影片
因为土瓜湾基本上冇几间有得食节瓜虾米粉丝煲，我琴晚揾咗好耐先揾得返呢间有得食未转手之前我住楼上成日都帮衬，转咗手之后都因为搬远咗就唔会特登嚟呢间食真系转咗手之后厨师唔知系咪都转埋，水准严重下降！首先，明明我叫咗系节瓜，佢就俾咗丝瓜。一啲都唔好笑，我根本唔钟意食丝瓜，我完全失去食欲。其次，粉丝煲系唔应该咁多水。太湿身，根本夹唔起啲粉丝，系大罪！再者，虾米我唔知边度买，带硬壳嘅！？可以称做虾米？？？成煲嘢已经太多水，根本啲粉丝都挂唔起虾米，成件事错晒。最后，粉丝煲唔洗落姜葱架⋯⋯我真系唔明，成个煲全部都系姜葱味，连虾味都冚过埋，我真系谢谢你呀！真系最后，我放埋条link上嚟喇。人哋又系煮𩠌你又系煮𩠌，你煮到咁难食点做落去呀？？？😭😭😭
继续阅读
【九龙城区】【华苑茶餐厅】耐唔时都会过吓嚟土瓜湾呢边食嘢，不过呢边咁大，行都未行得晒，更何况食嘢。所以一有机会去啲少去啲嘅位置，又会想顺便食吓嘢。而我一条友嘅话，最适合就系食茶餐厅、粉面档呢类丰俭由人嘅食肆，想点就点先。而嚟到呢间真系几街坊 feel 嘅茶记，就叫咗份 $49 嘅特餐，先上咗配菜，「牛油多士」正正常常，「火腿奄列」只蛋就偏老，冇乜特别。主食方面有得拣，不过我照食佢餐牌一开始预设咗嘅「烟鸭胸米线」，但系就上咗米粉。唔紧要，米粉都 okay，不过成碗嘢就普普通通冇乜特别喇。嘢饮我饮「热奶茶」，都系唔错嘅茶记质素，系好饮嘅。可惜嘅系呢个餐都系玩我唔饱，咁唯有叫多个下午茶餐啦，反正𠮶时系下午茶时段，可以叫抵食啲嘅下午茶。我叫咗 $45 嘅「炸云呑薯条」，真系好少见呢个组合。云呑唔系锦卤云呑，反而系似粉面档𠮶啲云呑，拎去炸几特别。成份餐都够热同够食，云呑都有四粒，嘢饮今次我配「热阿华田」。夹埋用咗 $94，不过我系食两个餐㖞。。。（地址：土瓜湾马坑涌道5B-5F号地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am九龙城区 #土瓜湾 #华苑茶餐厅 #茶餐厅 #特餐 #牛油多士 #火腿奄列 #烟鸭胸米线 #热奶茶 #下午茶餐 #炸云呑薯条 #阿华田 #1am1244 #1ambackup
继续阅读
华苑茶餐厅系我记忆中唔系太好，绝对同餐厅质素无关，而系上次嚟帮衬有对男女客人因为感情问题系卡位大大声巴巴嘈!第一次帮衬就遇上情侣炒大镬，难免会有阴影.事隔多时，今次因为就快打风，去华苑隔离超级巿场入货，又因为打风前D日子太翳焗，焗到可以热屎人! 入完货就冲入去华苑凉凉冷气，顺便食埋晚饭，就返屋企等打风放假!首先，我要求坐最劲冷气位，冷气又真系够凉㖞!睇睇份 Menu，最吸引系牛仔骨，其他餐厅嘅牛仔骨小菜做紧过百，华苑只系$85，必点啦!女友小熊点咗半只盐焗鸡，餐汤有中汤同西汤选择，中汤系木瓜汤，我地拣西汤，忌廉汤.茶档嘅西汤，大家都知道质素吧....盐焗鸡未至于一级棒，但绝对唔差，起码最难处理嘅鸡胸肉唔会鞋口，仍算juicy有肉汁，份量亦无偷工减料，中上出品.牛仔骨点黑椒牛仔骨，肉嫩无肉松粉味，份量同样无偷工，上枱速度快! 满意!不其然望翻当日果张情侣炒镬卡位，我同小熊你眼望我眼!"嗱! 我地唔好系到炒大镬呀!"小熊话"炒咪炒! 惊你呀!"结果..... 连个台风都惊咗小熊，走咗上福建....原来小熊比李氏力场更劲......
继续阅读
这间在街角的茶餐厅经常会路过，但见他外表有些历史就没试过，今日见心情ok就去一试。一入去地下超滑，是溜冰级的地下，大家千万要小心。这些旧式茶记早餐都是这些食物，看一看餐牌就点了雪菜肉丝米粉，炒蛋烟肉方包，冻柠茶。最快来到是冻柠茶，一饮。哗！真是惊为天人，自问去过很多茶餐厅，最常饮就是冻柠茶，而面前这杯冻柠茶的甜度是直接来到天花板的高度，没有之一。平常我是惯性不点少甜，饮大约1/3杯。但这杯真是饮一啖已糖份超标。纸包冻柠茶每100ml大约11g精制糖，这餐厅的冻柠茶应该达到每100ml大约18~22g。一些老前辈说一甜遮三丑，用在现今注重健康的社会已过时。
继续阅读
最喜欢食呢个"咸菜猪肚汤",系土瓜湾暂时揾到呢间即叫即做既猪肚汤，而且仲要好多料比你。今日外卖自取叫左个"咸菜猪肚汤饭套餐",汤系热辣辣，见到有好多猪肚及咸菜，仲有胡椒味，饮落有胡椒辣味😋而且绝对系2人份量，有汤有饭跟餐饮。致电外卖自取，听电话呀姐有礼貌，而且会续样帮你落单，仲会覆单，一定唔会漏；去到拎外卖职员非常有笑容，而且非常帮忙。👍当日晚市坐爆，相信系有人情味既茶记，系会再次帮衬既茶记😄
继续阅读