半島漁港/阿翁火鍋館

营业中

休息中

下午茶時段點心有特價，經濟實惠又抵食，好食探外母之後喺附近搵嘢食，鯉魚門廣場裏面飲茶唔錯嘅選擇。本來街坊酒樓唔會期望太高，但係亦都交足功課。當然並唔係驚為天人，但係服務唔錯座位亦都坐得舒服。食物方面都係嗰幾樣㗎啦，其中粉果幾好。係同區之中性價比之選。晏晝就係超多人排隊，所以建議下午茶時段（下午2:00開始）比較少人。佢啲燒味瀨粉都唔錯，不過冇影。有特價點心，咁當然你亦都可以叫正價嘅任君選擇。去開呢頭一試無妨

在下午茶時段，職員指可以在裏面尋找一張無人坐的桌子坐下就可以了，當我們坐下並洗完餐具後，就有一名部長就來要求我們轉去其他桌子，並且因為在洗餐具的時候弄污糟了桌布，所以需要支付$10的清理費，並且這名部長的服務態度及語氣極差，他是用一種呼喝的方式要求我們，之後我便向經理投訴這位部長行為，但是他用一種不聞不問的態度來敷衍我們，很明顯對他們是互相扯貓尾，以及不想應付我們，令我們極其為難，因此令我們擁有一個極不愉快的用餐體驗。

貌似裝修咗冇耐又去食吓早茶，不過環境唔覺有好大改善，感覺同個商場一樣較舊，相對位於將軍澳大型商場內嗰間就靚好多。早茶冇得揀唔搭枱要同其他人迫埋張細枱，攞咗飛等位結果入到去俾人坐咗，帶位阿姐都見慣晒唯有搵其他位搭，執位時捲起半張枱布仲將上一手D鼻涕紙捲埋入去，至於點心方面⋯未至於好劣不過真係麻麻地⋯（每次過度批評都未必可以登出嚟，所以我唔知可以點形容）價格方面唔算太貴但坦白講隔離茶X殿早茶孖寶平過佢又靚過佢，總括而言相當差嘅一次飲食體驗。

嚟左呢頭返工8個月啦都絕少同同事食飯亦都好少出去食因而公司有飯而且同商場布段距離今日有朋友喺英國返嚟搵我食飯佢地介紹呢間酒樓話佢爸爸媽媽都成日去飲茶果然一試相當有水準絕對願意返轉頭再食而且啲姐姐服務都好親切好好佢地見你多嘢會好主動問我要唔要張椅或茶几放嘢又會見張枱唔夠位上菜主動幫我地安排上邊幾樣先第一道上枱嘅叉燒酥已經夠好食蜜味香濃芝麻又夠多成件熱辣辣好好味勝瓜魚片米線又係必食夏天清清地最啱個湯有勝瓜甜但又夠咸魚片唔會太滑太假

叫左5個普通小菜，埋單已經1000蚊，味道又麻麻地，性價比好低既茶樓。去其他地方食好過，冇下次。都知通脹嚴重但未至於咁既質素，差👎。下次選擇同區其他酒樓希望之後有改善。

每枱有環球海鮮盤，刺身拼盤，極品牛頸脊，至尊水餃王各一份，另外喺蠔皇鮑魚扣鵝掌，雞茸陪燕窩，蠔皇金錢花膠三揀一 雖然任食嘅配料就相對普通 不過價錢性價比黎講都幾高。

啊翁火窩館呢間野打邊爐都出名，成班朋友收工又住附近就話呢間近近嚟食下算，一去到職員就帶我哋入去，之後上牛同刺身，海鮮拼盤，真係幾正又新鮮，下次有機會會再食，價錢都適中

朝早同屋企人飲早茶，老老實實點心唔係特別好食，叫咗個鹹水角係凍嘅，牛肉球燒賣就大大粒粒正正常常，叉燒腸粉都幾厚皮，叉燒都係得一兩粒，最後叫咗個素菜餃，入面真係咩味都冇，同粉果係一樣，只不過入邊變咗菜，不推薦！但係佢嘅燒鵝係比起出面專做燒鵝嘅舖頭好食！之前晚市食過，叫半隻燒鵝下面仲會有個火爐俾你烘住吾會變凍！今次就叫咗碟燒鵝飯，水準仲喺度，燒鵝燒到脆皮，燒鵝油好香，咬落去啲肉汁係個口爆開，調味調校得啱啱好，唔會特別鹹仲甜甜地！

係油塘飲過茶既都知道油塘冇乜酒樓飲茶食飯，一隻手指都真係數得曬，咁岩屋企人生日，又有老人家，近近地黎半島漁港食晚飯，見佢平日飲早茶都還好，都諗住試下佢既晚飯如何。今次叫左個4寶餐、菠蘿咕嚕肉和1蚊燒鵝。4寶餐有羊腩煲，鼓油蝦，斑腩兩味。個羊腩煲加埋唔知有冇5舊羊腩仔😂😂😂老實說，真係有d少，味道偏淡，唔鐘意太重味既人都可以試下。鼓油蝦，賣樣都真係好一般，味道都係一般。斑腩兩味黎講，都叫做唔錯值得一讚既係個燒鵝，真係好好味，皮脆多汁，咬落去真係啵一聲，讚👍🏻

油塘一共有兩個商場：一個被稱為麵包大本型、另一個則進行重整。相比數年前，各類商店或食肆算是微微上升質素。(1) $1 - 乳豬$1優惠還可選擇文昌雞或燒鵝。乳豬油脂偏多，但外皮算是香脆。(2)  冰燒三層肉賣相精緻，但味道卻強差人意。三層肉：第一層外皮脆身有光澤、第二層肥肉香但與瘦肉比例尚有進步空間、第三層瘦肉帶著原本肉味，調味時間不足。補充一點，碟子上有少許水浸於燒腩仔，令口感味道大大下降。(3) 鼓油皇海中蝦洋蔥的甜味、青蔥的香氣，以及醬油均勻的滿佈每隻海蝦。(4) 陳皮清蒸斑頭腩陳皮絲的份量未能起畫龍點睛的效果。八件頭腩沒有帶骨，以清蒸做法略嫌失色。(1) 西蘭花炒龍躉腩正常輸出，韭黃彩椒配上龍躉增加咬口，亦為整頓菜的肉食帶來清新。無容置疑，酒樓的份量十分足夠。但出品卻未能穩定地發揮，不論是調味或火侯。不過，以街坊酒樓來說，整體質素也是合格以上。臨近中秋，甜品紅豆沙額外加芝麻湯丸，送上佳節祝福。

成日嚟飲早茶，但從未試過食晚市邊爐，今日釣魚後就同幾個朋友一齊試下。首先有雞煲豬骨煲2選1，可惜我海地遲嚟食時間不足，經理建議直接打邊爐，所以冇試。邊爐附送一個海鮮set，內容有聖子，蠔，蝦，青口等等一個刺身set，內容有三文魚，赤貝數款等等一碟牛頸脊，質數幾好，再叫要加$168一碟鮑魚鴨掌，不予置評海鮮幾新鮮，味道唔錯。火鍋料基本嘅豬牛羊都有，亦有滑同魚片，不過不失。款式數量中規中矩，見到有鴕鳥肉叫，可惜當日冇晒。野飲有好多茶類紙包飲品，亦有數款碳酸汽水，有一款啤酒。特別一提上菜速度超快，落單後10分鐘內上齊野食，值得一讚。埋單每人268加1因8點半後有8折，以呢個食物質數嚟講尚算唔錯。

其實食過好多次架啦~一開張見佢咁多差評都唔敢食，之後行過親都見勁多人咪試下囉，又有啲驚喜喎，從此轉咗會喺呢間飲茶。一直都冇寫食評。前2日又嚟飲早茶，所以野都如常，ok架，除咗。。。。牛肉腸，好似食緊蒸齋腸咁，平時都唔係咁架，失手呱。我冇叫佢換呀，食咗就算~ 會再返嚟嘅，希望下次好返啦。

每日都發生越嚟越荒謬嘅事，唔知幾時先可以一家人坐埋一齊飲啖茶食個包，返番正題，繼續我嚴重滯後嘅食評🤪返番去三個月前嘅平行時空，可以正常生活，一家人飲茶，就揀左新開嘅半島漁港試下，場地大就大，但枱同枱距離好近，有啲迫🥸❣️半島水晶蝦餃皇 $28.8蝦餃皮較厚，蝦肉多但唔係好彈牙同埋麻油味好重🥸❣️鮮蝦菜苗餃 $22.8味道好鹹，菜多過蝦🦐❣️鳳爪排骨飯配擂沙煎堆仔 $29.8飯軟硬適中，排骨同鳳爪調味唔會過鹹，煎堆仔啱啱炸起熱辣辣，黑芝麻餡料就唔係好多，但味道係好嘅😬❣️皮蛋瘦肉粥配香煎蝦米腸 $29.8皮蛋瘦肉粥正正常常，蝦米腸就唔好叫啦，腸粉質地偏硬，甜醬更加有啲怪味🥲❣️燒賣皇三粒 $10.8燒賣豬肉成份比較多，如果你當係豬肉燒賣嚟食就ok la🤣🤣，但調味都係偏鹹❣️薑蔥牛柏葉 $22.8牛柏葉入味，但份量唔太多🥶🥶❣️沙嗲蒸魷魚 $22.8呢個極度唔推介，份量少而且好鹹，沙嗲味偏向花生醬為主，食完都要飲番幾杯茶☕️☕️☕️🏦是次消費總額 $211（人均消費 $71）茶位$8 🍴須加一服務費👅好味度：7（10分滿分）點心質素中規中矩，如果有其他選擇未必會嚟呢度飲茶，但係面對疫情，餐廳執完一間

早幾日訂左個6人份既盆菜，今日下午去拎當晚就食（冇放隔夜）。未食之前覺得份量是適中，但眼見鮑魚唔係用乾鮑，而係汁煮過是鮮鮑仔；蝦亦是細隻得可憐，比海中蝦還細就是了（宣傳單張圖片中是有大蝦及乾鮑），不過試左個湯包，味道ok還是有期待的。當盆菜加熱後，急不及待就食左個鮑魚仔先，但食食下食到少少酸味，其他人亦陸續表示吃到有陣酸味，結果大家都吐了出來。而食蝦既時候，可能砌盆菜果個都知蝦仔太細隻而比多左兩隻，但可以食落去都是霉的…至於其他食材都只是中規中矩沒什麼特別，唯一覺得可取之處就只是湯包罷了。對於這個6人份量$1180的盆菜，圖片跟實物不相符就算，最大問題是食材當中竟然有一兩樣變質，而且我已經是取貨當日就進食，我個人覺得是不能接受的…

我並不想尖叫，淚水用雙手抹掉^^樓下開左間酒樓，又係非常唔好吃嘅體驗。🐷🐷🐷皮厚餡差，灌湯餃竟然用罐頭火腿，豬肉極肥，牛腸淨係食到好多皮，皮係一舊的，不是一塊的，所有點心都有肥肥嘅豬肉味，無其他評語了。$350蚊埋單，正宗貼錢買難受。從來都未食過啲咁難食嘅酒樓，仲諗住執左之前嗰間Hea底酒樓之後會有好嘢食，應該油塘區都滿心期待，但係所有街坊都媽聲四起。無食過佢嘅打邊爐晚餐，但係我一定唔會try。