半島冰室

营业中

休息中

堪稱港島最強冰室，人龍店，原來行過路過都錯過，每次在外街路過無行入去，终於上星期專程去覓食，因太遲起程，去到無缘堂食，只可以外賣，今日提早出動，5:00pm 已到達冰室，一於下午茶兼晚餐，今天天氣悶熱 35 度高温下排隊十分鐘，在門口落單再等3分鐘便入座。強勢的冰室是日女神餐，雪燕椰汁冰巳沽清午餐A ＄66：蕃茄魚湯活龍躉肉配白魚蛋湯米線，真是唔錯，龍躉肉爽新鲜，大㕑味道米線夠軟滑,價錢又实際，套餐配奶茶有茶香，夠順滑商務餐： 炸雞脾蕃茄意粉配沙律下午茶餐：脆皮雞翼即叫即炸，很香脆，红豆冰的豆夠淋好好食炸薯條沽清只有薯餅，下次要食薯條。追加蒜蓉多士2件@＄6，很小有多士2面都塗上醬，蒜蓉無死角，好香不過會咸小小。另一追加印尼撈麵，麵芯硬，未夠熟透下次再食其他招牌美食

打電話order了麥皮丶碎蛋三文治（無烘底）+凍奶茶，20分鐘未有，先俾錢，再等5分鐘，未有，再入去，東哥問叫咗什麼，講完，佢話$34?🤔我話之前靚女收咗我$ 35.. 諗住開餐，一咬三文治唔對路，點都唔係碎蛋三文治囉（味覺丶視覺告訴我）😡

帶國內朋友去半島冰室吃下午茶餐。今次試咖喱牛腩飯和芝士蛋豬扒包。即叫即到既咖喱牛腩飯，汁香少少辣，牛腩入味。一边吃一边等在製作中即豬扒包。二十分鐘後，才到。嘩，真係熱到辣手。豬扒超juicy.加上芝士及蛋，好味好味。坐對面既兩位大哥，今次是看到網上好評來的，叫了都是炸雞翼 so me your love飯，不斷讚食物新鮮熱辣，但又話雞翼唔夾粟米肉粒，夾咩，又講唔出。但見到我食既下午茶，猛問我好唔好味。美食，就可補償回排隊半小時既痛苦！下次再來！

之前來試過一次 感覺出品還👌🏿CP值🉑️ 今次又來試下有咩新嘢本來想嗌肉眼扒餐 但係賣晒 就點佐壽喜燒餐3塊牛肉 烏冬 豆腐 幾粒粟米 一個煮過頭的蛋因為沒看到金菇同埋娃娃菜就問佐個男職員 直接就講冇晒 已經換佐其他嘢給你但係我都唔知換佐咩卑我😅哩個都唔係重點 主要係都唔提前同客人溝通 總要張口就來老實講 我覺得去冰室吃一碗3塊牛肉的烏冬70蚊還是太進取😅牛肉肉質都係麻麻 不如我之前食嘅安格斯牛肉我上次來食嘅鰻魚安格斯牛肉滑蛋牛肉都比今次多 總有鰻魚 總係滑蛋看四周好似冇咩人嗌牆上啲餐 都係餐牌上嘅下午茶餐 以後如果還有機會來絕對唔看牆🙂如果有同我一樣慕名而來的 建議先試餐牌上啲嘢啦

好多既野吳好俾佢停去親多數既都要排隊🥴芝士蛋豬扒包個係M記既豬柳蛋包咁鬆化既包皮豬扒keep到入面有肉汁👍🏻🫡發揮芝士其口感凍奶茶香滑奶香茶濃整體好發揮到奶茶既香味結: 必食: 芝豬包印象好服務有禮食物正👍🏻如果多幾間分店應該都keep住咁好生意#芝士蛋豬扒包#凍奶茶#半島冰室

早晨，一早醒來，要吃個醒晨早餐，令無力嘅身軀快些有Energy💪🏻，來到半島冰室見到好多人排隊，都係買外賣好D。來看看早餐餐牌🧐揀咗星級推介-咸牛肉叉燒炒蛋三文治$33熱辣辣嘅美食登場打開個餐盒被三文治香濃咸牛肉蛋味深深吸引，令沈睡嘅腦筋立刻甦醒外脆內滿足料，口中食到咸咸地嘅牛肉叉燒加上滑蛋配上脆脆多士，口感一流，令我叉電精神充沛💪🏻💪🏻咸牛肉叉燒炒蛋三文治(原來此餐包烘底-正正）

走進半島冰室，就像走進了一個充滿港式風味的小世界。我點了他們的P餐-芝士蘑菇雞肉奄列餐，包括7吋法蘭腸和牛油熱香餅，再配上一杯凍檸茶少甜，期待著一個美味的早晨。當餐點送上桌時，我立刻被它的外觀和氣味所吸引，迫不及待地咬了一口。這個奄列的香氣和軟嫩口感讓我感到驚艷，芝士和蘑菇的組合也非常完美，餡料非常充實，差點漏出來似的。7吋法蘭腸則是煎得恰到好處，口感鮮嫩，加上牛油熱香餅，熱香餅配上似是檸檬味酸甜醬，讓整個餐點更加豐盛。搭配上凍檸茶少甜，清新的檸檬味和微微的甜度，舒緩了早晨的疲憊，讓人感到愉悅和清爽。除了美味的食物和飲品，半島冰室的服務也非常周到。雖然餐廳客似雲來，非常忙碌但侍應們仍然熱情招待，不斷地為客人提供各種幫助和建議。整個用餐體驗非常舒適，讓人感受到愉快和放鬆。非常推薦半島冰室的早餐，尤其是他們的P餐-芝士蘑菇雞肉奄列，7吋法蘭腸和牛油熱香餅，不僅美味，而且價格實惠。如果你正在尋找一個舒適、放鬆的地方享受美味的早餐，半島冰室絕對是一個不容錯過的好去處。

上網睇左關於半島嘅訪問，真心睇得出個老闆同D員工係好有Heart，所以專登過嚟食一食。我叫左下午茶嘅豬扒撈麵同西多，真係幾唔錯，豬扒係好Juicy，所有食物都好夠熱好新鮮。佢D野飲都非常唔錯，奶荼夠熱夠香濃，職員態度好好，值得推薦~

一直都聽過唔少人介紹呢間餐廳話各種食物都唔錯，不過大部分時段都需要排隊。今日放假就去試一試，果然人龍好長，要分兩邊排。店員好好，差唔多排到時就會幫手落單，我就叫咗個皇牌香煎豬扒蛋公仔麵，而朋友就叫咗雞中翼公仔麵配炒蛋蒜蓉牛油方包。又真係估唔到個煎豬扒好大塊厚肉，隻蛋係燶邊勁正! 最估唔到係佢個蒜蓉牛油方包，好香脆，味道唔錯。溫馨提示: 餐廳內部如果唔係坐卡位，略嫌有啲迫，因為成個場每一個位都坐滿人。怕搭枱嘅可能要4個人一齊去

這間餐廳無論是午餐、下午茶或晚市通常都要排隊。 今天早了一點過來，就是想試試它的龍蝦。 由於時間尚早，不用排隊入座。坐定後發覺：原來午餐也有龍蝦乜乜飯的。 但時間已過了無得食，就點了：1）原隻活龍蝦魚香茄子煲$138~ 哇！龍蝦真的是原隻，但非常之細，所以肉也相對較少；但茄子和肉碎就很多，而且非常之鹹，配飯是很好的；但可惜的是~ 飯碗很細，能裝的飯也不多。如果單叫白飯就要另加$15了。 所以，都是不叫了。其實，除了龍蝦、還有聖子、羊膝都很吸引人，或者有機會再來試試吧！

上OpenRice尋覓北角食店。見係茶餐廳仲要咁好評價，行到門口有條固定隊，一睇就知伏極有限！一坐底望下隔離左右都係叫豬排早餐，我都跟嗌番個。咁難得黎北角，所以叫左個全日早餐，順便試埋個沙嗲牛。沙嗲牛通，牛肉食落沙嗲有微辣，可惜牛肉唔夠熱而且湯太多。如果少湯，沙嗲牛熱d應該好好食。再黎主角豬排，大大塊，不過唔夠淋，味道都唔差。最欣賞間餐廳無用茄汁豆當一個配菜，仲有塊薯餅。咖啡甜甜地有d澳門咖啡感覺。下次會再黎試午餐/晚餐。最後想講，好討厭而家d茶餐廳記早餐，丹麥多士當首選，食多士反而落單要講明、茄汁豆當一個配菜。香腸火腿蛋食得你幾多錢？麵包茶牛油都懶？香港茶餐廳早餐普通配菜都已經無左煙肉，再咁度縮，早餐會無哂吸引力。

唔想諗食咩既時候，對腳自然就會行去食半島，排隊就一定架喇！ 但係就好鍾意佢出品有保證！ 次次嗌唔同既午餐都好好食~ 暫時未試過重覆迫就迫左少少，食就食得趕左少少！ 黎到絕對會願意接受紙巾唔夠見店員行過放心問佢地攞喇，個個都有隨身袋住一定幫到你

芝士煎蛋豬扒包配熱華田 $33******************************炮台山嘅人氣冰室餐廳環境幾逼夾但係無阻絡繹不絕嘅顧客以前係附近返工成日幫襯早餐午餐下午茶😂依家脫離左炮台山之後就好難得先食到因為半島冰室收17:45而且星期日唔開!!!😫***超級推薦豬扒嘅美食最掛住下午茶嘅大大份豬扒包難得過去炮台山一定要嗌返一份豬扒又大塊又juicy加埋煎蛋同溶左嘅芝士真心正到冇朋友🥹好過食出面連鎖店嘅漢堡

炮台山這一個小區，有好多好多的食肆。然而，有好幾間餐廳，日日排長龍，短短的一小時 lunch，永遠都心怕 overtime 而沒有勇氣去苦等。但因為實會經過，一見人龍不長，就會心郁郁去排一排，最近兩次見其中一間人氣的《半島冰室》人龍不長，就去品味午餐了。相個是因為人流實在太利害，所以店員會在大家正在排隊的期間，幫大家落定 order。而且可以說，幾乎是一有位坐低就立即有得食。那天在門口，一早就看中了他們的牛扒餐。大大片的牛扒，肉味香濃，香煎的一片，是完美的豉油西餐風味。白飯加上一個帶有粟米粒的忌廉汁，雖然感覺上同牛扒唔係幾夾，但單是以這次配飯，絕對是非常的可口啊。改日又遇見少人排隊，又過來食一餐了。這之的選擇是半島香煎肉餅皇 (鹹魚、冬菇、臘腸)。據說，這是他們的招牌午餐，而且當我在 12:45左右落左單次後，旁桌的食客點餐時，店員說已經沽清。這一個煎肉餅，因為內有鹹魚、冬菇同臘腸，一端到我面前，已經聞得出有奇香，原因就是肉餅內被煎香的鹹魚同臘腸。吃入口時，感覺到有一粒粒的豬肉粒、一粒粒的臘腸粒、一粒粒的鹹魚粒同一粒粒的冬菇粒，吃得出是手工製作的豬肉餅，感覺份外的開心。加上味道香甜的豉

半島冰室咁hit，今日終於的起心肝去試佢個早餐，8點3去到，排咗大約7、8分鐘入座啲櫈夠大張，坐得算舒服又唔逼，侍應都殷勤有禮，同朋友分別叫咗豬排公仔麵同蕃茄湯薯仔排骨通粉，奶茶一凍一熱豬排夠淋又大塊，蕃茄湯冇用茄膏，但夠味得嚟食完又唔會口乾，薯仔同排骨都多，仲有件多士，牛油搽勻成塊，睇得出好用心，奶茶夠濃唔鞋口，我嗌杯茶走，如果煉奶再多少少就perfect！兩個餐加埋$70，呢個價錢食到啲用心製作嘅食物，絕對會再返轉頭！