半唐番到會 (已搬遷) 新店位置

個人特別推薦「芝士煙肉焗薯蓉」、「惹味香辣雞翼」依兩款食物！芝士同煙肉原本已經係絕配🤤芝士同煙肉既分量都幾足，做到啖啖都有芝士煙肉。再加埋薯蓉一齊食真係無得頂👍🏻佢地既薯蓉同平時係街食既唔同，食落口既感覺好綿滑，唔會好似平時個D薯蓉會一粒粒咁，口感好之餘仲有好重既薯蓉香🤤仲配埋芝士煙肉既薯蓉真係要推薦下！😝另外，惹味香辣雞翼都唔錯，雞翼既肉唔會好乾，都幾多肉汁，令到雞翼好鮮嫩🤤而味道都幾濃厚，一開始以為佢既辣味好普通，點知食落口好重辣既香味😋而且辣度我認為都算適中，連唔太食得辣既朋友都想佢地試下！食完可能番唔到轉頭😜

家庭聚會平日乾脆去酒樓訂圍餐，晚市無開之餘，以前去酒樓時間長，小朋友都無耐性，所以今次有新嘗試—到會，別有一番驚喜。一來食物種類多，選擇又夠彈性，重點係食物有專人送上門，方便很多。減省來回坐車時間，小朋友都可以係屋企玩耐D。平日屋企好少開鑊油，所以點了粟米墨魚餅、炸大蝦、春卷、咖哩角，起初膽心運送過黎炸物油淋淋，但春卷、咖哩角出奇地脆口，墨魚餅超香，呢個下次要點雙倍份量。另一推介招牌燒烤醬雞翼，醬汁甜甜地幾好食，雞翼都醃得好入味，一陣已經俾人食曬。平時到會好少見有德國咸豬手，新奇大膽又試一下。自己好怕咸豬手層皮太硬太韌，D肉太咸，但今次層皮脆卜卜，滿有肉汁，順便食埋骨膠原美顏。不少得點了一個大人小朋友送飯至愛—龍脷魚柳粟米忌廉汁，平日不吃飯的都吃了一碗。下次家庭聚餐會再試其他菜式。