千味手工餃子 (已結業)

已經唔止一次，係呢間鋪外賣湯餃返屋企食，因為本人返工荃灣，屋企近屯門，所以當想食餃子時都會諗起佢….但一次又一次嘅失望！ 外賣4 款餃，得3 款，有一款重複，我打電話問嘅時候，佢第一句就答我：「係丫我比咗另一款貴兩蚊嘅餃比你丫！」 好似好威好應份，我要多謝返佢咁？ 但我攞外賣走個刻佢都仲同我confirmed 有韭菜餃？返到屋企有人冇得食！ 因為佢淨係想食韭菜餃，其他佢唔啱！ 而我打返去問嘅時候，佢叫我：「你拎返嚟同你一換一囉！」 👍🏻👍🏻👍🏻👍🏻👍🏻👍🏻👍🏻好嘢！👍🏻👍🏻👍🏻以上事件唔止一次，我半年前幫襯，又係咁，以為佢忙中有錯，算啦，比多次機會！ 今次又係咁！仲要好似好威威，比咗貴嘅嘢我！ 一句道歉都冇！態度其差！ 將你賣唔哂嘅就大條道理塞比人，我要嘅你冇都唔出聲？有冇攪錯？

最近留意到呢間平民小店，原來曾經接受過電視採訪😮平時路過見到啲姐姐密密包，原來佢哋呢到嘅餃子係日日新鮮製造，真係手工餃，感覺有一份難以言喻嘅人情味🥰佢哋餃皮係比較厚身，但唔會好難咬🥟芹菜豬肉餃豬肉超香，最鍾意呢間舖係佢哋嘅餃子冇溝肥豬肉，啲肉汁咬開係個口爆出嚟差啲辣親口🤣鮮蝦黑松露金菇餃嘅蝦就偏細隻，但食落去都幾爽口彈牙，而且黑松露味好出，咬開之後啲香氣飄過嚟超正🥰但不得不提嘅就係佢哋湯底係冇味精嘅魚膠淮山豬骨湯，飲落去唔會好油膩而且感覺幾滋補，冬天飲就啱晒喇❄️😛所以推介食湯餃多過煎餃🍲

我朝早非繁忙時段買外賣餃子，當時無堂食客，無外賣客，我買40蚊6隻，俾左5隻我，唔會係忙中有錯，打開外賣盒，全部餃子都發晒脹，成個外賣過程我大約等左15分鐘左右外賣先到我手，我大約8分鐘後就打開呢盒餃子，好差，我相信唔會係我因為8分鐘之後先打開外賣盒就搞到佢發脹，我呢個早餐10分不愉快，我唔會再幫襯!!!!!!!!!!!!!!!!!!!!!!!!!!!!!!

自作主張，他不會問你要煎定湯就自己決定，所以來到要小心，味道可以，但是湯餃就普通，我都好後悔今日黎左，可以的就加菜浦食，會野味很多，餃子太大粒，未必一口食得到，可以的話就做得細d。。。。。。。。。同店員太有自己想法，未完全了解客人想要咩，可以大大改進。。。。如果推介就可以試寸韓國泡菜豬肉餃，記得試煎架會好食d環境方面，就比較唔係太好坐，但始終係細店，可以理解，最後希望店家可以改進店家落單程序，以免令客人誤解

今日輪流黃、紅、黑雨暴雨警告，天氣實在惱人。晚上再訪千味餃子店，不知是天氣還是其他原因，客人稀疏。來一客黑板手寫推介餃子，8隻湯餃雙併。熱騰騰的餃子味道還可，湯的水準比第一次來差很多，餐單寫足料老火湯底 - 魚膠淮山煲豬骨，應該加了味精以補不足，吃罷口渴不己。 這店可以在名單中刪除。

好多款餃子，每款一叫就最少6隻，對於想試多幾款唔同款式餃子既我，真係唔知點好。見到有個傳統四拼，正合我要求，可以試哂4款最基本既餃子：韭菜豬肉餃、芹菜豬肉餃、白菜豬肉餃、椰菜雲耳豬肉餃，真是太好了，再跟埋個老火湯底 魚膠淮山煲豬骨。普通叫一款8隻餃子要44蚊，依家比多5蚊可以試4款，個人覺得未食過又好似我咁想試多幾款，呢個係首選。餃子隻隻都大大隻，味道唔錯，餃子唔太過濃味，加埋湯底一齊食係幾舒服，但個人覺得個湯底可以濃味啲。試完四拼，覺得韭菜豬肉餃正啲，叫多個淨係韭菜豬肉餃加湯麵。試左幾款餃子都拼湯，叫多個煎餃試下，順便試多款餃子，紫菜豬肉餃，可能呢度既餃子皮厚，煎出黎既效果，皮有啲靭，紫菜豬肉又唔夠濃味，夾埋唔夠香口，可能煎韭菜豬肉餃個味會好啲。總括，餃子跟湯ok，煎餃子就唔建議，不過，大大隻餃子，真心覺得好抵食，一碗6隻正常都飽。最後，大家要留意，呢度既菜圃，你要叫佢上先會有，唔叫係唔會自動比你，呢度既菜圃有啲辣唔太咸，我就覺得係必食。

Lunch time想食車仔面發現執左，時間關係去咗呢間野叫左韮菜鮮蝦餃，一直食以為食緊淨菜餃，食極都無蝦味，無咬口既？一睇，真係有排搵呀！佢啲細過蝦米既蝦唔係隻隻有，有啲有，都細過切碎既菜，咁樣性價比真係好低，真係唔好試。其實佢可以加錢有個面底既，但如果係咁就唔好叫8隻喇，叫番6隻。但都係唔抵食咖喇，因為唔好食呀嘛，成間野又以唔好味既餃子餃主打⋯碗湯既味反正正常啲，不過都唔好期待，咁樣番去買灣仔碼頭你仲會無咁嬲。

今日行過呢間餃子鋪，見佢啲餃子同同區名店「餃子屋」啲餃子都相類似，又見佢唔使排咁耐隊就有得入，所以就一於嚟試試。麻辣手撕雞 $40基本上全餐飯最好食就係呢個手撕雞!!!手撕雞份量大份，兼且仲有木耳墊底，一齊食可以中和一下，唔會啖啖都係肉。小食上完之後大約20分鐘兩款餃子先到🤨煎泡菜豬肉餃（8隻 ）$52泡菜味欠奉，欠缺肉汁，兼且味道一般。韭菜豬肉湯餃（6隻）$36韭菜份量不足，而主打湯底魚膠淮山豬骨湯味道清淡，整體味道麻麻。呢間鋪頭睇落係抄同區「餃子屋」嘅出品，比到盡只有3分。（10分滿分）

繼過去的餃子屋，呢間野都冇得輸，雖然冇餃子屋的餃子咁大隻，但味道方面反而呢間比較好，味道唔會太咸，款色多少少，豆漿又好抵飲只售$8。一般人認知的韭菜餃都係兩樣都有鮮蝦同豬肉，但呢間係兩款黎的，而我上次就艾左個鮮蝦韭菜，味道都唔差，下次去可以試埋其他款式。雖然間鋪係細左d，但如果多人都值得等下嘅。

水餃真心真係好好食琴日同事介紹今晚諗住買生餸返去同老公撐枱腳其實琴日下午已有不愉快經歷！紅色頭髮帶眼鏡阿姐！遊魂琴日共叫4碗水餃麵我同同事已避免混亂及錯單情況，每人叫2碗同一時間分別兩位店員落單等阿等同事叫果2碗已可取我就開始奇怪點解我落果2碗失蹤左？都冇為意始終午飯時間，多單係正常，眼見遲過我落單既都離開了心知不妙問紅髮阿姐（因為佢落單）外賣得未，佢問我嗌咩，講完後，原來等緊既外賣一直係枱都算 ，唔好意思都冇句仲要係度笑今晚買生餃返去同老公食心諗實冇死喇唔駛煮應該唔駛等咁耐點知又係紅髮阿姐落單咁我去既時間係1915-1920左右嗌完乖乖係門口等點知又發生同類事件又係見啲人已經係咁走，但仲未到我等左15-20分鐘再問佢，佢問返我落咩單湯餃要等！我已經扯哂火一次係咁！兩次亦係咁再好食其實都冇用麻煩貴公司好好檢討下人手培訓問題

在荃灣做完義工，想找能填飽肚子餐廳，不想吃西式煎炸的，也不想吃港式茶餐，台式的好像又太常吃了，苦苦走完好幾條街找不到合胃口的，走近商場竟然發現了一家手工餃子麵店，看對眼了。點了一份芝士海鮮煎餃和紫菜豬肉湯餃，餃子又大又足料，皮不算厚、剛剛好，兩款都有粟米係入面，甜甜的很好味，特別是芝士那款；湯底一人要了款重慶辣湯和豬骨湯，辣湯還不算太辣，魚膠淮山豬骨湯有很重的蘿蔔和甜味，不過喝不出聲稱的“魚膠”味，兩款湯對我來說都有點太甜。餃子最少要叫6隻，如果連面食會很飽，而且餃子的口味不能混搭，略為有點美中不足。但係值得take two，搵機會再食。😇👍🏻湯底沒有餃子屋的好飲，但兩款餃子好食d。純個人喜好。

之前都有留意呢間舖頭，一直都未試過，就入去試吓..原來每種餃子+$8就可以加米線或者上海麵，我建議可以加返落個菜單度而唔係下下都要人客去問再望遠啲見到有另一張紙寫住有西洋菜餃子$5X/8隻，好耐冇試過，就試吓啦，初初都驚啲西洋菜會洗得唔乾淨，但係到左時候食落去又OK，個湯底都幾清甜，有玉米🌽可以揀湯餃子或者煎餃子，一個人食八隻都好夠了，最後$60埋單有將佢同附近嗰間「餃子屋」對比，我覺得「餃子屋」好似好食啲，我覺得餃子屋個湯冇咁多味精（好似），因為到咗傍晚的時候可能啲湯太多味精，成日感到口渴但係佢哋啲餃子都真係唔差，好大隻又算足料，下次會再去食

今天是週六突如其來做完一些事務，差不多食飯時間，購物完一些小東西然後看到了一間手工餃子店，在香港是一個南方城市，普遍南方的城市也沒有北方那麼想吃餃子做正餐，而我其實非常之喜歡吃雲吞餃子等等的食物為我的主餐，我曾經懷疑自己是不是也來自北方，這一點是說笑的，這家的餃子非常之大，他一個例牌有分六粒八粒其實起初看到餐牌時還覺得六粒不夠吃，所以我還點了一個前菜就是那個皮蛋但是他的皮蛋非常之鹹，沒我想像中的那麼好吃所以如果你們去這家最好不要吃他的皮蛋，至於餃子方便進入正題，餃子非常之大只，我點了六粒餐，吃到第五粒已經很飽，可能我還有一個皮蛋的前菜吧，但是我覺得他的餃子皮比較厚，但是餃子的內涵豐富，也不失為一個充飢的餃子店，路過肚餓又不想吃太多澱粉質，可以選擇吃一碗熱辣辣的湯餃子🥟。還可以選擇煎餃視乎你個人喜好。

不嬲都幾鍾意食餃子，呢間餃子舖係朋友介紹，當然要試吓啦。今次同朋友一齊嚟食，我叫六隻餃子就夠啦，因為呢度啲餃子全部都勁大隻。再加一個小食share，本身好想試手撕雞，但係點知賣晒！最後叫咗豬耳，可以選唔同辣度。我就覺得好一般，叫咗小辣，但係個汁同豬耳唔係太夾，唔係太推介。餃子方面叫咗芝士海鮮同埋黑松露海鮮真係超級大隻，每款有三隻女仔食一定夠飽，分分鐘食唔晒添入面有芝士，粟米同埋蝦粒都真係幾好食，同埋好香呢款入面就有黑松露，金菇同埋有啲蝦粒頭一隻食都覺得好香好好食再食多隻就覺得好鹹朋友俾咗隻韭菜餃我食，超級多韭菜，係勁多勁多勁多，鍾意食韭菜嘅話一定會超開心，不過對我來講就鹹咗啲。個湯底都幾好飲㗎，好有住家湯嘅味道。返到屋企覺得勁口渴，不過我覺得似係啲餃子嘅餡料有味精或者調味料入面有，唔似係個湯底有味精，下次都會再試埋其他餃子

千色匯這間餃子店，與無時無刻都有人等位，位於荃昌商場的餃子屋的經營模式、餃子大小、湯底都很類似。我個人比較喜歡這家，沒有太多人，環境及座位較舒適。胃口不大的女性，單點6隻餃子已足夠。今次選了雙併 - 韭菜鮮蝦 + 龍鳳松茸菇豬肉。熱氣騰騰的湯餃端來，要稍等才能享用。吃了一隻才記起我的手機未食耶 😀韭菜獨特的味道加上鮮蝦清爽鮮味，餃內有汁不會乾巴巴，是不錯的配搭。松茸菇豬肉料用醬油調味，味濃。我覺得兩種餃都稍鹹，尤幸吃後未感到口乾。標榜無味精老火湯內有一小片粟米、兩片紅蘿蔔，他們給的分量很豪爽，大大一碗，給我喝到差不多見底。這一餐$42，價格合理又好味，接著還可以來個甜品。