影片
以上资料只供参考，请与餐厅确认详情
本身是胜利道老店，做饺子的本店较为出色，虽然较贵但质素不错回头率高；几年前同街开了牛腩专卖店，试过一次无下次；今次工作关系经过长沙湾分店又撞正想食牛杂所以再试一次… 外卖。牛三宝饭（走汁）$60：预左佢咸所以走汁，结果出错了牛腩饭、无走汁。牛腩仍然是记忆中的牛腩，干瘦柴。（两种饭好似相差八蚊…）牛杂半份（走膀）$70：结果无走膀… 牛肚牛肠牛肺萝卜垫底，两个字，咸+腍！应该唔系新鲜牛杂（香港地好难…），腍到无牙应该都食到，但系都唔使咁咸架？（由于饭有汁已经好咸，牛杂我系一啖萝卜一啖牛杂咁食完佢…）腩汁甜萝卜 $22：由于信唔过小店洗菜会干净，唯有夏天食萝卜。都系个个字—咸！同牛杂只系“好咸”同“咸”嘅分别；亦都唔腍，我觉得同本店饺子嘅食物水准质素差好远…服务态度OK，就系唔明做乜出错晒单，（LUNCH TIME？）仲要系外卖无得投诉… 总结：牛腩完全唔合格，整体“佬”味重（SORRY 我都唔想用呢个字），咸咸咸！食完劲饮水… 基本上所有食材都食唔到原味，亦食唔到厨艺和心思… 绝对无下次！
继续阅读
呢间餐厅系同事介绍嘅，佢话之前附近返工食过唔错🥸正如其名，佢最出名就系卖牛腩类菜式💁🏻♀️铺头嘅位置都几入，如果唔特登揾平时都未必会行去个度，不过其实就系D2 Place二期斜对面～~~~🌼环境铺头入面其实都几细，得几个位，所以佢都做外卖居多坐得唔系好舒服同埋逼，干净程度尚算可以接受🤫不过我重视食物质素多啲，所以唔系好介意😇.🔶牛三宝河粉($52)我本身唔食牛杂（除左牛肚同牛柏叶🤪），所以呢碗系朋友叫的，望落份量几多佢话好味够肥美，都唔会有异味我食左旧牛肚都唔错，几入味😆😆.🔶牛腩捞面($50)🪄7.3/10有得拣牛腩汁/蚝油汁，我就比较钟意腩汁面条几弹牙，捞汁食好味😋主角牛腩大部分属于瘦肉但唔韧，只有一角仔有肥膏，但咬左佢就ok食落好入味，有牛味得黎唔会骚🐂但对比河粉，捞面就好似细份啲不过都够食😝💰注意捞面系要加钱转㗎～.🔶炸鱼皮($78)🪄7.2/10佢系胶袋上，但好大份👍🏻平时出去食应该得呢度一半🤧冇特别调味，不过够脆口，同汤面一齐食系perfect match🥰~~~⭐️回头指数🌕🌕🌕🌖🌑粉面小店黎讲佢定价都唔算平，但我觉得价钱系对得住质素嘅ʕ •ᴥ•ʔ而且店员都好nice😊见到餐牌有一个推荐菜式叫「凉瓜比目鱼煎蛋饭」，好似几特别，暂时未系其他餐厅见到🤓下次想试下
继续阅读
想食牛，但不要牛朳，食咩好？去了荔枝角食牛腩！钟意佢有牛三宝，𠮶三宝都系我钟意食👍🏻今次不要普通面底或泡饭，要试下秘制豉油皇捞面底。来一客牛三宝豉油皇捞面底，加5只津白水饺。牛腩又和又稔，捞面好味，记得要自己捞匀。水饺有咬口👍🏻
继续阅读
过开嚟呢头开会，喺公司楼下经过呢间面店，味道真系香喷喷，的确系好吸引人。门口睇一睇餐牌，哗，价钱唔系特别贵，但定价系$40一碗粉面，的确唔简单，因为喺荔枝角环头环尾，一间简陋嘅小店，竟然叫呢个价钱，一定有佢过人之处，所以有一定嘅期望，就入去试下。先讲结论：系令人失望嘅！要测试一碗牛腩粉面有几好食，有两个主要元素，第一当然系嚿牛腩，第二就系个汤头，通常肥腩同半肥瘦都一定唔会唔好食得去边，要试出师傅嘅真功夫，就要食瘦腩，而且要多汁，希望令到个汤更浓郁，除非你想食得好清。整体上，份量是OK的，首先试咗旧牛腩，一咬落去，完全冇入口松化嘅感觉，而肉质系带一点死实，但未至于韧，同时唔够入味，咬入肉中间，味道好淡。当然，你会话食半肥瘦咪得啰，系你自己拣瘦腩之嘛；但我头先咪讲过啰，就系要试吓师傅嘅真功夫！汤头亦冇乜特色，好明显只系普通粉面店嘅一般汤头再加上普普通通嘅腩汁，一啲都食唔到香料五香嘅味道，只系一啲普通得唔可以再普通嘅腩汁放上汤。所以，整体上呢碗牛腩米粉实在系普普通通过普普通通，叫价$40实在系唔合格！芥兰嘅质地唔错，渌菜嘅时间掌握得好好，蚝油几好味，反而蚝油芥兰系挽回左少少分数！下次再嚟荔枝角，一定唔会再嚟食，因为呢个价钱来讲，CP值实在太唔值！
继续阅读
因为面太热 要滩冻一下热得像熔岩 这家店的牛很好吃如果第一次帮衬建议叫牛类食物但我偏爱酸辣面一来爱吃辣 (但面不辣的)二来荔枝角好似冇食上海菜的店三来仲系粗面所以每次来到都会first priority 叫酸辣面
继续阅读