華安餐廳 (已結業)

今日去左長沙灣搵食，見到這間小店 - 華安餐廳， 環境OK，見到餐牌都係一般茶餐廳扒餐，叫左吉列豬扒香腸餐肉飯咖喱汁份量十足，豬扒大大塊即炸夠熱，皮厚左少少但都可接受，香腸餐肉都係即整，咖喱汁味道不錯，飯大大碟，食完成碟飯真係飽到上心口，加2元要左凍檸檬茶，今餐總共只係＄34，今時今日係香港邊度搵

喜歡食咖喱，咩國家嘅咖喱都喜歡，茶餐廳嘅就當然係食港式咖喱，呢度嘅咖喱幾特別，小小辣， 港式咖喱唔似泰國咖喱同印度咖喱，無炒香啲咖哩，亦唔需要落椰漿，但係都足夠令你食完一大碗飯。牛腩炆得幾淋，香濃軟熟，用筷子都可以夾開，唔錯唔錯。都唔知道嗰日咩事，兩個人一人一個咖喱飯都唔夠食，再叫多個西多士，西多士新鮮做出黎嘅就當然哋好味啦，外脆內軟，香口，西多士 仲要用厚麵包做，食肥都無辦法啦。

朋友知我鐘意食盅頭飯，介紹左幾次呢間華安餐廳，我都好少寫食評，好唔好食都食完就算，但今次真係要講講。今日一入餐廳坐低就叫左個排骨飯（未睇餐牌😊），望見入面環境好整潔，ok舒服，跟住飯就到，好香蒸飯味，望到排骨肥瘦平均，佢用啲豉油一淋落啲飯度仲香，堅忍唔住即刻食，飯完全係一粒粒，排骨幼骨大肉，佢啲豉油同盅頭飯簡直係天仙配，真係好味，有心機嘅出品，抵讚👍！一路嘆緊個飯望下餐牌原來仲有梅菜扣肉同咖哩，不過今次食飽嘞😁，下次一定試埋！

打完波的下午茶，在新開的華安餐廳搞掂。及時行樂，那管西多士是多麼的邪惡，也來一客。這裡的出品，外層可以稍再脆口一點，以煉奶取代糖漿，個人覺得可以接受，但牛油則應該要大片一點，才夠好吃。喝的熱檸茶，茶味有欠濃郁。跟波友談了一輪近況，概歎生活艱難。這一年，真的很苦。