華興行大閘蟹專賣店

营业中

休息中

望穿秋水終於等到大閘蟹的季節了，蟹季的來臨對我來說就如中秋、聖誕、新年等節日一樣重要，亦都成為與好友們共聚的一個定期任務，今年當然再重臨華興行找廖太揀靚蟹啦，行內稱為大閘蟹皇后的廖太賣蟹貨真價實，而且好好人經常面帶笑容，又會教你蒸蟹的技巧同時間、另外最重要係食物安全嘛，佢哋每年都經食安中心檢驗合格，所以嚟華興行係最令我食得放心同開心的一袋整整齊齊的pat好比你，入面已經有齊蟹醋丶紫蘇葉我比較喜歡食蟹公，蟹羔鮮甜嫩滑、蟹殼一打開d蟹羔就好似流心奶皇包咁蜂擁而出，而更驚喜嘅係今年d蟹嘅白羔仲非常之多，同朋友分享後已經急不及待相約下一餐了、畢竟過咗呢個季節又要等足足一年了

經過上年既經驗今年再戰華興行！因為九龍城太多人，佢地都唔會用心去幫你選蟹。E個天氣又有好多生果當造，去完果欄再去買蟹就不得了啦！老闆娘廖太好有心機咁幫我地選，又好人，我地問好多問題佢地好樂意解答。最後選左$430/四隻！雖然唔算最貴個款，但係佢地好大隻下！終於出爐啦！好大隻呀！急不及待要打開蟹身！正呀！都好多蟹膏，食落去好香口，加上有d「白膏」張住個口感覺好正！蟹雖然唔大，但d肉好飽滿！仲要帶點甜味！過兩日忍唔住再買多兩隻過下口癮！一樣爆晒膏$107.5/隻好抵食！

在網絡上睇到梁祖堯既介紹~佐敦既「華興行」大閘蟹皇后廖太專賣正蟹既然要食大閘蟹梗係要選擇一間靠得住，食得安心既鋪頭架啦買大閘蟹已經包哂所有野，紫蘇葉，蟹醋都有齊今次買了這款100蚊隻的！廖太勁力推薦這款話必定爆膏識食一定食蟹公蒸左20分鐘，一開蓋~蟹公既精子膏橙黃色的先將唔食得既 器官移走！之後就可以大啖大啖吸啜那些橙黃色既膏！味道甘香帶鮮不得了呀蟹腳既肉亦非常扎實再配上少少蟹醋調味，更食出鮮既層次！今次真係無買錯推薦喔

因為批文問題，今年大閘蟹遲左有，等到頸都長，終於第一批蟹黎到左啦！朋友介紹買佐敦嘅華興，話年年都幫襯佢，佢自設養殖場，用全天然有機飼料餵養，仲經食安中心測試合格有証書，咁就食得放心啦！今年嘅大閘蟹$100一隻睇落都幾大隻，買左返去同屋企人食，拎到返屋企仲見佢地好生猛噴緊泡，我地唔係即晚食，拎濕毛巾蓋住佢放雪櫃，聽講放三五日都可以。呢度買蟹會送紫蘇葉、醋、黃糖，我覺得個醋加糖好正，酸酸甜甜，好帶起到個鮮味。洗乾淨蒸20分鐘就搞掂，呢四隻都係蟹公黎，蟹膏好豐富，係流質狀，好juicy甘香，啖啖滋味，最勁係蟹肉都好白雪雪好鮮甜，成隻都係精華，我地仲食埋蟹腳添，值回票價。今年嘅大閘蟹，同往年一樣咁好，無令我地失望！

秋風起, 又是吃大閘蟹的季節, 見到友人紛紛開鑼, 自己也被挑起吃大閘蟹的渴望, 就坐言起行, 去買大閘蟹蒸來吃吧。本來想提早一兩天順路先拿回家, 有空再吃, 但隨便看了看資料, 還是決定辛苦一點搭車去, 即買即晚吃, 會比較新鮮美味, 這決定是無錯的。選了在佐敦的華興行, 是朋友介紹的, 買大閘蟹口碑頗重要的。買了三隻五兩蟹公(每隻$128), 兩隻四兩蟹乸(每隻$100), 拿到回家還動的, 很生猛新鮮的蟹。老闆送了紫蘇葉、蟹醋、黃糖, 紫蘇葉和蟹一起蒸20分鐘, 黃糖放到醋到作醬料。我們先蒸兩隻蟹乸, 相對細隻少少。好像比較少人喜歡吃蟹乸, 蟹乸的膏較實淨有口感, 呈橙黃色, 但也不是全實, 有少少有流質的, 蟹膏好香好濃郁, 像咸蛋黃的滋味, 邪惡迷人。下一轉是蟹公, 蟹膏顏色較淡黃, 軟身的多, 也是一樣的濃郁蛋黃香味, 間中吃到白色的像膠質的部分, 蟹公較大隻, 吃肉時更吃到鮮甜味, 蟹膏和蟹肉同時享受。對我來說蟹公和蟹乸各有特色, 一次過買兩款, 滿心滿足, 我們已先吃過晚餐, 晚一點再吃大閘蟹消夜, 超豪華的, 一人平均吃兩隻半, 也沒太大負擔。華興行大閘蟹質素果然不錯

入秋之後，又係時候食大閘蟹喇！90後超鐘意食大閘蟹，最鐘意啜蟹膏啜到舐舐脷，所以點可以放過呢個季節！因為朋友介紹，話呢間買蟹有保證，係太湖出品，所以我前一日打去訂咗五隻，同屋企人一人一隻。佢話好彩我識打去先，因為好多人買，所以就最好打個電話去先啦！鋪頭係佐敦，C2出口一出就見到招牌，非常方便。我買咗$128一隻果款，5兩到啦，$430有4隻，會俾埋食蟹三寶，蟹醋、赤糖、紫蘇葉。拎到返屋企啲蟹依然生猛！係咁發出咕嚕咕嚕，唔知呢啲係咪就係蟹聲呢 跟住嘅步驟就交俾媽咪喇！將紫蘇葉放入水中，同埋反轉隻蟹以防漏膏，仲擺咗啲葉係蟹肚，蒸20分鐘左加就食得喇！！再煮埋蟹醋，加啲赤糖，調好個味啱啱好！開動喇！一開果然好多蟹黃！好滑好香，非常軟綿！我特登買左公蟹，因為我鐘意食蟹黃多過蟹膏，真係好滿足！蟹肉亦都唔錯！真係食完仲想再食 等我再ENCORE先！

秋天係我最鍾意既季節，又有生果又有大閘蟹婚前減肥終於可以放縱下啦！係facebook見到朋友share 星期六就仆到出去佐敦買！因為今年失收所以會貴d同埋都驚唔靚。好心急想快d食呀！姐姐好用心咁幫我選仲教我點蒸同蒸幾耐又比晒d醋糖我3隻大約4-5兩！好生猛呀！！！黎啦黎啦！超興奮！餓左大半年終於可以放縱！急不及待！食左膏先！睇相都見到好爆呀！而且仲有透明膏，香到不得了！蟹肉仲要甜既！姐姐無騙我，你知啦我地唔食開係唔知價又唔識選！黎緊會同朋友搞大閘蟹晚餐！超近地鐵站買一籮都唔怕啦！期待！

今季食咗幾次，次次到保持到質素。有網上訂蟹，好放便。