影片
食家推介
话说有朋友生日，我地八个人揾咗一间小菜馆去食。位置唔算系旺区，但系平日去都好爆！！而今次我地过左去华记小厨，华记小厨有好多小菜都好好食、而且仲好够获气。我地最钟意华记既招牌菜，华记招牌碌鹅、水煮鱼等等。华记仲有一啲特价街坊小菜（$58）都炒得几好食，几值得推介。例如四季豆猪颈肉、潮式蚝饼、南乳炸猪手、椒盐茄子鲜鱿，送酒一流！●综合评分: 1. 汤底: ----- 2.食材: ★★★★☆ 3. 环境: ★★★☆☆ 4. 价钱: ★★★★★
继续阅读
今日一行十人去咗华记食野最爱仓炒窝笋丝 因为佢切得较幼身可以当面咁食 爽脆得黎又有啲辣 正 正其次系椒盐茄子拼鲜鱿 可惜而家无送啤酒 只送可乐 椒盐茄子唔系间间都有 外面脆内里juicy 二推我地仲嗌咗其他小菜 同鸡煲 鸡较肥不过惹味嗌咗咁多野 每人都系140蚊 抵
继续阅读
这饭店听左好耐，今晚终于去试吓，果然有惊喜，本人喜欢食樟茶鸭同油浸荀壳鱼，呢两个𩠌我比90分，樟茶鸭皮脆肉嫩，好多饭店会整得太干同肉质较硬，佢就冇以上问题，味道腌制刚刚好，半只108仲送篮妹大啤1枝，真正，条荀壳鱼炸得啱啱好，又大条，258低食，另外D𩠌水准都好高，最后碟豉油王炒面十分有镬气，辣辣地，我觉得加左Xo酱，有部份𩠌菜送篮妹大啤1枝，饮唔唒啲酒可以退钱，贴心，短时间会再去。
继续阅读
Happy 6一大班朋友聚会揾了华记开餐。1)油浸笋学🐟🐠香脆肉厚👍必食2)樟茶鸭🐦烟熏味极重又唔干必食👍3)麻椒冻猪手🐽尚可以的。4)盐酥鸡拼椒盐豆腐😋好鬼香脆👍6)煎莲藕饼🤤厚厚的有肉汁最喜欢之选7)柚子排骨🐖劲有柚子香味排骨必食8)椒丝腐乳通菜🥬好有镬气样样咁鬼好味🍷一定再回头
继续阅读
<华记小厨 热气野好味😂>呢间喺深水埗同太子中间既华记小厨 佢餐牌有介绍系以前香港仔好出名 出左黎开铺 不过对我黎讲只有好食同唔好食 😂两年前食过 觉得味道好过 average但未到超正。 今次谂住再食多次 又觉得 ok wor既既煎炸野好味 🔥 希望 keep住稳定就好👍🏻 🍴炸子鸡 🔥🐤预订 原只炸子鸡烧得皮脆肉嫩 佢个鸡皮整得好薄同香脆 入面既鸡肉好弹牙 烧既熟成程度好好 好味 推介👍🏻 🍴酥炸豆腐拼鲜鱿🔥🦑极邪恶既菜式 好少有得将呢两样野双拼 首先鲜鱿个炸粉出面好香脆口感 有 d黑调味 入面既鱿鱼热辣辣够弹牙🦑而豆腐薄脆入面好软滑既豆腐肉 都好出色 呢个必点👍🏻🍴炸猪手🔥🐷虽然佢叫炸猪手 但点睇我都觉得系南乳猪手 😂猪手有好厚同弹牙既皮 入面充满骨胶原 好有口感 点埋香浓既南乳汁十分唔错 👍🏻 🍴水煮桂花鱼🌶🐟大大盘桂花鱼 虽然唔系川菜店 但都整得唔错 够辣香 入面既桂花好香滑 份量多 仲有爽口芽菜同 入味猪红🌿 最底层仲有粗身烟靭既入味薯粉 十分唔错 ! 🍴酥炸牛腩拼南瓜🐂🎃呢个炸得好好味 牛腩出面既炸粉好薄脆。入面既牛腩好软林 好浓味 要黎捞饭同送啤酒一流 🐮而南瓜整得好薄热辣辣够镬气南瓜够香甜 😍正！ 🍴冰梅骨 🐷排骨切得正方形状既冰梅骨 都几厚肉 近 骨位仲有 d弹牙既筋位 正👍🏻 冰梅汁 都几香甜 梅味重带有少酸 食落几开胃🐷 🍴辣子鸡软骨🐤☠炒得好有镬气既鸡软骨 鸡肉好香口 尽吸软辣椒香味🌶 仲要配埋猪大肠喺入面 🐷香脆 入面肥膏够香 加埋腰果做配衬 好食！ 🔥 🍴黄金鲜鱿🦑🥚超好咸蛋皇既黄金鲜鱿 鲜鱿切得长身 口感弹牙 新鲜 咸蛋皇味香浓 🥚好食 ! 🍴酥炸大肠🐷超邪恶既食物 仲要同一般炸大肠唔同 出面酥炸得好香脆 一咬开 热辣辣既弹牙大肠😈 仲要充满肥膏 好正😍 🍴豉椒炒蚬🔥炒蚬份量多 用左红青椒豆豉炒成 好香 蚬肉鲜甜 用有 d爽口洋葱调味 做开胃小炒唔错👍🏻#豉椒炒蚬 #炸大肠 #黄金鲜鱿 #辣子鸡 #牛腩 #南瓜 #冰梅骨 #炸子鸡 #豆腐 Score 平均分 <7.6/10>Taste 味道：👍🏻👍🏻👍🏻👍🏻Present 外观：👍🏻👍🏻👍🏻Decor&Hygiene 环境衞生：👍🏻👍🏻👍🏻Value for $ 性价比：👍🏻👍🏻👍🏻👍🏻Service 服务：👍🏻👍🏻👍🏻~~~~~~~~~~~~~#华记小厨深水埗荔枝角道240 至244 号 宝兴楼地铺~~~~~~~~~~~~
继续阅读