阿姐讲，叫佢睇一睇。跟住佢就好大声話等一等了。哗！哩个咩餐厅嚟噶？我系来食饭嘎唔系嚟受气。价钱又贵。服务态度差，总之好不愉快。洗咗啲冤枉钱。以后都唔会嚟了。

住喺西灣河嘅同事話屋企附近有間南島餐廳，海南雞飯好好味，今晚我哋專程過嚟試吓。餐廳燈光明亮，裝潢新穎時尚。主打星馬泰菜。海南雞飯：海南雞肉質嫩滑鮮美，再配上薑蓉、酸辣醬及黑豉油，味道超讚！油飯乾身，雞油味濃而且粒粒分明；老火湯無添加味精，味道清甜。新加坡肉骨茶配油飯，肉骨茶好足料，有一字排骨、枝竹、原個蒜頭、冬菇、杞子等，湯底濃郁香甜富藥材味，附上油炸鬼，浸在湯內吸收湯的精華，十分滋味！串燒雞肉豬肉燒得啱啱好，配上沙爹醬汁，味道非常香濃惹味！