影片
招牌菜
食记 (15)
今晚都仲系冻冻地就同男朋友去食饭~落到街又唔想去食平时食开个几间野....所以今次决定行远d~行到太子就去左南北嚼见到门口好似好多人, 以为好好食~入到去见到吉台都唔多睇睇 menu, 碟碟计钱都唔紧要~叫既野食都不外乎:肥牛, 菜, 芝士肠, 海鲜类产品$26 两碟肥牛 = 得10块好似3只手指咁阔, 1只手心咁长既 size 既 肥牛, 又干既~$68 墨鱼滑 + 虾滑: 过得去喇.... $62 贵花蚌: 系我地叫得最好味既1样食品$26 得 14条芝士肠 (但系起码都有1半系脆皮肠 >> 呃人!!!! )$5 猪红 淡而无味!!!! $26 吊桶 同食胶无分别!! 又系无鲜味既!!!!!!!$26 牛柏叶: 不值一提!!$18 津白, 点左唔黎~$10 2 只蛋$16 2位茶芥$38 醉鸡汤底, 仲要比我发现碟鸡有条好生猛既毛虫!! total 计埋加一都理应 $333.3但系个waiter行埋黎话$367!!咁我一见条数唔岩, 就梗系同佢地讲返架喇~点知计数个阿姐行埋计左2次都计唔岩条数同佢理论完之后, 佢就计到 $333 比我地!!总结: 虽然有 NOW 睇, 但系... 无质素, 无服务可言!!!!D野食又唔好食!! 自问本人食野唔奄尖!!但系.... 真系好多野都系唔好食!我同男朋友..... 都决定 BLACK LIST 南北嚼!!!!
继续阅读
刚入冬已经打左好几次边炉，热气到想死！ 连经过光锅店门口都有恐惧，想唔到呢度门口有间鲜果汁店，试左好几次都有惊喜，第一次店员推介芒果加柠檬汁，听落好似有D怪怪，试过先知原来柠檬汁可以吊起芒果甜味，反而比其他舖头芒果汁加糖好饮得多，第二次试蛋白杏仁露，出奇地咁重杏仁味而且好滑溜，唔太甜，相当满意，最后在店员推介下，外卖左支桂花蛋花马蹄露，哗! 呢支先最正，劲多马蹄，用桂花糖所以好清甜，好润，果真冇介绍错，估唔到一间果汁店D糖水仲好过糖水舖，行过买支好过自己煲！
继续阅读
其实好耐冇去食喇,不过食过几次,真系好正,忍唔住想写返。以前系做sales,收工都成10点,同同事or同场都好想放左工食餐好既。平时行过见佢有炭烧石蚝,而且又系川菜,o岩晒我胃口,终于有日试过,仲成日好想再食。除左hotpot同小菜,门口仲有个炭炉,烧串烧(猪,牛,羊,鸡),烧茄子同埋石蚝,肉类串烧未食过,因为次次去到都卖晒,烧石蚝同茄子就好正,就算唔食辣,都建议叫少辣,净蒜泥味略淡,叫亲辣就够咸够味,不过烧石蚝唔系成日有,店家话d蚝唔靓就唔入货,所以次次食D蚝都好肥。小菜方面试过既有水煮牛肉,茶香骨,荔芋墨鱼卷,铁板o者o者鸡,砵酒牛肉,其他唔记得试过咩喇~ 水煮牛肉,荔芋墨鱼卷同o者o者鸡每次必食,再加茄子石蚝,绝对系水准之作。水煮牛肉上既鸡蛋好滑,牛肉煮得刚刚好,一D都唔鞋口,花椒同辣油都系真材实料,如果怕辣就食面果D,嗜辣者一定要沾多少少辣油食,食埋底既娃娃菜,刺激到爆呀!唔食得辣既人千祈唔好食入面既娃娃菜,因为索晒辣油,食左会好大单!!!荔芋墨鱼卷就烤得好香好脆口,入面既墨鱼打得好弹牙,芋头就令佢多左绵绵既口感,比起以前食过果D绝对系超班。o者o者鸡连铁板上,鸡件滑嫩,配菜用铁板炒得香口,闻到都流晒口水。砵酒牛肉一般水准,冇乜惊喜,另外茶香骨都食唔出有茶香,可能因为我地食左水煮牛肉先啦~其他小炒都几好食ga,好够获气。我个人就觉得呢度既小菜比火锅出色,火锅试过一次,麻辣汤底系做得比出面出色,不过火锅料既新鲜度只属一般。
继续阅读
北方盛产黑草羊，北京大街小巷除烤鸭外，挂牌卖羊蝎子的火锅店随处可见，是羊背脊位啜骨髓的风味小品，食味麻麻胜在得意。平日搭巴士到旺角一定会见到南北嚼，本来对火锅馆兴趣不大，惟独羊羯子全港只有她有卖，又看过食友的相片，听说甲鱼也可作火锅用，每只百二十元，抵吃，秋风天是时候进补。甫坐下已吩咐店方推出预留原整的甲鱼，但「副计」却看不著纵迹，店方说师傅不小心弄破了肝，掉弃了，肝也可挑破？当客人是傻的吗。二话不说要取消单，店方连赔不是，又送来新鲜切的甲鱼，一副心还在卜卜跳著的甲鱼，这才像样呢！（话时话心跳足超过十分钟，真的不能小看甲鱼生命力！）又叫下美国桶蚝、雪花肥牛、黄喉、鸡子几味，汤底老实地要了药材清汤，这里火锅配料不贵，肥牛约一百元、其他几味亦不过五十元左右，开至凌晨，真是愈夜愈精彩地痞馆子。主打的甲鱼自然鲜味，奈何裙边非（火合）下（火合）的好料子，吃不出丰腴质感，始终炆、红烧、干烧才能发挥胶质效果。肥牛肉质细嫩，肉浓又带点脂肪油甘，用作火锅好吃，放在铁板烧就更好味。内脏唔多新鲜，黄喉有发涨迹象、鸡子打过水，不吃也罢，始终有著大鱼缸养著白鳝等河鲜的地方，还是叫鱼鲜最稳阵！至于羊蝎子，吃之无味，弃之又不是，非北方的风味，在这里老实地吃肥牛、河鲜可了，也不建议大家吃这蝎子。对方作东，在此谢过！
继续阅读
南北嚼过往的食评全是吃火㶽的，不过我来此反而是吃它的中菜，算是南北嚼在这里的第一次非火㶽食评哩！这天晚上找吃的地方，从旺角走到太子，来来回回，走累了，还未下定主意，最后来到荔枝角道，见南北嚼的招牌大大的，霓虹灯亮亮的，门外的食物广告也颇吸引，就试试新地方吧！一坐下，周围的食客都吃火㶽，我们偏偏选吃中菜，是想有点白饭下肚吧！两肉一菜是酱爆田鸡、烧鸡和咸菜胡椒猪肚。酱爆田鸡一上碟时，那份浓浓的香，即时已告诉我没选错地方，镬气十足；田鸡很少吃，比起平时常吃的猪牛类有所不同，所以更添食欲，加上下镬的调味料和干葱洋葱和蒜头都炒得香喷喷，实在美味！烧鸡虽然不是很特别，但伴上冰冻啤酒一起，又产生化学作用，难怪的，鸡皮脆而肉质鲜美，都有齐烧鸡应有的条件，没有批评的地方了！最后是咸菜胡椒猪肚，是跟气炉一起上的，咸菜很多，看样子会不会很咸呢？吃下去又是另一回事，厨师已做过功夫，咸菜浸透去了浓浓的咸味，令咸菜味道刚好，加上胡椒的小小辣味，相得益彰，还有汤水可喝，只是猪肚少了点！要一提，这类较著重街坊的食店，招呼客人都较其他大店殷勤，感到人情味，也都是令人有再来光顾的意欲。
继续阅读