卓越食品餅店

营业中

休息中

呢排好多食物都鍾意用開心果做材料，呢間老字號餅鋪都唔例外，於是我都試吓一個盛惠8蚊嘅開心果糯米糍體積正常，出面層皮好軟腍腍，好軟熟，入面啲開心果餡都幾澎湃，有好多開心果同芝麻，不過開心果味比較淡，亦食唔出芝麻嘅香味。佢入面濕濕地，應該係啲糖溶左，啲開心果粒同芝麻散修修咁，唔係好blend到。純粹以開心果糯米糍黎講，可以一試，但無下次但我見佢有其他傳統糕點，包黑芝蔴糕，白糖糕（有成2cm厚），桂花糕，仲有一種叫三色糕嘅糕點，樣子都唔錯，下次試吓佢啲傳統糕點（可以屹立西環咁多年，相信總有佢可取之處嘅）

今日專程過嚟買砵仔糕，水準依然👍 這裏的砵仔糕質地比較煙靭口感好，絕對推介！ 見到有開心果糯米糍特登買一個嚟試吓，太失望了！開心果碎加了白芝麻，味道格格不入，最失望是啲果仁全部是腍的，不香不脆！係我食過最難食嘅開心果糯米糍！！同民豐和均香完全冇得比，唔怪之得唔使排隊！ 下次只會買砵仔糕唔會試其他！

今日要過西營盤買嘢，咁就順便喺附近買啲小食食啲嘢咁。🤗第一站就嚟到呢間小店買糯米糍，之前見人介紹過話呢間小店歷史悠久，橫掂唔使排隊，咁就買兩盒試吓，一盒俾媽咪嘅，而令一盒就俾自己。😃分別買咗：黑豆豆沙糯米糍、花生糯米糍、腰果糯米糍、同埋最想試嘅開心果糯米糍。食後感：佢嘅糯米糍唔會好甜👍🏻 ，餡料都足夠，正常份量咁，不過所有餡料啲味都唔係好出👌，而個糯米皮都柔軟，不過薄返少少就好啲啦。😛而每粒價錢就由$5至到$8不等，係平嘅。👍🏻總括嚟講：各方面都正常可接受程度，對港島人嚟講係方便嘅。👌 不過可能前兩個禮拜，先啱啱食過大埔熟食中心嗰一間天花板糯米糍，以致就被比下去，兼且我唔可以食得太多糯米嘅，所以都係試過就算，我嘅糯米quota，都係留返俾大埔天花板，同埋利x酒家嘅棗皇糕啦。🤭😆

平時經過見到啲老人家排住隊買，今次終於忍唔住買個嚟試吓！款式好多，有唔同口味嘅燒餅、砵仔糕、蛋散、馬仔、糯米糍。揀咗最近好hit嘅開心果糯米糍～皮薄餡靚有驚喜！個皮軟綿綿煙煙韌韌係我鍾意嘅口感。開心果剁得好碎，食嘅時候好遴迍，但係爆料嗰下好正，亦唔會太甜。睇門面應該係一堆姨姨嬸嬸自己經營，手腳唔會特別快，同埋只收現金，唔趕時間嘅可以感受吓隱世小店嘅味道～其實有時望到一間間連鎖嘅舖頭當中，發現仲有自家經營人手製造嘅良心老店，都幾感動。$8一嚿，當中嘅心血已經唔係利潤去衡量。

西營盤這間民生店，我幫襯左好耐既。我間中都會去買 🌟 桂花糕 🌟 芝麻糕。新年又會去買過年食品。今日入手左 🌟紫薯燒餅 同埋 🌟開心果糯米糍。🦁 開心果糯米糍 👍👍👍👍👍 好足料，入邊d 開心果粒粒好多，個皮煙煙韌韌，幾蚊咋，性價比高到咁，唔可以投訴啦 😂 店入邊，見到姐姐們係度整餅，香港這種民生店，真係唔多，希望佢可以做耐啲，令香港人多啲選擇。

舊式嘅傳統食品店 冇ig冇剩 招牌亦都唔太顯眼😂之前成日經西營盤都唔知佢嘅存在Ig見過有人po但睇comments又比較參差但式逢我係中意厚皮糯米糍就特登嚟試下買咗呢排好興嘅開心果糯米糍（$8）Size中等 個皮一啲都唔厚😂食落煙韌軟熟餡係開心果碎撈芝麻同砂糖 但糖嘅份量唔太多 係少甜版 （fyi冇均香咁甜)餡量都唔少 $8真係好抵 好似係我見過最平嘅開心果糯米糍另外仲試咗南瓜餅（$6）拎上手仲暖暖哋 好軟熟淡淡南瓜味 好天然無添加嘅感覺整體2樣野都好好食仲要係其他地方好難買到 又賣得好平好抵間野都唔少負評好唔好食見人見智 可能比較啱啲淡口味/唔想食咁多添加糖嘅人

網上睇到人介紹，開心果糯米糍$8/粒😻西營盤地鐵站出口附近一間傳統餅店，街坊小店舖面但見到有幾位人手努力喺廚房搓緊餅，有菲林卷、鹹蛋酥合桃酥、白糖糕、糯米糍等等，最吸引係糯米糍好多款口味：黑豆豆沙、豆沙、腰果、開心果口味等，重點 唔使排隊🤣老實講，糯米糍軟熟但個皮偏淋少少，餡料方面比較重椰絲芝麻碎，微甜，見到有綠色 但真心唔明顯開心果味。如果去開西營盤可以經過買下其他款，但特登黎潮聖/買開心果 不用了🤣

出嚟上環食lunch，之後爸爸話想去西營盤咧邊以前有間好好食嘅雞蛋糕，但係又唔記得叫咩名同具體位置，唯有搵下有無啲老字號嘅唐餅舖。見到網上話咧間喺度屹立咗好多年嘅餅舖結業後重開，諗住出品應該唔差，即刻同爸爸過嚟睇下係唔係佢講嗰間。過到嚟唔見有雞蛋糕賣，但係見佢啲糯米糍好似唔錯就買咗2個試下。估唔到咁伏🥲層皮好厚，我咬咗2啖先見到啲餡，仲要係得好幾粒花生碎。啲皮係軟熟嘅，但是糯米糍淨係得層皮就唔係糯米糍啦～ 張相係第二個糯米糍，咧部份已經係最中心嗰part啲餡....

難得去西環，特登找到了這間舖頭。買了一個南瓜燒餅，一個原味燒餅 和 一包鳳凰卷。 舖頭細細，賣的都係香港的懷舊中式餅食😊南瓜燒餅：軟林林，但無乜南瓜味，就是橙色的。原味燒餅：即係無餡的，個人平日都喜歡食豆沙餅的皮多過個豆沙餡，所以覺得好好味，唔會太甜，正呀～鳳凰卷：未食😅

舖頭細細 選擇多不勝數🙌🏻主打懷舊港式小食糯米糍 燒餅 老婆餅 棋子餅 合桃酥 砵仔糕 白糖糕等糕點已經食到好飽 但係口痕難忍忍唔住買完即刻食喇🤗⍥ 燒餅 ❙ $5除左原味燒餅分別仲有豆沙、南瓜餡而我唔想有餡😌所以食返最origin既口味燒餅拎上手幾墜手 有啲厚度 🤤綿糯非常！！煙韌得黎偏軟熟我地都喜歡呢個質感而且甜度適中 價錢合理 讚一個👍🏻⍥ 花生糯米糍 ❙ $5糯米糍有三款口味 豆沙、黑豆豆沙及花生我選擇左好似比較穩陣既花生餡😳糯米糍都係好軟熟！！內裡既花生餡偏大粒 炒得幾香存在感極高🤣不過皮比較厚 顯得料唔多對我黎講甜左丁丁 史生話正常而且同心臟一樣偏埋左一邊少少失望啦 定係我又又又揀錯左餡呢🥲

甫看金黃色餅皮，已經心生好感!嗅一嗅月餅，香焦味散香，好感度再增加。餅皮略為硬身，未能與餡料相連而吃，皮餡分離。因為不愛吃蛋黃，所以要了金華火腿月及統白蓮蓉月。純白蓮蓉餡不太甜，吃完不會口渴。餡料頗滑，不會起粒，且帶有蓮子味，餘香留在口中不散。金華火腿五仁月甫入口便有玫瑰露的清香。新鮮五仁沒有「抑」味，堅果味道與玫瑰露的清香相輔相成。

#fatxsaiyingpun ‼️ 西營盤高質中式糕點‼️•① ［ 南 瓜 🎃 燒 餅 // 豆 沙 燒 餅 ］ ｜推薦‪(´•ᴗ• ก )‬՞ ՞南瓜燒餅比較少地方有，所以每次嚟度一定要買！｜𓋪9.5/10·② ［ 花 生 糯 米 糍 ］｜仲有豆沙糯米糍揀^^買咗一個試～花生餡好足，值得一試。｜𓋪 8.5/10•③ [ 砵仔糕 ]| 買俾屋企人食的！|·卓越食品餅店 (Western District)G/F, 305 Queen's Road West, Sai Ying Pun, Western District#hongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #saiyingpun #saiyingpunfood #西營盤 #西營盤美食

花生糯米糍： 輕軟而煙韌，炒香的花生味，足料，一啖咬落去，好滿足。缸仔糕：滿滿的紅豆，大粒，軟硬適中，味道香濃。份量大細適中，可以食晒兩種味都唔會太飽。雞仔餅：勁香牛油味，食好多都唔覺膩，鬆化，香脆，真係不知不覺一次過食左30粒。馬蹄糕：真係唔識形容，又柔軟又彈牙又滑，好多爽口馬蹄。重點1，所有食物，都是清甜的甜度，覺得是來自原材料的甜，不是人工甜，清淡而不會覺得唔夠味。重點2，所有食物都不加防腐劑，健康而又美味的食物。值得支持的老店，堅守不加防腐劑，以原味道用心製作食物。

前日已經好想買，日日路過個架都冇（陳皮豆沙）貨今日有啦，$78真貴架。但好好食，皮薄陳皮味好香，而且有咬口。同老公兩個人，三日食完。P.S. 我成世人第一次食呢個味既月餅，比較唔到。老伯很友善，喺舊舖反而未見過佢。

每逢中秋節都會來卓越買月餅🥮，吾講你唔留意，原來佢哋有四十幾年歷史。今次是自搬遷後第一次購買，雙黃豆沙月餅，$58一個，原來係即日新鮮制造，星期一買，食落嗰皮仲脆，豆沙甜度少甜，剛剛滿足到我，切開個月餅，蛋黃還是漏油啊。第二日吾得閒食，第三日再食個皮就吾脆，蛋黃仍然保持漏油，建議大家儘快食，以後對食月餅嘅要求也會大大提高啊