南山白汁冰

营业中

休息中

南山邨｜南山白汁冰📌 南山邨南山商場平台CCC9號舖專登揸車到訪🚘，隔籬就係另外一間出名嘅雞蛋仔，建議下次可以預留多啲胃口，試吓更多唔同嘅甜品同小食！💫白汁芒汁西米$35美味指數：🌕🌕🌕🌕🌕芒果又香又甜，西米粒粒分明，係好有質感嘅冰！加埋一齊，天氣再凍都想嚟翻一碗！整個配搭💯

一直係社交平台不停睇到勁多reels推介白汁冰 覺得近排天氣開始好熱🥵 係時候嘆翻碗🫶🏻！白汁芒果西米🥭（$35）糖水呢個價錢上算合理 可能係屋村來講係偏貴 但係味道/份量真係對得上！首先 成晚真係滿嗮 芒果份量多 我諗每晚都有半個呂宋芒果 仲要好甜😍 令佢特唯而出的是白汁沙冰！沙冰係偏大塊 比較似台灣沙冰 但係絕對唔會好水！我諗應該有大量牛奶、忌廉 再配埋淡淡雲呢拿汁 配埋芒果一齊食好正👍🏻味道：🤍🤍🤍🤍.5/5 📍南山白汁冰 (石硤尾)地址：石硤尾大坑東道111號南山邨南山商場平台CCC9號舖

距離南山邨雞蛋仔只有一鋪只隔不如一邊食住甜品一邊等雞蛋仔啦•͈ ₃ •͈南山白汁冰只做外賣(｡･ω･｡)ﾉ♡大部分既甜品都係同芒果有關我地叫左白汁西米（有芒肉）$𝟛𝟘朋友為著白汁冰而黎 所以必點白汁冰即係雲呢拿沙冰雲呢拿唔係好甜๑⃙⃘´༥`๑⃙⃘西米既口感少硬 不過形狀係大粒 芒果既份量都好多 兩個人𝓢𝓱𝓪𝓻𝓮食唔會話太多太少份量適中•͈ᴗ⁃͈ ✧$𝟛𝟘都算平仲可以邊食邊等雞蛋仔食完白汁西米 緊接食雞蛋仔甜品沒完沒了脂肪也是૮⑅ᴗ͈ ‸ ᴗ͈⑅ა

石硤尾附近大都是民居屋邨🏘️相信對大部分香港人來就都不是假日消遣的地區🏖️但近日每逢入夜🌝南山邨便會人山人海👯‍♂️全因這裡有多間營業至深宵的抵食食店，成為不少人特意去朝聖的宵夜聖地⭐️———————————————————————說起「白汁」，難免會令人聯想起西式的忌廉汁🍽️以為是甚麼獵奇甜品😂但其實這裡的白汁是指南山邨的名物：雲呢拿沙冰🍧沙冰與現時流行的雪花冰或綿綿冰不同，這裡所售的是傳統的港式刨冰🧊沙冰未有刨得非常幼細🧐反而呈一小片一小片的形狀😮冰粒感十足，的確有透心涼的感覺🥰雲呢拿味感覺十分清新☘️不會很假很重香精味，甜度亦恰到好處👌🏻是令人有驚喜的味道🤩本來以為是配角的西米原來份量超級多🥳而且店家已預先將西米與白汁冰混合，讓食客每一口都能感受到煙韌與脆口兩種截然不同的口感😍至於芒果份量亦夠充足🥭香甜多汁，喜歡芒果味更濃的話更可加$5加芒汁，亦是不少人的心水之選😝———————————————————————南山白汁冰外表平平無奇，味道卻相當有驚喜😙而且只售$30🥹如此價廉物美的宵夜，難怪會如此爆紅🔥食客長期絡繹不絕👍🏻

$30一碗真係超級抵食，超級好味同足料😍大學時期成日同啲莊員、組員經常去食 ！係reu活動過後嘅回憶經典好物！啲西米粒口感係啱啱好，口感唔會太淋，亦都唔會太過韌！芒果鋪滿係上面大大粒，而且係新鮮切嘅！但我最最最最鍾意係佢白汁同冰之間嘅配搭，甜度上非常恰當，但又唔似出面有啲甜品鋪個種廉價刨冰，食落好似水咁，食落好稀…反而有綿綿嘅咬粒感，真係恰當有致！！真係超級讚，無論學生、街坊、遊客與否，路過真係一定要必試～

聽咗呢一間石硤尾名物好耐聽講係city U同BU學生成日都會去食嘅甜品😋今次叫咗一碗芒果水晶白汁冰同埋經典芒果白汁冰🥭香濃嘅雲呢拿冰加埋芒果汁真係冇得輸水晶晶瑩剔透 少少爽口芒果全部都又甜又大粒西米大大粒煙煙韌食落勁有滿足感！真係抵佢出名

尋日啱啱考咗試好耐冇咁得閒，所以諗住嚟南山邨嗰度求其轉一圈，突然間睇到呢個舖頭，呢度係港城大隔籬，因為係下晝3:00啱啱好係舖頭開門嗰陣，咁所以冇咁多人排隊，一於排隊睇吓個舖頭有乜嘢好食，嗌咗個白汁芒汁西米，淨係$35，而且一個人，如果你個肚食唔得太多嘢呢，呢個你實會食到爆肚，白汁幾好食，跟住入邊嘅望過睇吓全都係新鮮嘅，冚嘭唥唔酸又幾甜！

每次同朋友遊車河都會去食嘅南山白汁冰😍🤤次次夜晚去都大排長龍價錢仲要好抵 $27-$35⭐️白汁芒汁西米 $35所謂嘅白汁就係雲呢拿沙冰加埋滿滿嘅芒果 都唔會過分甜好好食😍😍⭐️楊枝甘露水晶粉 $27小編就鍾意食水晶粉楊枝甘露有滿滿嘅芒果同埋西柚粒每一啖都係充滿着好多嘅料食完一個真係會滿足晒食甜品嘅慾望😍😍

來南山邨, 怎可不試網絡推介的白汁冰, 以為會有人龍, 怎料不用排隊便可一試。白汁系列推介的有白汁西米和白汁芒汁西米, 兩者均有芒果肉, 首次光顧, 先試白汁西米, 試試原味, 好吃的下次再試白汁芒汁西米。白汁西米 $30白汁西米份量適中, 面頭蓋著不少芒果, 芒果不酸, 但甜度略微不足。相對於西米, 冰量略少, 雖然有白汁加持, 但雲呢拿味道並不明顯。西米大粒, 質感較煙韌, 由於沒有額外白汁的潤滑, 西米較黏笠和乾身, 入口味道有點單調, 影響整個甜品的體驗。

呢排都好中意食飽左晚飯，叫老公車我去買糖水😍 自從我買過比佢食之後，佢就愛上左呢間位置南山邨好出名既白汁冰糖水。次次都一定必叫白汁芒汁西米(有芒果肉)🩷🩷🩷🩷🩷因為呢排天氣都仲係比較熱，佢碗糖水面係有勁多芒果，再加埋啲芒果汁，佢白汁即係雲呢拿汁，仲有雲呢拿沙冰係底，溶咗都唔驚溝淡咗個味道。入口啖啖果肉，而且勁足料，不過佢嗰啲西米係偏有咬口，可能係加咗冰底，不過我個人嚟講都幾鍾意幾有藉口幾特別😂👍🏻同埋佢個雲呢拿冰底真係好正，好特別。撇除佢好食之外，其實佢果個位置唔揸車都有啲隔涉😂所以好彩老公又中意食，車我去買😂。不過我驚隔離雞蛋仔同格仔餅$10 一底都真係幾吸引。但越多人排隊🫠搵次買到再分享先。五個心心為最高分南山白汁冰 (石硤尾)石硤尾南山村南山商場平台CCC9號舖

今日早咗，4點幾經過見到好多學生食緊，就去另一邊食晚餐炒小菜炸豬手先，食到好熱氣，出嚟食返個白汁冰，好彩都冇人排，即刻買返個白汁芒果汁西米 有埋芒果肉。拎到返屋企都仲凍，個底好多一片片嘅碎冰，應該就係白汁冰，食落好得意仲好夠凍，係芒果汁唔夠多，爭少少芒果味，芒果粒唔夠熟，都比較淡口，唔使排隊食一次都OK。不過好奇怪，買嘢嘅老闆無論男女都好唔願做咁，其實又冇人排隊又唔忙，點解面口會咁嘅！食甜品我都係想開心😊順便排埋隔離雞蛋仔，排成日10幾人，聞到嘅味好香，但係食入口就只係正正常常，但係老闆娘就好健談，話好攰好辛苦，就算好忙都不忘招呼同熟客傾計，我呢啲生口面佢都傾兩句。專業！

10月都仲係熱辣辣🥲好彩呢幾日夜晚終於涼返少少，雖然九龍塘行到去南山邨都出哂汗不過今次終於食到南山邨名物白汁冰🤣降溫一流！當日雖然都有人龍，不過出餐都出得好快🤓嗌咗芒汁白汁西米 ($35)，白汁冰面佈滿芒果粒同芒汁，芒果食落係甜，唔係酸嘅已經加分😙西米好大粒又煙韌，份量都好充足，啖啖都食到西米😆白汁冰有奶香，隱約食到有椰汁嘅味，雪呢嗱味就唔係好出😂後記: 男朋友食完一個念念不忘再買多個行住食😂敏感牙齒嘅我表示點解可以食得咁快

老闆娘探索新美食 香港站 #5南山白汁冰有冇人食過？🤤其實老闆娘去石硤尾除咗係食品香樓之外 就一定會食埋呢間甜品真係由佢木頭車睇食到佢入舖頭推薦食品 (5⭐️最高)1️⃣白汁西米 $30⭐️⭐️⭐️⭐️⭐️所謂嘅白汁就係雲呢拿沙冰，超級出色！每次去都排長龍，仲有一次冇晒白汁好唔開心今次終於食到啦😛 我諗讀城大嘅人都一定有食過啦係咪？內附價錢😚📍南山白汁冰 (石硤尾)石硤尾南山村南山商場平台CCC9號舖營業時間下午三時至凌晨一時

白汁冰是南山村名物 ，是城大學生和附近居民的寶藏美食，開到凌晨1點！！旁邊還有一間性價比很高的雞蛋仔店鋪。😋😋🌟白汁芒果冰 -$35 超大一碗 芒果好多而且好甜！！✨芒汁和雲呢拿味的沙冰結合真很好吃！！每次經過南山村都一定會吃的甜品🍧！大推！！

已經係第三次去，第一次老公買外賣返屋企，第二次想食，勁多人排隊，排到轉晒彎放棄咗😂呢次第三次，喺佢哋收舖前趕到去🙊成個餐牌主要係芒果為主，必食 #白汁芒汁西米 $35 ！白汁其實係指雲呢拿沙冰🍧個冰甜甜哋，西米QQ的，滿滿一勺芒果，芒果份量算多，夏天食呢個正❤️另外叫咗杯 #椰汁涼粉水晶粉 $25涼粉+水晶粉，口感唔錯～呢個都消暑🫶🏻超級推介白汁芒汁西米🥭呢個份量、呢個價錢，仲要好食～多人買唔係無原因！