華御結

营业中

休息中

最近喺御華結試咗幾款人氣飯糰，發現佢哋真係將簡單飯糰做得極致講究，每款都充滿驚喜。濃香蛋汁牛壽喜燒飯糰肉香濃郁，牛肉片厚薄適中，配上蛋汁後更添滑潤，壽喜燒醬汁鹹甜適中，飯粒粒分明又有黏性，令人一啖接一啖。海鮮三味沙律飯糰就相對清新，內餡包括蟹柳、玉米、吞拿魚等，拌上沙律醬，食落冰涼開胃，適合夏日。北海道產鮭三文魚飯糰用料唔欺場，魚肉鹹香中帶油脂香氣，飯量唔會搶走主角風采；而濃香蛋黃醬帶微辣刺激感，配搭炸物或魚類口味一流，屬加分調味。御華結無論喺食材、飯質、包裝都見心思，係繁忙都市人快速又有滿足感的選擇。下次會想再試埋佢哋其他限定款！

有時唔知晏晝食咩都會打包一個兩個飯團走 今次試咗壽喜燒牛肉 同埋蜜糖香蒜飯團 壽喜燒牛肉有蛋汁食落更加滑 另外蜜糖香蒜幾有驚喜 香蒜咬落一啲都唔辣口 甜甜地脆脆地 真心幾好食

呢排小朋友趕去上堂，每星期都有一日會過嚟買飯團趕下一場，小朋友好鍾意食嗰個燒三文魚飯團，幾好食，不過大人就當係一餐飯就比較少小朋友到一餐飯還可以，趕時間嗰陣食呢個非常之好，佢又好容易包，只需要三步，入邊又有魚，又有紫菜快餐得來又有啲營養！

生活急促，腸胃容易受影響。而且近年健康飲食之後，食得多幾餐外賣已經覺得厭同唔係咁舒服。有時會用冇紫菜，玄米做的拌飯御結，配個魚或雞，再加個菜 - 變成有齊晒澱粉質、蛋白質同蔬菜嘅一個早/午餐。雖然咁樣食都有啲貴，但係起碼省時、健康啲又美味。出面外賣或者去餐廳食都唔平。推介諗唔到lunch食乜，又覺得凍冰冰嘅人試吓!幫襯咗好多年了! tko mtr shop期間有時有啲員工做嘢真係好慢，朝早返工好趕！不過食物質素就幾好👍🏻

冬天令人特別容易肚餓，去到晏晝想買啲下午茶食下，買個飯團就平靚正啦！1.明太子玉子燒 ($18)每次去到都一定會買明太子，今次見到新野一於試下，玉子冇乜特別，不過加埋玉子嘅話口感都豐富，但對於我呢個明太子愛好者來講下次都係買返全個明太子會滿足到我多啲🤣2.和風豆乳骨膠原雞湯 ($16)朋友推介好多次話好好飲，見佢冬天有個優惠價終於買咗返屋企叮熱。碗湯真係好足料，主要食材有雞肉、本菇、甘筍、腐皮同清雞湯mix無糖豆漿，營養豐富又健康，性價比幾高👍🏻

📍 華御結早日順便去將軍澳 咁啱又未食lunch😛途中經過呢間店成功俾佢嘅嘢食吸引咗😆 間店都幾大 有好多壽司、飯團俾大家選擇😚我就隨便平平哋揀咗一款嚟食🥰- 山菜錦爽雞小編本人喺好少食壽司 不過唔係因為唔鍾意食係因為平時就算出去食都唔會特登食壽司🤣呢個飯團都幾健康 用左20%玄米 成個飯都係百幾卡路里咋😛 而且除咗飯之外入邊仲有好多其他配料例如栗子、雞肉等等 令到佢口感好豐富🥰整體上我覺得幾好食😋 食完拎有飽腹感👍🏻又唔會太鹹或者太甜下次有機會會想試埋其他產品🥰✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評外觀：★ ★ ★ ★ ☆回頭率：★ ★ ★ ★ ☆抵食指數：★ ★ ★ . 5

呢間專賣日式飯團的連鎖店，係香港越開越多間，周圍都有。我有行過入去望過，發現佢賣得有啲貴，一個細細個飯團都要成$17，所以就無幫襯過。但身邊好多女性朋友都大讚佢，話佢用日本米、同日本便利商店賣既飯團🍙個味道好接近，叫我點都要試下，今日朝早返工經過地鐵站就買左一個試下。本格和風燒牛肉飯團（$17）飯團用日本珍珠米，軟熟、有落少許飯醋，唔會話過酸。揀左和風燒牛肉，略嫌有啲un😐輕食黎講唔錯既，但真係貴左啲🤨

華御結的飯糰比較高質，標明所有飯都是來自日本，食落口飯粒都夠濕潤，唔會乾爭爭，以下兩款其實都係我最愛，辣明太子啱一d重口味嘅人，普通明太子都好惹味。牛肉嘅肉汁好香！一隻都好夠味！要讚一讚將軍澳店的職員服務態度好好！希望可以繼續啦

今日冇時間食早餐，經過地鐵站快手買個番公司食。同事係華御結口嘅FANS，可以一次過食6個當lunch，佢之前講過秋鮭三文魚戚咁多口味之中最好食，於是諗都唔諗就拎左個。番到公司開黎試下，日本飯團真係唔同D，唔怪得開到咁多地鐵站都有，同日本便利店買既質素可以相比。包裝好易撕開，飯嘅黏度夠，餡料唔係新鮮刺身三文魚而係熟三文魚碎，咬第二啖就已經見到餡料，三文魚份量算唔錯，不過食一個真係唔多夠飽，我買左兩個，做早餐黎講份量就算適合。

今日經過將軍澳地鐵站🚇，有d口痕，於是上地鐵之前買左個飯團食。華御結既飯團有好多唔同口味，一個一個咁整齊地排列係貨架上，清晰地睇到邊一款口味。今次我試左和風燒牛肉味。包裝紙上面有教你點開飯團，跟住佢既步驟，先係1（中間撕開），之後2同3分喇拉出黎，塊紫菜就好輕易咁黏左係飯團上。華御結既飯團都叫做好足料😍😍咬第2啖已經見到d配料🤤🤤🤤。牛肉充滿住燒汁既味，而飯係珍珠米，飯粒唔會太硬或太乾。

🍵#tagnshare抺茶控……………………《華御結🍡北海道直送》💰$30 抹茶黑蜜蕨餅🥢我都幾鍾意食類似糯米糍既物體，行經華御結見到搽茶蕨餅忍唔住就買了。蕨餅口感軟軟既..小小煙韌💕外層係香濃既宇治抹茶粉🤤咬到夾心係沖繩既黑糖蜜🍯甜度係可以接受既，只係覺得$30得5粒都偏貴😆#華御結#抹茶蕨餅 ...……………………👱🏻‍♀️肥妹小編.........................

地鐵站嘅早餐其實都冇乜得選擇， 除咗美x西餅,冬x 堂，聖乜娜之外，華禦結已經係一個幾唔錯嘅選擇。因為佢嘅飯糰都幾多口味，但係朝頭早可能因為未返貨嘅關係，佢只會賣一啲比較大路嘅款式，就好似呢個明太子咁啦。不過食咁多次嚟講，我始終都係覺得明太子最好味，可能因為佢咸咸地辣辣地嘅關係，而且比較濕潤，配上飯團同埋香脆紫菜，成件事非常之match。早餐嚟講一個飯團已經夠食㗎啦，不過價錢都唔平，16蚊一個，對比較餅店嘅麵包，個價可以買兩個麵包啦。 但係好味嚟講緊，係飯糰好食啲啦。

今日同朋友趕時間參加活動 於是行到地鐵站 就係華御結買左個飯團當午餐啦😛 華御結有各式各樣嘅飯團🍙 仲有各種冷盤小食 料理 沙律 和菓子🥢 種類繁多👍🏻👍🏻一向都好鍾意食芥末章魚 所以一見到華御結飯團有呢個選擇 就忍唔住揀左啦😝 平時食開嘅飯團或者手卷 塊紫菜都軟淋淋 而且飯粒又硬繃繃 好唔開胃🤢但華御結嘅飯團同其他飯團好唔同 塊紫菜脆卜卜 而且飯粒軟綿綿👍🏻但略嫌不足嘅係飯團嘅餡料唔多 令人意猶未盡😫😫

最近很喜歡買飯團作晚飯 方便又快捷基本上華御結的飯團口味比起其他壽司速食店算較多的而且每月好像會換一換口味 期待新品推出試了流心蛋（$15）嚴重的飯團分離 正常力就散開兩邊不得不説 它家的其他飯團很少出現這狀況但流心蛋可能中間要流心效果 所以較容易散開進食起來的確扣分 不方便但其實味道而言是不錯的調味夠味 少鹹 流心效果也做得不俗整體來說 它家飯團是好吃的價錢相對其他家略高所以會再買 但不會選流心蛋了 選別的又好味又方便的吧

華御結甜點小食 日本丸子串三色丸子串 $15成日見到好cutecute都想買黎試下 但又驚好睇吾好食 今晚經過都係忍唔住買左原來係有餡嫁勁得意 仲吾係好甜tim芝麻、合桃、紅豆最難食竟然係紅豆沙餡 艾草皮草青味重 紅豆沙味道吾太討好 反而另外兩隻味有驚喜吾洗加熱/放雪櫃 每日新鮮售賣 丸子皮煙煙韌韌 味道還可以的平時常常買他們的飯團 米飯非常濕潤鬆軟 很好吃呢 特別推薦高級三文魚！有時會轉名為北海道鮭魚 但兩款內涵也是差不多最難吃是吞拿魚沙律蛋黃醬比例過多 吞拿魚只有少許 感覺中大伏