影片
以上资料只供参考，请与餐厅确认详情
系观塘成年都仲未食厌🙊 就算我叫外卖送到黎都系热辣辣既，外皮仲好香脆！菠萝包入面会有厚切牛油，仲有煎到流心既蛋同蕃茄！除左菠萝包，华嫂既蛋沙律多士、芝士咸牛肉猪仔包、秘制捞米线(系麻辣嫁)、蕃茄汤鸡翼米线(大大只超入味)都好好食！
继续阅读
华嫂喺元朗嘅时候已经出名好食㗎啦，最近同朋友经过观塘，忍唔住见到长长嘅人龙都要试吓。佢个菠萝油真系好邪恶！入面仲有番茄同炒蛋，自己一个真系唔敢食晒佢，真系会肥死。不过真系超级好食，十级推介，抵佢有咁多人排队都要试。
继续阅读
今日晏昼去到华嫂冰室，见到有10几人喺前面排队，但系呢都唔系得耐㖞，等左大约半个钟就入咗去，入到去侍应嘅态度都唔错，落左单好快都有得食。食饭我平时最钟意食嘢捞米线，未到依旧但系猪扒好似少咗，唔知系撞手神定系份量减少呢！享受呢就叫咗杯冻奶茶，突然发现隔离枱有冰花奶茶，新产品好似仲吸引，不过都系下次先试啦。一齐呢都系奶味好浓，茶味争小小，冰都唔算多，可以接受啦。不过我都希望佢开多啲分店，唔使排队直入就好啦。
继续阅读
华嫂真厉害，由元朗注入九龙同港岛插定𣄃仔，我jim最钟意排队，有人龙至够人气，星期六带老婆又排下。下午茶时间，华嫂个location麻麻，又系工业区，但人龙老远都望到，行番出去其他食店好远，只好死死地气等啦。眼见等位者多数后生仔、大部分系大陆客，心谂你地咩风吹黎，咁知定。等左35分钟，叫到我number，点两个面，一杯冻奶茶同老婆share。点个招牌叻沙同捞面，果然排得有道理，叻沙色香味掂，老水鸡翼好出色。老婆对捞起亦大赞，够香够惹味，比足料。华嫂，好野
继续阅读
去亲观塘都会好想食华嫂冰室，无奈成日时间都夹唔啱，因为佢好早就闩门。今日咁岩下午要去观塘做嘢，终于可以食到期待已久嘅招牌菠萝包啦！呢个招牌菠萝包真系无得输，出到嚟热辣辣，已经布满住菠萝包嘅香味。菠萝包入面有蕃茄、鸡蛋同埋一片超厚牛油，真系超级超级邪恶。我钟意个菠萝包外面层皮会好脆，里面嘅材料味道又好夹，𠮶块牛油仲要系重点，咬入去牛油香味浓郁，令到整体都好滑溜，咬完一啖又想再啖多啖，完全停唔到口呀。呢度嘅冻奶茶都好好饮，茶味香浓之余，奶香亦够，perfect!
继续阅读