影片
招牌菜
琴日同朋友行行下街，见到尖东果头开咗间新式日式串烧，日式烧墨鱼丸食得多啦, 日式串烧好少食，咪去试下啰! 门口果姐姐sell 咗个套餐俾我地，话好抵。我地又行到饿饿地，咪试下佢地既下午茶套餐+招牌串烧鸡翼啰。我地order 咗无耐，门口果姐姐先俾杯巨峰提子汁我地。佢话佢地D 串烧系即烧既，要等耐少少。我地咪一路饮，一路等，，大约等咗15分钟左右啦。套餐包: 一串串烧+饺子2只+一杯嘢饮，$22 蚊。巨峰提子魔芋: 原本惊有药水味，但饮落少少药味都无㖞，仲有魔芋食，正!饺子: 系鸡软骨饺子，ok，好味。烟肉蕃茄仔: 一串有3个，我个人钟意食蕃茄，蕃茄烧得唔太干，仲保留好多汁，所以觉得好好味。招牌串烧鸡翼: 一串有两只，唔系太咸，味道OK。听个门口姐姐讲，话lunch 有套餐食架，有炒面，串烧同嘢饮，$29 蚊几抵㖞。下次要再嚟试过先得。整体嚟讲，服务态度几好，嘢食好味，值得一试~
继续阅读
今日经过尖东见到间新既烧烧烧既铺头仔新开㖞！又走去八下卦！门面主要有个师父系度做即叫即炒既铁板炒面、同埋煎饺子！亦因为系即叫即炒，所以等既时间比较长一d！而我地order左d乜？叫左一串玉米$6，鸡翼2只 $8 ；等左大约10mins度一路等，一度睇住门口既师父系度炒，点知芽菜仲多过d面！唔太ok！睇嚟间野未正式开张，以下系试业价，以试业价既炒面$12 算ok ，可以接受，唔算太贵la！个姐姐话开业后d炒面会卖$20的！then d 姐姐话宜家有个餐的，叫炒面+ drinks = $25但我地只order左：玉米&鸡翼门口既姐姐话招牌既系鸡翼，而玉米&鸡翼都系用特制既烧汁嚟烧的，而且会一路烧一烧查烧汁的！ok.... 我地就试鸡翼先...... 评：鸡肉都几滑既，烧到火喉刚好，没过火！味道 - 食极都feel唔到佢落左咩"烧汁"咁巴闭law！而且根本就睇唔到、食唔出，佢落左咩烧汁，由开始食到食完只鸡翼只感觉到好咸、好重味精！评： (满分为) 到玉米la！hm..... 失望...... 当晚天气唔算好冻，我地食完𠮶一只鸡翼就食佢，前后唔够3mins，但想不到已经冻了！可以想像d玉米烧得唔够热了！too bad！入口既味道，直头觉得要回水！微暖都算la，食落乜味都无，包括玉米无甜味，无"烧汁"味，连咸味都无！只能说一句：失败之作！评： (满分为) so.... 一次就够哂数！虽然我未试炒面，但以佢地呢个水平，仲想话正试开业d串烧要加多$10以上，我可以肯定地答你，我一地唔会再帮亲！唔想结业，就努力一d点吧！ @_@
继续阅读