千海水產海鮮火鍋放題

营业中

休息中

📍 千海水產海鮮火鍋放題 九龍灣店 📍好多朋友都知道我鍾意食海鮮，一直都推薦我嚟試呢一間千海水產火鍋放題。終於嚟試，果然冇推薦錯。好驚喜係呢間餐廳有自助撈海鮮區域，會不停補貨，無限量任撈任煮！海鮮款超級多，淨係蜆都有幾款，可以滿足我試唔同款式嘅願望，做吓比較，好開心。仲有蟹同埋鮑魚，都係新鮮即劏，基本上揀完想要嘅海鮮，交俾工作人員，就可以再去自助區嗰度拎其他食物，工作人員會幫我哋處理好，非常貼心便利。自助區嘅食物款式多好多，有水魷、牛柏葉、生蠔、各種菜等等；仲有熟食區，有燒榴槤、燒腩仔、麻辣魚皮等等，應有盡有。一路行嘅感覺係，嚟一次會試唔晒咁多款嘢食，好可惜，會想再嚟多幾次，試晒唔同嘅嘢食！服務員態度都幾好，積極友善，但又唔會好打擾你。食物質素非常之高，環境舒服寬敞。真係非常之值得試一試！

Bookmark咗好耐嘅餐廳終於有機會試‼️ 千海水產海鮮火鍋放題主打每日直送活海鮮，水產櫃即撈即處理，拎番枱時蝦蟹仲係鮮活彈跳🦐🦀 作為海鮮控，又點可能錯過!! ️🦐🦀即撈即食時令鮮活海產當晚水產櫃有鮑魚、蝦、蟹、沙白、花甲。淨係蝦都有3款俾你揀，大頭蝦、草蝦、基圍蝦，蟹都有好幾款!! 即撈即處理，大人小朋友撈海鮮都幾過癮，打卡一流😆有幾新鮮⁉️撈起嘅蝦放落火鍋果陣仲扎扎跳，極新鮮要特別小心⚠️ 建議要係火鍋內夾一陣，先唔會俾滾水彈到🤓 依個新鮮程度嘅蝦，肉質爽口到不得了，大頭蝦仲有半隻手咁大，啖啖肉好滿足。花蟹、肉蟹同樣都超新鮮，劏完都仲識郁🙈 好厚肉又鮮甜，拆蝦拆蟹係需時，但絕對值得！👯‍♀️高質火鍋配料加熟食區🍲火鍋除咗多個特色湯底仼你揀，仲有超過40款火鍋配料。當然唔少得仼食靚牛：澳洲M5和牛，美國肩胛肉🐂 丸類、餃類、蔬菜係自助區應有盡有。🍳熟食區都唔可以忽略，烤榴槤焦香爆漿，平時唔特別食榴連嘅我都食咗3嚿🙈 仲有脆皮燒肉同即蒸點心，都十分高質!! 🧑🏻‍🍳無限encore必點星級菜單 皇牌燒乳鴿王鐵板鵝肝多士鹽燒牛舌川味燒鮮蠔 燒香草羊鞍西京燒比目魚原個木瓜雪耳燉糖水

早排同friend去咗九龍灣千海水產海鮮火鍋放題，真心覺得呢間海鮮火鍋店好有驚喜！一入到去，見到成個自助海鮮區已經好興奮，啲海鮮選擇多到唔識揀，全部都新鮮，想食咩自己撈，然後交俾店員幫你洗乾淨，即刻可以拎去打邊爐，超方便。我哋揀咗冬瓜瑤柱豬骨鍋做湯底，飲落去湯底好鮮甜。其實仲有好多款任你揀，聽講龍蝦頭鍋用嚟淥海鮮會更加香甜，下次都要試下！ 海鮮方面，花蟹、藍蟹、白蟹、鮑魚、花甲、灰蜆、白蜆、沙白、大頭蝦、基圍蝦、花螺，全部都新鮮生猛，啲蝦同蟹肉質彈牙，啲螺同貝殼類冇沙又冇腥味，即撈即淥即食真係好正。肉類都唔差，可以用QR code落單，超方便！美國牛肩胛片、澳洲M5和牛、澳洲羊肉片、美國豬梅肉片，全部都叫咗嚟試下。推介澳洲M5和牛，油花分布靚，涮幾秒就食得，肉質嫩滑。其他肉類都新鮮，nice。自助吧都好豐富，廣島蠔、海參、雞子、毛肚、珍寶蟹棒、丸類、各式蔬菜，乜都有。廣島蠔大隻又肥美，海參煙韌，點醬食一流，鍾意火鍋配料嘅朋友一定開心到不得了。熟食都唔可以錯過，有乳鴿、鵝肝多士、川味燒鮮蠔、鹽燒牛舌、榴槤炸彈、原粒榴槤肉、麻辣小龍蝦、羊架，仲有好多點心選擇。鵝肝多士好香滑，牛舌燒得啱啱好

九龍灣店環境極大，全部都是卡位座位十分之多，設有手機點餐及自助吧任取。食物種類的確很多，當日上菜收碟速度算快，缺點是四人才得一個很細桶的海鮮桶、服務態度較馬虎。推薦必吃！鵝肝多士：鵝肝超厚炸到很香脆燒生蠔：每個都大大隻，唯一缺點就是炸蒜變硬了焗榴槤：有些未熟透，但熟透的很香很濃即撈海鮮(鮑魚、沙白蜆)：海鮮新鮮很鮮甜避雷！田雞：肉質十分之嚡口燒羊架：燒到燶晒燒過龍了自家茶飲：鴨屎香茶味道就是藥水味

無限refill即撈海鮮, 多元化炸物燒物, 牛肉火鍋, 新鮮蔬菜真係食極都唔厭, 加上有當造烤榴槤同任飲生啤冷泡茶, 貴少少都抵! 原價$348, 7:30前離座只需$308/位即撈海鮮全部都游水勁生猛, 大頭蝦爽彈爆膏, 鮑魚鮮甜彈牙, 沙白鹹鮮嫩滑廚師推介鐵板鵝肝多士鵝肝大過多士, 油香十足encore之選烤榴槤好食到不得了, 超級香甜脆皮鮮奶卷脆皮香滑, 甜度適中唔油膩火鍋配料牡蠣大大隻鮮甜滑溜, 田雞腿質地似魚肉都係好鮮甜所有放題同一個套餐都食到食到澳洲M5和牛, 老實講比同集團既牛站部位冇咁靚, 但都滑同埋主打海鮮絕對收貨甜品Häagen-Dazs杯裝雪糕多款味道, 經典夏威夷果仁唔會太甜, 最尾食啱啱好半熟芝士蛋糕飽都要食好香滑; 杏仁條脆卜卜放題價值在於過下口癮好開心; 3.6牛乳布甸好Q彈奶味好香

今次去咗近期大熱即撈海鮮嘅千海水產海鮮火鍋放題-九龍灣店，位於九龍灣淘大商場入面，環境舒適闊落，最大賣點係設有自助撈海鮮區域，同埋任食過百款美食，包括設有自助熟食區、火鍋配料區、點心區、甜品區、生果區、飲品區、清酒及梅酒區、雪糕區等，仲可以QR code落單火鍋肉類、火鍋配料、炸物同埋燒物，好豐富。自助撈海鮮區即撈海鮮係千海水產嘅重點，活海鮮有款選擇，包括有大頭蝦、草蝦、藍花蟹、番薯蜆、沙白、鮑魚、白刀貝、花螺等，每款都好新鮮，店員會定時refill海鮮以維持供應。每次撈完海鮮都可以交比在旁店員清洗乾淨，等大約5至10分鐘，就可以憑號碼牌去攞。大頭蝦好新鮮，拎上枱時仲扎扎跳，好生猛，大頭蝦肉質彈牙鮮嫩，頭大多膏，蝦膏甘香濃郁；藍花蟹蟹黃飽滿，蟹黃滑順鮮甜；鮑魚鮮嫩，彈牙爽口；沙白肉厚，味道鮮甜。QR code落單火鍋湯底用QR code落單，揀咗鴛鴦鍋，其中龍蝦頭鍋湯底有成隻龍蝦好足料，龍蝦香氣撲鼻，充滿鮮甜味；蟹皇海鮮鍋，充滿蟹膏香，湯底味道鮮香四溢；火鍋配料方面，有牛、豬、羊肉選擇，包括澳洲M5和牛、美國牛肩胛片、美國豬梅肉片、澳洲羊肉片等。澳洲M5和牛油花均勻，牛肉味濃郁。熟食方

之前系網上見到洗版式短片，人人去到見到個大海鮮池都拍片放上網，已經心心眼好想去試，今日終於輪到我啦，今日放假可以食早飯吾使同人迫一入到門口真系比個大招財貓同埋大海鮮池吸引左，鮑魚，貝類，蝦類，蟹類，全部新鮮即撈，蟹類及鮑魚會幫你斬件及清洗乾淨，店員會比號碼牌你轉頭去攞返，好貼心呀。跟住重有好多小食，火鍋配料全部擺放整齊乾淨，重有部份火鍋配料，熟食系手機掃碼點餐，當然重有無限量飲品，甜品啦！個人最喜愛澳洲M5和牛，燒乳鴿，鐵板鵝肝多士，燒羊鞍，西京燒比目魚，海燕窩椰汁燉木瓜，烤榴槤，真系食返幾舊已回本，總之就系超值實在太多選擇，不能盡錄，大家快啲去試啦

上網見人介紹過呢間嘢，睇咗攻略知道晚餐時間未必夠食。就揀咗平日午市時間有三個鐘任食，帶埋兩老去試吓。湯底用迎新優惠揀咗麻辣鍋同埋花膠雞湯，不過湯底感覺上都冇乜特別。海鮮好新鮮，有個桶比你任你夾個下都幾有趣。我個日有幾種蜆，花甲好大隻，兩款蟹，三種蝦，鮑魚，全部都好生猛，啲海鮮食落都好彈牙結實，但鮮味就好似少咗少少。豬牛羊肉類都有，但主要食海鮮多，記憶點唔多，肉質都可以嘅。熟食質素都唔錯，炸雞翼，乳鴿，鴨肝多士等等，款式夠食。出面都有好多款菇菜或者丸類比你自己夾，但真係食唔到咁多。甜品櫃都有唔少款式，例如大福、燉蛋、細細件蛋糕，但我哋都食唔落了，因為有哈根大師糕任食，我哋都食咗兩三杯。上菜速度正常，店員服務好好，有禮貌，收碟都快，主動提供紙巾。整體黎講，成家都食得好滿意，會再去食。少少個人意見就係如果食蜆嘅話，個火鍋湯底可以加普通熱水，唔使落佢哋壼湯，因為食到後尾會好鹹。

今日我同朋友夜晚慶祝生日，於是我哋提早2個月前book位，入到去門面格局裝修很靚，侍應很有禮貌地安排了座位俾我哋，門口有好多新鮮嘅海鮮，例如有蝦有蟹有沙白右手邊有無限非常非常之多嘅飲品款式令到我目不暇給，另外甜品區非常之多選擇例如有Tiramisu木糠布甸芋泥布甸等等還有乳酪豆腐花各式各樣不同種類的食物，另外有很多熟食例如雞翼尖炸嘢牛舌燒生蠔鵝肝真係令我覺得很驚喜好好食呢樣真係讚不絕口，而且很大件，湯底方面我覺得最正嘅係佢有一個好大嘅龍蝦頭裏面有好多龍蝦膏加上佢嘅湯底非常之濃味就算我同朋友今日冇落醬料我哋都覺得好好食，跟住我同朋友食咗好多雪糕，因為佢係Häagen-Dazs雪糕，我覺得非常有高質素，仲有香港牌子雪糕Coco Berry，非常之好味，最值得欣賞除咗甜品之外係佢啲冷泡茶仲有我最愛嘅無糖鴨屎香，同埋有我至愛的桂花烏龍，而且我仲喝了很多瓶楊枝甘露佢嘅甜度啱啱好唔會覺得好甜，令一啲減肥嘅人士都可以隨便飲，我看見出面仲有很多蝴蝶酥口味很香脆，仲有小朋友最愛的軟糖，非常多食物的種類。非常之喜歡這間餐廳令我覺得不用上深圳也可以吃到這些高質素的餐廳。

長期人氣高企的海鮮火鍋放題，未夠12 點去到已經好多人排隊等入座，平日午市$298/位任食3 小時。主打自助現撈海鮮，多款海鮮無限量供應，啱晒海鮮控。🔶自助撈海鮮區🔶海鮮自助任撈，全部都好新鮮生猛，有鮑魚、蟹、基圍蝦、大頭蝦、蜆等。我哋來都係主力食海鮮，可以任食真係好滿足，特別鍾意呢幾款：💟鮑魚： 肉質好彈牙💟大頭蝦：蝦頭啲膏都不能錯過💟基圍蝦： 最鍾意呢款蝦，肉質最爽彈💟沙白： 隻隻都好鮮甜又冇沙湯底選了✨金湯花膠雞鍋✨，飲落幾濃郁。其他肉類/ 熟食就掃QR code落單，上菜速度都快，熟食送到上枱都係熱辣辣的。肉類質素唔錯，比較鍾意牛肩胛肉。其他必點推介：💟皇牌燒乳鴿王💟鐵板鵝肝多士💟川味燒鮮蠔💟海燕窩椰汁燉木瓜🔶自助區：🔶提供各款小食前菜、冷盤、水果、蒸點心；多款飲品選擇，啤酒淸酒梅酒都有，仲有最後記得食埋甜品、雪糕雪條。推介：💟烤榴槤、💟荔枝蝦球

一直都好想試呢間海鮮火鍋自助餐廳，呢度簡直係海洋嘅饗宴🤩可以自己親自去撈海鮮，好有趣✨呢度有個超大嘅海鮮區，各種海鮮應有盡有：翡翠螺、南蟹、鮑魚同大頭蝦除咗海鮮，仲有澳洲M5和牛，油花分布均勻，肉質鮮嫩，真係食到停唔到口🤤而且湯底仲可以選擇鴛鴦鍋，一邊享受香濃雞湯，一邊體驗麻辣嘅刺激，真係滿足我嘅味蕾🔥 估唔到自助區都係咁多選擇，有新鮮蔬菜、丸類、冷熱盤、啤酒、各式飲品同甜品等，多到食唔晒🫠

呢一間海鮮放題其實好出名，於是約咗朋友去嘗試。去到其實好多選擇，亦都好多台其他嘅客人。去到海鮮台，有好多唔同貝殼類，蝦，蟹同埋鮑魚。去到中段，諗住放啲蝦入湯鍋，已經慢慢放，奈何舖頭啲蝦真係太新鮮，放咗入鍋都跳起身，於是燙傷咗左手。於是即刻問職員有冇地方可以沖洗避免繼續燙傷，職員只係唔耐煩話冇，亦都冇提供其他方法或者唔見得職員有心想幫手。隔咗一陣，呢個職員就問咁你要唔要燙火膏，態度10分惡劣，我朋友即刻再問其他職員拎紙巾同濕紙巾，即刻攞濕紙巾印走手上面嘅熱湯，免得繼續燙傷。當個態度惡劣嘅職員拎支燙火膏上嚟嘅時候，我仲處理緊自己個傷口，職員顯得10分不耐煩，我就同職員講，我仲處理緊傷口，你你先放喺枱面。職員完全係冇心幫忙，覺得我全心搞事，對於九龍灣分店嘅體驗十分之惡劣。

朋友極力推介這間自助放題火鍋放題，她今個月已經第三次用餐了，那我就即管去試下啦！一出𨋢未入到門口就已經大排長龍， 心想那麼誇張。一入到去座低，首先叫花膠雞湯底，跟著就同朋友各自出去取食物，食物種類包羅萬有， 雖然海鮮種類不多，但都已經足夠了。 我最欣賞的一碟就是鐵板鵝肝多士， 鵝肝不但厚身，還肉汁鮮味，令我食過返尋味。還有各款打邊爐食品，如各類丸類、 蔬菜類。還有我最喜愛的甜品和雪糕十分多種類可供選擇。最後，我們吃得太飽當晚連晚飯都吃不下呢。

身為海鮮控，之前食過念念不忘千海水產主打即撈海鮮餐廳空間寬敞外面水缸內放滿海鮮，生猛程度十足想食咩自己撈，會有專人幫手洗埋當晚有花甲，鮑魚，大頭蝦，九節蝦，東風螺，基圍蝦，馬刀貝等等馬刀貝肉質飽滿，帶著微微的鮮甜味花蟹每隻蟹都超新鮮，肉質結實 超滿足！外面仲有超多款火鍋料必食澳洲M5和牛及美國牛肩胛片叫左鴨肝多士外層香脆，搭配酥脆的多士，入口即化牛舌，川味燒鮮蠔蠔肉肥美多汁，搭配蒜和辣椒皇牌燒乳鴿王每次黎都會食 夠哂熱辣辣海燕窩椰汁燉木瓜清甜又滋潤燒榴槤榴槤控最愛仲有大量飲品，清酒，梅酒，就連生啤都有甜品點少得有Haagen-Dazs 和Movenpick雪糕誠意十足，仲有多款雪條、雪糕同小甜品

又去左九龍灣返工，每次黎呢邊都一定會同屋企人黎食呢間海鮮火鍋放題!餐廳環境超大，一入門口就見到自助海鮮區，海鮮區有多款唔同嘅海鮮可以選擇，包括有花蟹、鮑魚、基圍蝦、九節蝦、大頭蝦、沙白，蜆、大蜆、東風螺等!每張枱上都會有個小筒俾客人裝海鮮，蟹同鮑魚揀完後可以俾職員幫忙清洗同剪開!花蟹都大隻而且有膏，超甜美味!九節蝦爽口鮮甜，鮑魚大隻美味!蜆同沙白都好夠味道!除左有海鮮區，自助區亦有多款火鍋配料可以選擇，包括有生蠔、花膠、海參、丸類、蔬菜類等，亦有小食可以選擇，例如中華沙律、螺肉、灼魚皮等。除此之外也有多款熟食、甜品、飲品可以揀選，飲品方面有清酒啤酒任飲添!餐廳亦有網上自助落單的食物可以選擇，包括有肉類、一品料理燒魚、燒生蠔、鵝肝多士、乳鴿等，食物種類非常多，而且很美味!湯底方面有多款可以選擇，今次我地就揀龍蝦頭湯底，湯底有香濃嘅龍蝦味，淥海鮮嘅時候更加鮮甜!