影片
身为元朗街坊，今次真心想推爆呢间新开粤式酒楼！晚市$1特价菜多到拣唔晒，仲要服务贴心到喊，即刻同大家分享实战食评👇 📍位置环境位于凤琴路（凤琴体育馆对面），门面光猛阔落，装修走传统中式风格但够新净。星期六晚6点到埗已坐满七成，建议一家大细早少少去霸位！ 👶🏻家庭友善度• 主动提供消毒BB椅• 上菜神速！落单10分钟内开始出菜 • 见到我个仔打泻水杯，3秒冲嚟帮手抹 💰1优惠攻略每日晚市5:30后供应8款特价菜，今次试咗👇 🔥蒜蓉粉丝蒸元贝 ($1/只)每枱限点4只（按人头计），元贝大过乒乓球🏓！肉质弹牙鲜甜，粉丝索晒蒜香同海鲜汁，老公丧队两碗白饭送佢～ 仲有$1烧鹅/文昌鸡，建议组队嚟扫Menu！ 🍲菜品实测✅柚子蜜香骨 惊喜之作！排骨炸皮超脆但肉质软嫩，柚子蜜甜酸比例完美，连80岁阿婆都咬得开～ ✅银杏竹笙浸时蔬 菜心苗+竹笙+银杏，汤底用鸡汤熬超鲜甜，细路饮到见底！ 北菇红烧豆腐豆腐滑溜但稍嫌淡口，建议捞元贝蒜蓉汁食即时升呢～ 📦份量警报4大1小叫4个𩠌+白饭，最后打包两盒走！每个菜都系XXL码，人均$120有找抵到笑～ 💡隐藏贴士1. 晚市5:45前到免排队 2. 暗测发现叫火锅送刺身拼盘+海鲜+手切牛！(下次试伏) 总结：喺百物腾贵嘅香港，$1食到高质海鲜真心感动！已bookmark做家庭饭堂，各位识食一定要趁未排长龙去试～
继续阅读
是日在元朗与友好吃晚餐吃中餐，好快就安排好座位。餐厅好新净，装修都好新。鱼缸有大量生猛海鲜，大大只蟹大大条龙趸。仲有挂晒一只只鹅等待整烧鹅。$1之选点左烧鹅皇，丰料老火靓汤系粉葛赤小豆煲猪肉鲮鱼，孖宝（上汤西澳洲龙虾伊面+清蒸沙巴龙趸仔）,金沙海生虾，柚子蜜香骨乃是日之选。烧鹅皇：有一枝蜡烛热住，保持著烧鹅温度。烧鹅皮脆肉嫩,仲有烧鹅脾烧鹅唔会太肥又有鹅香。个份量真系唔系$1咁,物超所值。加支朝日食烧鹅更加爽皮。粉葛赤小豆煲猪肉鲮鱼汤：粉葛赤小豆，汤水清润赤小豆又去湿好适合依家天气饮，每人分到三碗。仲要好足料,成碟可以食埋。上汤西澳洲龙虾伊面：龙虾肉爽口弹牙,啖啖肉有口感,个份量都算唔细。伊面软硬适中,吸收了龙虾鲜味加上上汤更加好味道。清蒸沙巴龙趸仔：都唔算细条,鱼肉鲜嫩有鱼味,蒸起来时间刚刚好,唔会过火。金沙海生虾：海虾肥美,外壳也香口,真系可以连壳都食埋。柚子蜜香骨：柚子蜜既甜紧紧锁在香骨之上,肉质都好好。仲有送甜品红豆沙，一人一碗大大碗红豆沙。
继续阅读
今日同朋友约好到元朗半岛渔港宴会厅食晚饭。今日去到叫寿尾饮住茶睇下食咩野。结果选了丰料老火靓汤，柚子蜜香骨，金沙海生虾，必食孖宝上汤西澳洲龙虾伊面加清蒸沙巴龙趸仔仲有$1烧鹅皇。丰料老火靓汤-粉葛赤小豆煲猪肉鲮鱼够晒浓味，非常好味道连汤渣都食埋 。柚子蜜香骨-甜甜地，骨够晒入味,份量都大碟抵食。金沙海生虾-个壳都好香口，虾肉肉质好好爽口弹牙。虾味浓够鲜味。上汤西澳洲龙虾伊面-龙虾口感好肉质好，伊面同龙虾真系几夹。清蒸沙巴龙趸仔-沙巴龙趸仔都唔算仔都好大条，鱼肉够滑蒸得时间岩岩好。烧鹅皇：$1真系抵食夹大件仲要有埋烧鹅脾简直超值仲有系好味道，皮脆肉嫩。加埋枝朝日啤酒去食烧鹅简直一流。食饱仲有红豆沙送，味道唔会太甜岩岩好。
继续阅读
元朗火锅放题抵食之选！半岛宴会厅阿翁火锅元朗想打边炉来半岛宴会厅阿翁火锅最岩！一价全包！有刺身、阿翁极级牛颈肩、至尊水饺王、鸡蓉配燕窝！食材高质又好味！仲有多款配料任点任食！饮品汽水啤酒任饮！重点不限时👍🏻食到饱无难度阿翁极级牛颈肩～呈现雪花纹络～油脂分布平均至尊水饺王～大大只虾仁！馅料饱满汤底、汤锅都有10款可以简！有辣有唔辣今次试咗招牌「澳门猪骨汤底」～汤色奶白配上猪骨同红萝卜，真材实料！饮落鲜甜唔油腻，涮肉前饮咗两碗暖胃食材高质、环境阔落舒适！坐得舒服唔逼夹，最啱一班人围炉吹水！抵食Tips：晚市8点后入座有折，猪骨汤底记得追加粟米更加甜！#元朗火锅放题 #阿翁猪骨锅 #手打丸必试
继续阅读
元朗任食打边炉吾系太多选择，最近新开了一间分店星的半岛渔港宴会厅。其实我食过半岛渔港的其他分店，包括小菜和火锅，最喜欢都系火锅任饮任食，因为不限时，坐著一边聊天一边吃东西。吃过几次半岛的火锅，吾会有厌既感觉，原因系食物材料好新鲜。我钟意光顾半岛系因为坐得舒服，职员服务好，食得开心。元朗分店食火锅前有鸡煲食，我地饮啤酒，中辣已经好辣。食完鸡煲记开始打边炉，海鲜拼盘，阿翁极品牛颈脊，鲍鱼鹅掌，刺身同埋水饺王👍🏻👍🏻食完第一轮再叫点菜已经饱了，食完第一轮已经有点饱了，然后吃点租啊。
继续阅读