千海水產海鮮火鍋放題

营业中

休息中

終於都輪到我食呢間一位難求嘅即撈海鮮放題喇💕食之前已經做定功課 留定肚㗎啦最大賣點當然係期待已久嘅自助撈海鮮區域海鮮種類繁多 有鮑魚、蝦類、蟹類、貝類每一款都好生猛 撈好之後就可以搵店員幫手清洗海鮮真係勁新鮮 食落夠晒彈牙！海鮮之外，其他食物都非常豐富估唔到嘅係 竟然有田雞腿、雞子🫢蔬菜選項都好多 而且仲有點心區域添可以食到燒賣、蝦餃同小籠包另外，可以QRCODE 落火鍋肉類、炸物、燒物等澳洲M5和牛同皇牌燒乳鴿王我就嗌咗好多round啦當然唔少得甜品啦，有Häagen-Dazs 㗎食幾杯已經值回票價啦

本身係海鮮fans,見到有人介紹呢間，又見已經過左頭浸水唔洗點排，就約埋fd去試下。因為openrice到無得book枱，就約左6半去避開最多人既時間，去到都如預料般，係直入，但就話8點15分要轉下輪，所以我地揀2個鐘餐都係6:33到8:15就要交枱，但我地覺得15分鐘還好，應該夠食飽，就照入。入到去，真係有一大個海鮮池，左邊有大量任攞野食，右邊有好多飲品，包括啤酒都係任飲。因為我有睇過食評片，知時間寶貴，一坐底即叫湯底同肉，再出去攞海鮮，分工明確。我第三個fd遲少少到，佢一入黎坐低我地準備開餐，個經理已經攞張單黎，話埋單先，呢樣我真係第一次見呆左，跟住同我地講：8點交枱啦，我即刻追問：唔係8:15咩，佢睇左陣先話係15分，我唔提係咪8點就趕我走。食物質素公道講句，係新鮮同好食既，除左肉外基本全部放出面，自己任攞，唔會出現其他放題甘叫極無野到。但開開心心食到尾就黎料，近尾果45分鐘開始，不停有人黎收走我地枱面啲野，我有啲煩但可以當好服務見人見智，但同時亦不停有人提last order幾時，幾點交枱，到左最後十分鐘話幫你收收野就開始慢慢收走曬我地枱既野，連等客走左再執既時間都無，但我地埋

近期真係超級大熱，所以勁難先book到位，見係宵夜時間都照殺，唔好以為宵夜時間啲嘢食就少咗，其實啲海鮮都一樣係咁多，一樣都係咁生猛，啲小食多到你唔會食得晒，有啲幾得意嘅食材喺呢到先見得到，例如黑松露、榴槤。嘢飲同平時嘅放題差唔多，都係多到眼花撩亂，我覺得佢啲梅酒同埋清酒都唔錯，而佢幾特別仲有真露任飲。‣ 兩小時晚市放題（宵夜時段） $308· 任食海鮮一嚟到見到三點蟹忍唔住心心眼，其實揀得三點蟹都好貼心，始終個殼比較薄，煮完就咁用牙咬都唔會好辛苦。而佢嘅膏都比較清新啲，唔會話好膩，肉質都偏向細嫩。鮑魚真係相當之彈牙，係咁煮都真係好過癮。而我都夾咗唔少沙白，喺龍蝦湯入邊煮完真係零舍香甜，嗰種海鮮嘅味道真係令人欲罷不能。食緊海鮮嘅時候已經唔記得咗食和牛，所以大家都唔好唔記得嗌多幾碟牛。· 黑松露好難得見到放題入邊有黑松露，隔離仲有唔同嘅多士仔俾你搭配黑松露一齊食，而佢仲有煙鴨胸同埋火腿，呢啲非一般鹹香嘅食物真係好吸引。· 鵝肝多士佢嘅鵝肝真係超級肥美，莓醬嘅份量亦都啱啱好，唔會搶走鵝肝嘅味道。多士本身好脆口，味道偏甜，不過連埋鵝肝一齊食又覺得幾夾，大大嚿鵝肝所以都推薦大家嗌嚟食。更加唔使講

這間近期很爆紅的海鮮火鍋放題很難訂位，長期爆滿，唯有食9:00後晚場，價錢是$348，任食兩小時！重點是海鮮是自己夾自己任揀，很有意思！海鮮更是生猛活生生游水的！海鮮種類有大頭蝦、九節蝦、基圍蝦、美國蜆、沙白、白蜆、花甲、鮑魚、花蟹、藍蟹、三點蟹、白蟹、花螺，超級豐富！牆上更有溫馨提示海鮮煮的時長，很貼心！至於自助區域都好有驚喜！食材選擇是極度豐富！最特別是有煙鴨胸、黑松露、榴槤、小籠包、點心、龍蝦仔、蔬菜類都有勁多！就連蠔都有！鵝腸、鯇魚腩、雞子、田雞都有！誇張！大滿足！手機下單則有靚牛肉，澳洲M5和牛、美國牛肩胛、美國豬梅片。這次點了「金湯花膠雞湯」，好滋潤！熟食更有鵝肝多士、乳鴿、雞翼、鮮蠔、串燒⋯⋯真是非常有驚喜好豐富的海鮮火鍋放題！

呢間主打即撈海鮮火鍋放題店近期好Hit，今日終於可以試，我哋平日一至四嚟， 7:30pm前離開，食兩個鐘，每人只需$298 ，性價比幾高。一入到去，急不及待去海鮮區撈海鮮，海鮮區環境乾淨整潔，完全冇濕濕嘅感覺，有多款海鮮包括基圍蝦，草蝦，大頭蝦，三點蟹，藍花蟹，鮑魚，海螺，貴妃蚌，沙巴，蜆。自助撈海鮮區會不停補貨，無限量任撈任煮。全部海鮮都係新鮮游水的，可以逐隻揀，然後夾入自己的海鮮筒，很好玩，蟹同鮑魚可以俾店員清洗乾淨處理。另外，仲有個生蠔區，生蠔已經去殼，清洗乾淨，隻隻肥美。啲海鮮真係好鮮甜，特別係蟹，一定要食，肉質嫩滑，鮮甜又多膏。我哋叫咗椰子雞做湯底，估唔到湯底有幾清甜，除咗即撈海鮮，有多款火鍋配料任點，包括澳洲和牛，牛肩胛，羊片等等。另外仲有多款熟食可以任點，有乳鴿，川味燒生蠔，鵝肝多士，燉椰汁雪燕木瓜等等，全部都係新鮮熱辣，好好味，估唔到火鍋放題啲熟食咁高質素。自助區有好多款熟食，例如炸雞，炸饅頭，燒榴槤，仲有巨型蝦餃同燒賣等等。仲有蔬菜同丸類區，當然仲有甜品區同飲品區，雪糕今日有4款Häagen-Dazs雪糕同埋兩款Movenpick雪糕。

講到近期大熱人氣餐廳，「千海水產海鮮火鍋放題」必定榜上有名，賣點是設有自助撈海鮮區，不停補貨無限量任撈任煮，讓客人體驗海鮮自由-今天到訪位於九龍灣分店，裝潢走日式放題店風，光潔明亮，環境衛生；設有大型自助區，提供多款火鍋配料、熱食、前菜小食、水果、甜品及飲品等，晚市用餐時間 120 分鐘，7 時前離座每位 $288-海鮮種類豐富，當天提供藍花蟹、三點蟹、大頭蝦、基圍蝦、鮑魚、東風螺、大蜆、沙白、花甲及美國蜆等；海鮮非常新鮮生猛，由客人將海鮮夾到鐵筒子後，再由店員幫忙清洗及處理；蟹肉雪白，大蝦爽彈，鮑魚大隻，吃到海鮮的鮮甜-湯底點選金湯花膠雞湯；火鍋不可或缺的肥牛，餐廳提供澳洲 M5 和牛及美國牛肩胛片，軟嫩帶肉香；其他名貴火鍋配料如厚肉田雞、脆鯇片及脆墨魚皆新鮮，蔬菜選擇多且爽甜-熱食方面推介蒜香濃郁的川味燒鮮蠔、甘甜細緻的西京燒比目魚及油脂豐富又甘醇的鐵板鵝肝多士；其餘推介有滋潤香甜的海燕窩椰汁燉木瓜、自助區的烤榴槤、雪糕及甜品，真的吃得捧腹而回

最大的賣點是設有自助撈海鮮區域，海鮮的款式和種類多，包括有鮑魚、各款蝦蟹類、貝殼類。款款都十分新鮮，跳跳紮，最愛是他們的大頭蝦，又膏。撈完海鮮後還可以交給專人幫你清洗，非常貼心。職員還會不停補貨，無限量任撈任煮。我哋揀咗個椰子雞鍋底，椰子味香濃清甜足料。除咗海鮮之外，其他食物都勁豐富。醬料區有多達50款醬料供選擇。雪糕甜品區更設有Häagen-Dazs及Movepick。飲品區到達50款款式供選擇，還設有生啤，啤酒，清酒，梅酒供選擇。蔬菜類設有多款不同特色的蔬菜，多達30款。還可以QRCODE 下單包括：火鍋肉類、炸物、燒物等、個人重點推介澳洲M5和牛、美國牛肩肝片、皇牌燒乳鴿王、鹽燒牛舌、川味燒鮮蠔、羊架。每款都勁高質，勁好食。呢個價錢，有如此高的質素，值得和家人和朋友前往進食。但時間始終有限，好多款式都未能進食，下次繼續。

這間新開人氣爆燈的「千海水產海鮮火鍋放題」，朋友們急不及待的要約來試試，以即撈海鮮為主打的任飲任食放題餐廳，裝修光猛寬敞，有多個卡位，擺放食物的自助區乾淨企理，幸好我早一點來到，要不然就要在門外排隊了。餐廳門口一入即看到一個大的自助撈海鮮區域，全部新鮮生猛的海鮮，如鮑魚、基圍蝦、大頭蝦、花蟹、三點蟹、花甲、大蜆、螺等，都可以讓顧客用網即撈，無限量補貨供應。這裏特別之處，就是你把海鮮撈在桶內之後，可以給店員幫你把海鮮洗乾淨，如果有蟹，更細心地把蟹斬開一半，讓顧客更容易去享用。湯底亦有多款選擇，我點了比較特別的龍蝦頭鍋，真係原隻龍蝦頭在湯內，以龍蝦湯去打邊爐真的很鮮甜呢！除了即撈海鮮，熟食及肉類可以二維碼點菜，當中串燒、炸物等任君選擇。自助區食物亦多不勝數，日本小食、菜類、丸類等，烤榴槤更是非常受歡迎，飲品區自成一角，各款自家製冷泡茶、珍珠奶茶、罐裝紙包飲品、酒類等應有盡有。甜品區內，多款Häagen-Dazs及Movepick雪糕、榴槤大福、糯米糍等都好好味！兩小時任食，真係要捧住個肚離開呢！

千海水產海鮮火鍋放題 是大喜屋集團新副線以過萬呎即撈海鮮火鍋放題作招徠🔥勁爆場提供蟹 鮑魚 蜆 蝦 花螺等海鮮 加上一系列配料點心 小菜 甜品 連黑松露都有！款式多元化‼️自助撈海鮮區會不停補貨 無限量任撈任煮⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🥘蟹皇海鮮鍋共八款湯底選擇 蟹皇鍋跟海鮮很搭 不搶風頭鮮甜美味又香濃‼️推介湯底挑與海鮮相關的·【自助撈海鮮區】🪹鮑魚｜煮6-7分鐘店員清洗得好乾淨 肉質厚實彈牙 味道夠新鮮身價高 絕對回本之選 再蘸醬料 輕鬆KO一打🦐大頭蝦 九節蝦 基圍蝦｜煮5-6分鐘全晚MVP 每款都爽口彈牙 肉厚鮮甜 好新鮮特別係大頭蝦 多膏大隻 絕對係海鮮控的天堂🐚美國蜆 沙白 白蜆 花甲｜煮4-5分鐘完全沒有沙 美國蜆真係好大隻 肉質爽脆味鮮推薦花甲啖啖肉又鮮甜 其次是沙白 肉質厚身最後到白蜆 肉質則較為薄身 甜味亦不突出🦀花蟹 藍蟹 三眼蟹｜煮8-9分鐘建議填飽個肚先開始食蟹 花蟹藍蟹肉質結實三眼蟹則蟹殼薄多膏 肉質飽滿細緻 容易啲食·‼️強烈建議與友人分工合作 嘴巴不要停下來eg.1個負責下單煮食 1個負責撈海鮮&自助區仲要留肚食黑松露 雪糕 甜品 喝飲品 酒類等·

終於𝐁𝐨𝐨𝐤到呢間晚市𝟐小時海鮮放題🦐🦀🦑需要提早一個半月前預約先食到𝟕點時段🥲主打即撈任食海鮮夠晒噱頭🤩每張枱上都有一個鐵桶用來撈海鮮🦐🦀鴛鴦鍋🍲湯底方面提供多達𝟏𝟎個選擇，另加$𝟒𝟖揀左𝟐個湯底分別是龍蝦湯🦞及金湯花膠雞湯🐔，龍蝦湯🦞有一隻龍蝦頭，味道濃郁，落埋海鮮一齊滾鮮上加鮮，而金湯花膠雞湯有一隻雞腿🍗及紅棗，飲落鮮甜滋潤，但好可惜鍋的容量比以往打邊爐的鍋偏細唔夠深，唔可以放太多落去打邊爐，枱有一壺湯底自行加，但好快無湯要不停加湯海鮮區 🦀🦐𝐔型魚缸提供好多款活生生的海鮮包括蝦🦐，蟹🦀，鮑魚，沙白，螺，鍾意食咩自由任撈，撈完交比職員負責清洗，仲會不停補貨無限量供應，而且有提示每款海鮮需煮幾耐先最佳時間進食，有驚喜是大頭蝦🦐及藍蟹🦀肉質鮮甜而且仲食到有膏🤩，鮑魚爽口彈牙，沙白粒粒鮮甜飽滿而且無沙，海鮮控盡情食唔好錯過😍肉類🥩用手機𝐐𝐑 𝐜𝐨𝐝𝐞落單，提供多款肉類包括有澳洲𝐌𝟓和牛🐂，美國肩胛肉，美國豬梅肉🐖，澳洲羊肉片🐑等，同樣有紙仔提示滾幾耐最好食，肉質鮮嫩熟食🧆用手機𝐐𝐑 𝐜𝐨𝐝𝐞📲落單揀自己喜愛的美食，西京燒，燒羊鞍，鹽燒牛舌及芝麻雞翼等自助美食區（自助火鍋配料/熟食區/甜

這間海鮮放題中午時段超難訂到位，好感謝墨丸米排除萬難訂到。終於有機會食到嘞，我們都超興奮午市每人288蚊一位，另有加一收費。一開始全人類都去海鮮區撈海鮮，有鮑魚，花螺，三點蟹，藍蟹，大頭蝦，基圍蝦，九節蝦及一些蜆。每張枱都有1個海鮮桶比客人可以無限次撈海鮮。撈完後比負責清理海鮮的職員清洗海鮮。但因為客人比較多，清理海鮮職員只有2個，所以會比個號碼籌客人到時贖回自己的海鮮桶。撈完海鮮便去其他區拎野食。火鍋料區有田鷄肶，蠔，沙猛魚，花膠，各類丸類，菜等等。飲品區有清酒，梅酒，各類樽裝茶，各式汽水，咖啡等等。還有我們至愛的甜品區，m字頭同h字頭雪糕，其他品牌雪條，楊枝甘露，芝士蛋糕等等。醬料區也有十多款醬料任揀!還有9款湯底選擇，我們揀了金湯花膠鷄鍋，湯頭鮮甜用QR code可以點火鍋料牛肉、豚肉、鷄肉。熟食有乳鴿， 糍粑，炸牛奶等等。食物款式多到不能盡錄我們今日主打食海鮮，每款海鮮好新鮮，因為撈起時見到它們 紮紮跳 。食落好鮮甜由其是鮑魚及蝦啖啖肉，好爽口雖然中午時段可以食3個鐘，我同墨丸米好有默契分頭行事，但都還有好多款食物未試，覺得時間過得太快，唔太夠喉。不過大家都食得好滿足！另外有一

呢一間放題店近排黎講一定係全港最hit既一間 簡直就係一位難求 我 book都淨係book到9點個段時間 黃金時間都 book唔到我地一入到去唔係坐低先 係睇下個撈海鮮個區仲有冇海鮮 見到職員會不停補貨 好彩海鮮仲有大把個心都即刻定返晒 一定要無限量咁撈入到去就揀左個椰子雞煲 之後即刻出去拎海鮮 海鮮自助區有花螺、鮑魚、蟹🦀、三款蝦🦐同埋三款蜆 揀完海鮮先後就可以比店員去洗海鮮 店員都超快手有三個店員同時係咁洗 我地去揀完野飲既時間店員已經洗好 野飲都好多野揀 亦都有生啤可以自己斟 又有冷泡茶 最特別係有暖櫃 真係超多選擇🍺☕️🥤埋到位可以用QR Code去叫澳洲和牛🐮、乳鴿、鵝肝、燒蠔🦪等等 鵝肝勁香脆入口即溶打左陣邊爐搞左兩 round先醒起出面仲有點心同好多邊爐料拎 最後仲有好多甜品選擇如果300零蚊既放題 呢d食海鮮既放題比以往既日式放題真係吸引好多 加上食海鮮冇食燒肉個d咁大負擔 唔怪之得身邊咁多朋友去完呢間又再去

在新一年的第一日，我哋選擇了人氣海鮮放題火鍋店「千海水產」，與家人一起感受這份熱鬧。😆 這裡的自撈海鮮火鍋絕對是一場視覺與味覺的盛宴。😍「千海水產」的環境熱鬧非凡，無論是家庭聚會還是朋友相約，這裡都非常適合。店內裝潢簡潔明亮，讓人感到舒適自在。每個桌子周圍都充滿著歡笑聲和撈海鮮的樂趣，氣氛十分熱鬧。🥰這裡的海鮮選擇相當豐富，鮑魚、羅氏蝦、三點蟹、蠔及各款貝類應有盡有，讓人忍不住一撈再撈。每一樣海鮮都活力四射，味道鮮美，特別是三點蟹，肉質鮮嫩，令人回味無窮。😋除了海鮮，店內還提供多款火鍋配料，如澳洲M5和牛、豚肉、羊肉、田雞腿等，每一樣都讓人垂涎欲滴。火鍋湯底選擇多樣，我哋選擇咗龍蝦頭鍋，非常鮮味。😋這裏有多達120款美食可供選擇！特別乳鴿，讓我印象深刻。😋飲品方面， 種類繁多，非酒類和酒類飲品都有很多選擇。 Movenpick雪糕 & Häagen-Dazs 雪糕，更是為整個用餐體驗增添了不少色彩。甜品之中的海燕窩椰汁燉木瓜只能每人一客，是必吃甜品，大家千萬不要錯過。😍

最近成為一時熱話嘅任撈海鮮火鍋放題，我今日終於有機會去試到啦！星期一至四，九點後入座就最抵食，一個人只係$308就有交易！😜😜首先梗係要重點講吓佢哋嘅任撈海鮮池有咩海鮮啦！海鮮池分別有有我最鍾意嘅爆膏大頭蝦🦐、基圍蝦、大大隻鮑魚、非常新鮮嘅三點蟹🦀、東風螺、花甲、沙白、大蜆！我最鍾意嘅一定係爆膏大頭蝦，淨係計我自己都起碼食咗20隻，肉質結實彈牙，蝦膏簡直可以媲美大閘蟹，講起都想再encore！🤩🤩另外我都觀察咗成晚，自助撈海鮮區域真係有店員不停補貨，真正無限量任撈任煮，冇花冇假！🤟🏻🤟🏻佢哋呢度好多款唔同嘅小食都係回本位，例如鐵板鵝肝多士🪿、乳鴿皇🐦、川味燒鮮蠔🦪等等，喺等緊海鮮煲熟嘅時候，每樣嚟幾件就啱晒啦！平時打邊爐一定要有嘅火鍋配料，呢度有齊晒，自助區仲有多款蔬菜、丸類比大家選擇～真係睇到花多眼亂！🙈🙈

首先當日我係walk-in 入場 好好彩有位入場第一次試新餐廳 之前一直都好想食但係太多人 2小時的確少左啲 唔緊要試左先 安排好位置後 枱面同個地下一樣油林林 枱面可以自己清潔一下 地下就小心地滑啦！枱上有個細冰桶係出去夾海鮮用 真係有啲細個 唔緊要 唯有行多幾轉 第一次夾海鮮啲海鮮都好新鮮生猛 但係現場係冇職員講解要比佢地劏比佢地清洗 拎左反自己位個職員先同我講要拎出去比佢劏咁我又行多一轉拎左反去又拎反出去 我地又叫左啲牛肉都幾冧 不過唔算好靚 食牛既朋友去到就可以食少少 主要食海鮮好啦 其他熟食都幾好食 例如羊架、鵝肝多士、燒牛舌都不錯 食到尾聲都有好多不同既甜品選擇 不過唔會食得哂 始終2小時太快過 整體來講食物都還好 係時間好急速 佢仲要提早收起我地枱面既碗碟 拎走埋個鍋 未夠鐘就趕你走 呢到係最差既體驗 第一次食一間趕客趕到出面既餐廳 真係可一不可再 食物ok 其他野都係唔得 唔抵食