影片
叫咗外卖生滚猪膶粥同牛肉肠粉，先唔计佢味道淡，个粥底劲稀，唔系生滚用返普通百搭粥底我理解，毕竟而家声称自己生滚而又真系生滚粥嘅粥铺唔多了，成碗粥得系三旧细片猪润都算，佢个牛肉肉肠粉先离谱，成条肠粉得中间𠮶几粒牛肉碎，细个我只猫粒鼻屎，同佢反映佢哋话佢做咗30几年都系呢个份量㖞其实如果孤寒成咁真系唔好学人开餐厅啦，价钱又唔系话平过人，呢几日唔舒服食咗四餐粥，四间唔同嘅餐厅冇一间个料份量系少到佢哋咁肉酸绝对绝对唔会有下次，如果老板你有缘睇到，我祝你生意兴隆啦
继续阅读
艇仔粥 $23返完通宵，放工当然去食碗粥降下火🔥，我叫了碗艇仔粥，啲料多到满，粥底又绵绵的，最紧要个价钱好平，超抵食。😁粥店的位置非常方便，系安定邨巴士站行入去就见到，地舖来的。
继续阅读
等外卖足足等左45分钟，等到一齐等外卖都攞晒，冇人先到我，只是一个雪菜肉丝炆米，一碗皮蛋醉牛粥，一碗咸瘦肉粥，一件炸两，两个粥等个雪菜肉丝炆米，等到冻晒，已问多次，每次回应都话做紧，有耐性嘅人你去食，我已经决定以后都唔会再食。
继续阅读
呢间真系由细食到大，由以前系安定街市后面既美食广场，食到宜家。味道同以前一样冇咩变过。不过以前有一阵子服务态度不太好，宜家就改善左好多，最好既就系终于可以用八达通比钱👍🏿
继续阅读
疫情持续，好多餐厅都好早收舖，好彩重有呢间粥舖比我同朋友开完会后做宵夜。-皮蛋瘦肉粥 $26皮蛋有差不多一只的份量。-鲜鲩鱼片粥 $26鲩鱼新鲜，肉质不粘口。-荔湾艇仔粥 $22内有鱿鱼、猪皮、咸碎牛。碎牛肉略嫌有啲咸，鱿鱼同猪皮非常爽口。三碗粥都非常绵滑，而且料多，食完唔觉得成肚水。-炸两 $17虽然已夜晚，油炸鬼依然香脆，加埋甜豉油同甜酱，一流！-牛肉肠 $19肠粉皮薄又滑，牛肉亦不少。 三个人食，一人都系唔洗四十蚊。抵！
继续阅读
您可能会有兴趣的...