南山咖啡室

见到有芝士汁捞公仔面都好想试，今日食lunch一试就后悔了。（灰瑜珈裤个位应是老板娘）第一宗罪，大排档环境污糟系明白既，但老板执好枱比我地，抹枱时系抹左两下，真系两下……我地再用湿纸巾抹先可以至少将上一枱食客留底既残留物清去。第二宗罪，老板娘落错单，捞公仔面可简芝士汁/咖哩汁，我想试左芝士汁太耐太耐啦，比错左咖喱汁我，佢仲要声大夹恶：「可能系我听错啦，但系咖哩汁一样啫，你食呢个啦，如果唔系要倒左去，重新整过，要等好耐架！你等唔等到呀？」同行有比较惊青既女仔朋友系惊……觉得不如唔好换。但我礼貌地请老板娘换，佢一言不发一野拎走兜野倒哂，好似我做错咁第三宗罪，我叫左份千岛芝士汁捞公仔面碗双蛋同汉堡扒。（冇影相，太核突，难食卖相又呕心🤮）捞好哂之后食面都觉得一般，宁愿食番公仔面本身，直到食汉堡扒，竟然系坏酸臭架！我地同老板讲，佢话：「咁你想点？换个块比你！」我话唔食汉堡扒啦…….未讲哂，佢一野就抢走我碗面拎番入厨房，放左两旧咖喱汁鸡翼比我……如下图：（碗边有我吐出黎臭左既汉堡扒；又有我抹枱抹到黑哂既湿纸巾……）我见到呢碗野，我真系食唔落，好想呕……老板见到我唔食，个样好想呕，佢送左个杯冰底（我叫左coke zero，当时已就快饮完）同生菜比我，话益我，菜食啦挂。我真系好多谢老板，我完全食唔落，一连串操作真系令人好唔舒服最后大罪，从12:30pm食完臭扒，5:00pm开始肚疴，到现在10:30pm已疴左7次，仲呕左1次。好辛苦呀！😭相信系臭扒既毒发作啦！真好后悔今日简南山咖啡室。重要既野讲3次：唔好食。唔好食。唔好食。不可一不可再。不可一不可再。不可一不可再。…查看更多

平平地，去南山村有乜好食可能个个都会去品香楼。我就食得太厌，而且想试下附近啲大排档噉就来咗呢间大排档试试佢个茶餐。西多茶餐唔算贵廿零文有交易。件西多中间夹咗花生酱配上甜酱。真系好鬼肥咯。胆字配上冻饮都系廿六元。算系超值。但系大排档嘅质素同环境又扣返d分，所以合理啦。总括来讲，冇嘢做坐喺度吹水都可以但系就唔值得推介啰。下午茶时段有好多个套餐抵食夹大件最啱穷食一族嘅我。服务员都会好殷勤介绍食物所以唔使担心唔知点减。…查看更多

呢排要经常黎石峡尾做野, 好难得地南山邨领展当年睇唔上眼, 无收购到,如是者, 冬姑婷同其他餐厅小店能避免加租/强制翻新/ 杀掉的命运。南山咖啡室系南山冬姑婷其中一间餐厅,虽然南山的品香X系坐得几舒服, 但如果唔想成日去(又或免得佢独大), 其实南山咖啡室都系一个几唔错的选择。今日叫左个牛肉蛋通, 牛肉要预左有小小松肉粉ga la, 但只蛋系煎得唔错,通粉有少少淋gam la,但杯热奶茶都几不错, 茶香奶滑,要求唔高, 价钱又唔贵, 都可以接受ga :-)…查看更多

放假走去石峡尾逛逛，开open rice见到旧式既咖啡室，姑且一试。没有冷气，但阵阵风吹黎不太热，点了干炒牛河和栗米牛肉饭。味道不是特别出色，但系黎呢到系食屋村既味道环境。所以抱住落楼下食餐饭医肚的话，就无问题喇👍🏻…查看更多

琴日去食下午茶，俾芝士捞丁吸引左。睇餐牌嘅时候，好热情咁样叫我地入去慢慢睇。入到去态度又唔系特别好。佢有咁多个菜式想慢慢拣佢就不停吹我哋。都估到系中伏㗎啦。之后上菜仲样样都搞错晒。芝士捞丁俾咗咖喱捞丁，芝士蟹钳鸡翼饭冇芝士，以为系个蟹钳里面，一滴都无。不过算啦都唔系真芝士。本来想share试下，间铺系冇碟嘅，只有垫住啲杯𠮶啲好核突嘅碟。但系佢好好意思咁样飞一只俾你。之后去第二间食返个甜品舒缓返。讲完。…查看更多