千之壽

营业中

休息中

是晚求其揀，黎左呢度食晚餐，呢度平時下午好爆學生架。兩個人叫左一份五色手卷、鰻魚反卷同炸軟殼蟹。先講炸軟殼蟹，大家可以唔使試，厚厚的粉漿，雖然係熱辣辣，但係冧嘅，完。五色手卷如相有鰻魚、黃金魷魚、蟹子、帶子同三文魚。刺身算係中等質素，唔太鮮甜，但份量十分足夠，好大個，如果一個人食，一定好飽。抵食嘅。反而係個鰻魚反卷，竟然係最好食，大量嘅蟹子好好味，仲要每啖都有燒鰻魚味，唔會好似一般反卷咁飯還飯，魚還魚，散開哂。好味！總結，呢個價錢，雖然唔係頂級好味，但算係好抵食。用餐日期:26/2/2019是餐費用:$168味道:7.5/10環境:8/10性價比:9/10

今日去吃下午茶，樓面個两個女人態度好趕客，問咩都吾答，黑口黑面，好似殺左佢全家甘。重以為佢啞或者吾識聽廣東話! 例如我好有礼貌問佢檯面個張印有點餐的纸是餐牌嗎，佢吾應我 ，但就随手椗(係!真係大力掟）另一張點餐纸落我張枱，無出过一粒声，塊面好黑。我來食野，吾係比錢買難受，又無殺你全家，做咩比尼D面色我睇?其中一個落單既楼面女人，不断在掃地，隻手又掂过垃圾產同掃巴，之後無洗过手就直接拿食物给我!好吾衛生!D野食好差! D魚全部可以係無魚味!好大陣雪水味! 好吾新鮮! D蟹子重有一陣陣膠粒味! 個烏冬麵好難食! 不是豬骨湯底!根本是公仔面落的味精粉! D豬軟骨好难食!好多渣!真係差! 好吾衞生兼且服務係零! 趕客至上! 一坐低就話要折單。好差!不知所謂! 永远不會再帮襯!

今日同朋友去咗呢度食壽司食左一肚氣！好鬼嬲！我打左咁多篇食評好少可咁樣！呢個第一次咁就比左佢！呢間都唔知係咩公司，兩個女人樓面都係好乞人憎，我哋剛坐低就催我哋落單，啲態度仲要係差差的，好似好唔順氣咁，問佢餐單上嘅野又悔氣到死，我心諗點解我黎食野都要受你氣，真心嬲， 以前都唔係咁，所以先帶啲朋友黎食，點知搞到連同行朋友都覺得呢間野有啲問題，我真係好失望同覺得介紹錯比啲朋友🙄！ 落完單仲要我哋由張原本佢安排我地坐嘅六人枱轉過去張四人枱，但其實果時唔係食飯時間，成間舖頭無咩人而且仲有大台，唔知點解佢要咁做，any肥，佢態度好的話我地會好樂意配合，但對住呢兩個樓面，真係😒； 以事論事，啲野食味道就中規中矩，不過不失，對得住價錢但賣相一啲都唔吸引，亦都唔算好新鮮，味道不至於好味，同舊舖差好多，配上咁嘅服務態度啲野食好味到識飛，抵食到喊都無好用！咩童年回憶都無晒了！如果再唔改善下，一定步 “田X” 後塵，要知道食客唔係傻，亦唔係無選擇的！相都無心情幫佢影多張！無經後製，說得上吸引嗎？大家可以親身試下，總括如果大家想貼錢買難受就嚟呢間千之壽食壽司啦，我唔會再幫襯！亦唔會再介紹朋友黎食，係咁多！

呢間嘢食過好多次，其中一個原因就係唔洗等位，喺元朗就算係d連鎖店都要排最少半個鐘，呢到因爲比較偏僻少少，遠離大馬路，相對少d人過嚟。每次嚟呢到一定會叫一個蟹籽沙律，青瓜、蟹柳同蟹籽每樣嘢都好多，沙律醬分開上，大家想落幾多就落幾多，我多數落一半或者八成。個沙律裝到好滿，小心撈到周圍都係。另外重叫咗幾嚿壽司同一個手卷，火炙三文魚亦都係一個推介，三文魚好厚身，可以一試。重有一個三文魚頭煲，本身諗住得一兩嚿三文魚頭喺入面，點知越食越多，應該有4-5嚿，幾抵食😋

同吃貨小子去食大大份日本野做午餐～帶左佢去以前中學成日食既一間日本餐廳。我都叫左份午餐set，同埋少少壽司！叫左個咖哩吉列豬扒飯lunch set，有野飲，可以選擇汽水或味噌湯。吃貨小子話如果咖哩汁另上既話，豬扒的表面仍然會脆脆的。而且飯的量都很多，還有一些小配料，粟米和薯角。套餐可以免費配兩件壽司，不過我們加十元配刺身。刺身很新鮮，不會覺得已經雪藏好耐。另外點了赤蝦、三文魚腩、腐皮、赤貝、辣味螺肉和蟹子壽司。十分推薦吉列蝦反卷！內脆外軟既口感真係值一百分！！而且價錢不貴，但分量很多！

豬扒好硬，難咬，即炸，所以要等待十幾分鐘，炸粉太厚，豬扒非常簿，粉厚過豬扒。蛋炒得老左。飯量好足夠。辣螺肉，夠味，份量適量。建議食該店另外的食品，拉麵好食，份量適中。

相約了朋友在元朗食飯，便入了千之壽！我們叫了蟹子三文魚炒飯，三文魚頭湯，辣味螺肉壽司，蟹子手卷，三文魚刺身！壽司方面，賣相一點都不Ok.材料份量比其他元朗壽司店少。而三文魚湯比較鹹，但三文魚既材料豐富！值得一讚！刺身屬於厚切，十分抵食，脂肪分布也很平均！

今日放工突然好想食日本嘢 係元朗行下行下 就入咗去啦 見佢平時都算坐無虛席應該都唔會伏掛首先出場既係壽司盛 size偏大味道就中規中矩啦 值得一讚嘅係壽司飯唔算好大粒可以過口癮 未至於會返check之後上場既係牛肉豆腐鍋同明太子雞翼 因為太肚餓唔記得咗影相 味道可以接受啦牛肉豆腐鍋略嫌有少少油膩最有驚喜係雞泡魚乾 其實我好怕雞泡魚乾燒到柴皮咁 咬到牙教軟都未咬得爛但係呢個雞泡魚乾燒到煙煙韌韌非常之好食令人忍唔住想嗌杯啤酒送一送佢總括而言呢間餐廳嘅壽司只算3粒星貨仔 熱食為佢地加分唔少 為咗雞泡魚乾我甚至會返check

食過呢間「千心壽」好多次晚餐，但午市都係第一次黎，午餐時段有套餐餐牌，所以抵食好多！三文魚又厚又長，用隻手指可以推算到度，但可惜無乜三文魚味，而且火炙燒得唔夠，口感麻麻。。。而另一個套餐選了加$10的刺身，係好大份，比起晚餐都好抵。但一樣刺身無鮮甜味。稻庭烏冬，滑溜溜👍湯底清甜，牛仔肉軟滑入味，份量十足。鰻魚炒飯，原條鰻魚放面，而不是切粒炒飯。個人覺得個炒飯偏甜，加上鰻魚汁本身都偏甜，所以食落有d漏！

入黎元朗食b仔，聽聞呢間壽司又平又好食，就順便黎試下~我地黎到見呢間鋪裝修好簡單，但入面又幾多人，諗住都唔會太差，點知一試就中伏😓魚生刺身餐磯煮鮑魚: 有d甜味，有彈性，口感可以希靈魚: 冇咩甜味，有d腥，一般貝柱: 細細粒，雪水味較重，淡而無味八爪魚: 食落冇太大感覺，唔好又唔係好差咁帶子: 厚身，感覺新鮮d，但冇咩甜味甘蝦: 可以，普通放題質素油甘魚: 有雪水味，腥北寄貝: 有d甜味，唔算好新鮮厚切三文魚: 好厚！大份！但冇色澤，咬落去嘅感覺好核突，食唔落😢唔新鮮，雪水味太重，衰過普通放題嘅三文魚諗住試下冇厚切嘅三文魚，睇下會唔會好d，起個尾咬咗少少，依然係好唔掂😑大赤蝦: 睇落不太新鮮，食落勉強可以出水的~蟹籽沙律:的確好多蟹籽，但沙律醬味道怪怪的食魚生黎講，價錢係幾平，但係都希望可以有翻少少質素，我地只係試咗魚生，熟食就冇試，可能熟食會好d，大家可以去試下嘅，但我不會再去了~

是咁的~~好耐冇食千之壽喇~~今次一於又同女朋友仔包一齊黎食啦千之壽一直都好抵食 我個人對佢嘅評分都好高 羨慕女朋友仔住喺佢附近可以成日想食就食呢個蟹籽沙律真係抵食到傻 三十幾蚊大碗到痴線 而且都係整叫整即 唔會係一早整定 因為見到d青瓜絲係好乾身冇出水 而且大家見到d蟹籽多到瀉都知有幾抵 我最鐘意佢沙律醬分開上 可以就番個人口味自己調配鐘意濃d定淡d黎到呢到點可以唔叫壽司 咁就叫左赤蝦 黃金魷魚 腐皮 帶子 立魚同油甘魚 赤蝦大大隻食落落甘香鮮甜 又爽口彈牙 真係好正黃金魷魚都唔係一般貨色 魷魚好肥美鮮甜 唔係出面有d地方嘅黃金魷魚咁冇咩味 腐皮壽司連埋沙律食仲可以自制腐皮船tim ar帶子又係一d都唔馬虎 好大塊好厚身 有d店嘅珍寶帶子先等於呢到嘅正常帶子 而且口感彈牙 鮮甜 絕對係又新鮮又肥美呀立魚壽司係我嘅至愛 肉質獨特充滿咬口 而且有淡淡嘅魚香 唔會太油 係屬於清甜嘅魚味而且大大塊好抵食 上次食果陣食到有筋但今次冇呀油甘魚唔洗講呢 一定要留最後食 因為佢個味係最濃最香 太早食會蓋過其他壽司嘅味 同樣係大大件 相當新鮮抵食點都要食下三文魚嘅三文魚腩手卷一卷先18蚊 真係平到笑出

千之壽, 是在十年多前廉價日本料理店爆發潮時, 於元朗極受歡迎的日本餐廳。當時總愛在此跟家人享用晚飯, 跟同學朋友慶祝生日。因為又便宜份量又多又好味, 所以當年每次來都要排隊等入座的!舊鋪於朗庭居, 現在已遷到怡豐花園。剛巧經過新店, 而且已多年未食過, 所以決定晚餐在此解決, 但後悔了...首先價錢方面, 年輕時還在上學時, 都覺得不貴的餐廳, 反而到我工作後, 看到價格覺得貴。其次環境方面, 裝潢像茶餐廳般, 又舊又不夠日式而服務方面, 員工們大聲喧嘩都算了! 小妹只是想環保點, 因之前的餐紙只填了兩個菜, 所以TICK了之前的, 再用該餐紙填上新的菜。誰知惹來侍應不禮貌地說: 「這裡不用環保, 下次填新紙就可以了, 免得混亂」此時我呆了, 如果是很多人很忙, 要你逐款對, 你覺得麻煩, 我都可以理解。但當時只有數枱客, 樓面們都無聊得大聲聊天, 難道這麼小的事都引起不滿嗎?最後食物方面, 確實份量不少, 能保持它的特色。但食物質素都差了。 當中最記得牛仔骨手打烏冬。烏冬沒特別, 牛仔骨看起來頗漂亮的, 但...口感超鬆, 大量的鬆肉粉, 另外極多根和脂肪, 最後只食到半塊牛仔骨結

約了友人食飯，我提議要食壽司刺生，朋友就提議她家附近的千之壽。燒鯖魚~比想像中厚身及肥美，魚皮燒得香脆，魚肉多汁。蟹籽沙律~蟹籽份量爆多，底下有蟹柳絲最低係新鮮的青瓜絲，我很喜歡沙律醬分開上，可以隨個人口咪增加或減少沙律醬。油甘魚壽司,魚背壽司~油甘魚厚切，新鮮，可惜有根。魚背壽司落得太多鹽，偏咸。海膽（全板）~有驚喜，細細塊，但清甜新鮮!燒茄子~起皮拆肉，仍能食的出燒過的味道，不過我比較喜歡連皮吃。帶子，赤蝦， 墨魚刺生。帶子超大粒，切半仍然很厚肉。十分鮮甜。赤蝦，新鮮，大隻，爽甜。墨魚刺生，新鮮，爽脆。

真係一個字可以形容晒～～ 平！一入這餐廳的感覺是～～茶餐廳！沒有華麗的裝修，簡單的設計，一點都不像日本菜的餐廳。正是如此，餐廳食物價錢也是茶餐廳價！在這吃頓飯，一定比「翠X」，「x興」平！鮑魚四色刺身飯$85三文魚是厚切的😋 磯煮鮑魚用了鰻魚醬來煮，好味！但略甜了點，口感不錯，爽爽的！大赤蝦，真的很大，味道還可，但顏色感覺不太新鮮。象拔蚌有點鯹😅仲有湯送嫁！三文魚金菇湯，好香三文魚味！我喜歡❤️❤️牛肉豆腐煲$49賣相好住家feel, 不過味道很好，豆腐超滑！可以加多隻蛋就仲正！海膽四色刺身盛 $112價錢無得輸！$112成板海膽，仲有厚切三文魚！正

 話說係元朗 “手掌咁大塊魚生既壽司”，當年係大約 2001, 2002年左右，我係元朗遇到的，可能我已經遲左唔夠潮了，當年係教育路（而家酒泉個位咁上下）就係田中，當年已經係人龍店，但我頗不喜歡“限時45分鐘”呢個規矩，我通常食半個鐘內就會閃人，因為太迫太嘈本身都不宜久留，但偏偏加個金剛箍係上面，食野就倍添壓力，享受食物唔應該係壓力完食，所以即使我30至40分鐘食完走人，我都唔想幫襯。 過一排，遇到呢間“千之壽”，佢當時係開係 "J大大" 隔幾間舖的（好似係而家壽司之神個位），一直持續捧場的。後來又開左間係御庭居，跌watt跌得好緊要，就暫停左一排。再之後而家呢個位開返，先至持續食返。其實當你發現去“元氣壽司”，隨隨便便亂叫都百五六蚊一個人頭，都唔知食左乜，就不如來呢度，百一二蚊已經大滿足咁埋單，同價錢級數比較，個人覺得呢間都唔錯呀，又唔係餐餐食，我收貨了。