華倫天奴意大利餐廳 (已結業)

環境像太平館, 上只是多了一(杯)蠟燭。食物一般, 龍蝦湯可以($98), 牛膝un左一點($188), 羊扒乾了一點($188), 但mint source都不錯。服務ok, 但waiter 沒有穿著制服, 感覺完全欠缺意大利餐廳既風範！值得一讚就是個菲律賓男歌手, 歌聲十分之動聽, 而且歌手會為每台客人個別獻唱, 感覺很好, 十分浪漫！Total: $655 for 2 person

我九月頭同男友到華倫天奴食飯, 我地7點未夠就去到,可能早啦,全餐廳得我地一枱, 到走的時候連我們在內也得兩枱客, 頗冷清! 我覺得環境一般啦, 間餐廳細細間, 一眼見晒, 陳設和燈光也不是說的cozy及浪漫。伙計都算attentive既。食物方面, 我地叫了兩客龍蝦湯, 一客牛膝(連一些闊麵),一客磨菇意粉, 個湯好正, 有新鮮的龍蝦肉(成$96個),但兩個主菜都痳痳地,牛膝有D Un, 兩個pasta都好硬, 非常一般........係有菲律賓人彈結他唱歌, 唱得不錯, 但可能太少客的關係, 我覺得有少少odd.

今晚是我們夫婦結婚週年紀念, book了19:00枱, 先講環境, 餐廳雖小, 但感覺很溫馨, 燭光很浪漫. 19:30有位駐場菲籍結他歌手向每枱客人獻唱, 聽waiter講這位歌手已在這餐廳唱了18年, 他特地為我倆唱了6首歌.食物方面, 叫了2客龍蝦湯($98/pcs), 蒜蓉包伴蕃茄粒$14, main course 點了龍蝦扁意粉$188, 三文魚&龍脷柳$178 及甜品Tiramisu $56.Service方面都好殷勤, 跟得好足.

昨天同女朋友一齊去, 原本打算開開心心過一晚.上菜速度尚算OK,但食物實在強差人意.我地叫咗個Pizza,墨汁意粉和Salad. 所有食物都過鹹. 值得一提就只有菲藉歌手的歌喉.下次都係入去飲野算lu!!

昨天忘記一提，該餐廳已搬左去漆咸道南，西伯利亞皮草隔離。想去嘆翻餐，唔好去錯舊址呀！

華倫天奴餐廳於6月至7月大裝修，8月初重新開業，同同事一齊去食Lunch，好抵食！$48-$68就享受到高級服務水準，抵到爛！邊度搵？份量重飽到抱腹。聽講晚市價格幾貴，但有朋友生日，姑且一試晚餐，點知發覺物有所值。係就係貴左D，但勝在氣氛好，招呼好，又免費有菲藉歌手唱歌，佢重好識攪氣氛，知道你生日，自動唱生日歌，攪到個個都成個HIGH晒開心晒，忘記晒日頭辛苦工作的疲累。好彩選擇正確！先有甘好既回憶！

之前路經該店，昨晚終於一試，環境一流，特別是出色的結他手，歌喉簡值頂呱呱！可惜食物未及水準，因本人是為"食"而去，一向愛吃意大利菜，但他們的食品只是好一般。二人同行，$550結帳。以食物水準來說，只是值$300。

我今日午餐去左食set lunch午餐平均60-70一個人都唔算太貴但都唔平既不過食物質素好有水準，唔會話細細碟食唔包，的意粉好彈口好正既意大利菜。外國人去多。不過聽聞晚市好貴如各位想試下既可以選擇午餐。

雖然食物味道有些好味，有些一般，但環境和服務非常好，價錢貴了一些，每人大約二百元左右，但值得一試的！

無錯，呢間意大利餐廳幾有特色，食物及service都好，但價錢唔抵，所以一次過無下次!

因緣際會下光顧了Valentino's，覺得內部裝修很不錯！最值得一讚的就是Valentino's 擁有專業結他手為客人彈奏心水靚歌！<br>唯一美中不足的是，Valentino's的取價不是每個人都可以接受的！而且食品質素仍然未能做到真正的意大利風味！或者，經營者需要考慮到香港人的口味吧！<br>=^.^=