華哥食坊 (已結業)

4-10-2010工作惡哽, lunch 只想「柄」埋唔會撞到人的地方靜靜地自己食, 又行了過嚟鐵行里. 想試的街尾越南嘢無位, 轉戰呢間幾新開 look 的茶記. 環境似曾相識, 而見餐牌上的自選小菜套餐先發現嚟過佢的前身 (http://www.openrice.com/restaurant/commentdetail.htm?shopid=42155&commentid=2102514) 不過唔食飯了, 是日簡單叫了「蕃茄湯香煎雞扒烏冬」($36)... 蕃茄湯杰得有點「糊」狀 feel, 內有西芹粒, 薯仔粒, 紅蘿蔔粒之類的蔬菜, 但飲落就一味好酸, 味道亦較單調;「手打烏冬」就竟然幾煙韌, 喺茶餐廳食到咁嘅質素, 其實幾 surprised 的. 雞扒就係凍的, 剛從沙律移出來? 飲品跟了熱奶茶, 呢個反而幾好飲 -- 茶味 ok, 奶味就較重, 但飲落好滑, 而且無澀味, 收貨了.快食放低 $36 快閃, 整體算 ok, 都有機會再來的 -- 諗起惡哽的工作, 諗起又要返去繼續做, 諗起又要唔知做到幾點, 只想「柄」埋都唔出奇吧...

尋日同同事LUNCH搵食，喺條巷仔搵到間得意野，一定要推介。服務態度非常親切，仲好好人史添。我叫咗個安格斯牛加番茄烏冬，好OK，湯抵濃，好有番茄味。啲牛勁正，拍得住蘇豪啲西餐廳。烏冬彈牙。好耐冇食過咁有心嘅番茄牛烏冬。同事叫咗安格斯牛沙律，啲牛一樣咁正。但係個甜芥辣汁又係好得，後尾我地問得唔得裝起剩低嗰啲汁，老細二話不說就幫我哋裝起咗。係近排食得開心嘅一間嘢，好有心機，千祈唔好執呀！

Fantastic 安格斯牛番茄湯烏冬, especially during Summer time, Yum Polite Staffs, everybody smiles, nice People next table keeps saying the 老火無味精燉湯 is very good, Will definitely go back and try that