千之味刺身壽司專門店

营业中

休息中

💁‍♀️💁‍♂️ 9/5/2023(Tue), Dinner🍽之前都有幫襯開呢間餐廳既舊舖，食物方面味道好之餘又唔太貴。💁‍♀️為食妙妙同💁‍♂️A先生知道佢地搬咗去翠怡花園呢邊既新舖之後，今晚就去到食晚飯，試試新舖呢邊水準係咪都保持到先。到達既時候門外都有兩三組食客等緊位，好在我地都唔使等好耐就有位，舖內座位唔係太多，裝飾簡潔，入門口位置用上櫻花🌸做裝飾，入座前可先感受到和風既氣氛。而今晚我地order咗：🔆 迷你三文魚粒粒海膽丼($138)跟餐有一小碟刺身，有三文魚2件、北寄貝2件、甜蝦1隻同帶子1件，仲拼埋火炙壽司🍣5件及麵豉湯，岩晒啲胃口唔係咁大，但又咩都想食少少既人士。迷你丼上面鋪滿橙色既三文魚刺身柆粒，同埋一大片金黃色既海膽。三文魚入口新鮮甜美，唔會話係因為丼飯既粒粒就俾啲頭頭尾尾無咁靚既位置切粒俾你。海膽食落甘甜無腥味，食完口腔仲有陣海膽既鮮味久久不散。至於跟餐既刺身都一樣新鮮好食，三文魚都同丼飯既一樣鮮甜；北寄貝同甜蝦🦐都爽口彈牙；帶子大件得嚟食落都好爽滑。火炙🔥壽司🍣分別有三文魚腩、三文魚、鰻魚、左口魚裙邊同埋熟蝦壽司🍣。左口魚裙邊係A先生喜愛既壽司之一，火炙🔥過之後魚油更甘

好耐無食千之味壽司，有啲掛住所以係時候要幫襯下，點知去到先知原來搬左鋪，好彩搬得唔太遠，行多幾分鐘就到。😝千之味新店比舊舖細啲，可能通常顧客都係外賣多少堂食，所以索性租間細啲嘅鋪，不過都有堂食嘅座位。咁耐無幫襯估唔到價錢都無嘜點加價 🍣 今次叫咗墨魚、赤貝、帶子、北寄貝、左口魚、劍魚腩、油甘魚、特大赤蝦、芥辣八爪魚。😋壽司依舊咁高質，魚生超級大片，而且每款都勁新鮮，真係好難唔愛上千之味壽司。🥰

住大埔嘅我經常都會係大埔中心附近買壽司🍣外賣，有朋友介紹呢間壽司店抵食，所以我都試下先。原來呢間除咗壽司🍣，仲有刺身丼、冷麵、飯定食🍱。今次叫咗三個餐+三個小食，送飲品。壽司冷麵餐 $68（三文魚、白身魚、北寄貝、蟹籽、芥辣八爪魚）壽司餐（10件）🍣$93（三文魚2件、油甘魚、白身魚、赤蝦、吞拿魚、蟹籽、熟蝦、玉子、鰻魚） 燒鯖魚飯定食🍱 $63 （即叫即做，熱辣辣）👍🏻👍🏻另外+$20 可以追加（ 吉列炸蠔、吉列炸蝦🍤 、花之卷 …..）炸物都是即叫即做👍🏻👍🏻

我和朋友去餐廳點了二人套餐，結果我們被驚豔到了！這個套餐的份量非常大，讓我們兩個人都吃得飽飽的。套餐裡包括了沙律、刺身、壽司、炸魷魚、炒飯等多種菜色，每一樣都很美味。沙律新鮮爽口，刺身和壽司的食材也非常新鮮，質量優秀。炸魷魚的外皮炸得很酥脆，裡面的魷魚也非常嫩，味道很好。最後的炒飯非常香，飯粒有嚼勁，讓我吃得非常過癮。套餐的份量超出了我們的預期，光是刺身和壽司就已經很豐盛了，再加上其他的菜色，真的讓我們感到非常滿足。而且價格也非常合理，性價比很高。

放工搭火車就揀咗喺太和站，附近御品 千之味 我每個月都會食吓，搬咗去翠怡之後就第一次食。去到已經滿座，轉plan B買外賣返屋企慢慢嘆！佢地壽司🍣刺身一向都唔錯，外賣拎返屋企食都新鮮熱辣好方便。魚生飯餐（套餐）迷你三文魚粒粒海膽丼三文魚超級肥美，口感豐厚，海膽飽滿，海膽份量十足，非常鮮甜。丼飯製作精美，價錢實惠，食到優質刺身，超級豐富。火灸壽司5件拼壽司全部都入口鮮甜嫩滑，充滿鮮味。刺身賣相色澤光鮮，北寄貝爽口，元貝油香充滿口腔，甜蝦鮮嫩無腥味，肉質柔軟又富有彈性，味道十分清爽。食壽司飲可樂，超爽皮！沙律＆螺肉沙律好新鮮，螺肉爽口彈牙。照燒雞扒飯定食照燒雞扒夠厚身，帶有燒汁甜美味，值得一試！燒汁牛肉飯定食燒汁牛肉唔錯，新鮮都好大份，軟綿易入口，牛肉非常多汁入味，好有油香，超正。總括千之味有一定吸引力🧲 高質用心製作， $300 免費送外賣，非常方便。

蟹子軍艦🍣🍣，坊間好多壽司店如果蟹子一唔新鮮就會食到成口腥味，但呢到就唔會有呢個問題。蟹子食落粒粒分明，帶有爽脆嘅口感😋😋。藍鱔吞拿魚赤身🐟，肉質爽脆而且結實，脂肪豐富分佈適中，入口即溶👄，鮮甜味比較濃郁👅。五品刺身三文魚🐟🐟，味道比較清淡，入口鬆軟。甜蝦🦐🦐，蝦肉食落極具彈性。而且帶點黏糯。油甘魚🐟🐟，刺身帶有淡淡嘅甘甜，每一啖都充斥魚油嘅香味，口感清爽獨特。帶子，帶子食落味道鮮甜而且清新可口。肉厚多汁，軟綿鮮甜。墨魚🦑，肉質嫩中帶脆。味道清淡，帶有一種獨特的鮮味，而且咬勁十足。

千之味刺身壽司專門店作為千仔長期忠實粉絲嘅小編🍣。無食兩個星期千之味又心癢癢。今日又去幫襯下先😋😋青瓜小卷🥒造型精緻小巧，一啖一個嘅美味，食落帶點清爽口感。三文魚腩壽司🍣 油脂豐富，啖啖香甜，既鮮甜且甜美🤭甜蝦壽司🍣 蝦肉🦐肉質結實，而且彈性十足，食落有口感帶點粘，清甜美味。海膽軍艦🍣，海膽色澤呈現橙黃🟠，賣相已經令人食指大動。海膽味道濃郁，口感嫩滑。三文魚籽軍艦🍣，魚籽食落帶有一絲甜味，口感爽脆，係口腔入面感受到魚籽粒粒分明🤭。三色花之戀，食落味道豐富。兩塊三文魚🐟包着醋飯，再於上面放蛋黃醬，最後加上一匙更魚籽/蟹子/海膽。令人忍唔住大叫：好好味呀！

千之味搬咗新舖～新店位置係太和個邊📍位置雖然距離我屋企遠咗～都要去支持支持🫶🏻可以預先打電話去叫咗外賣先，再預返時間去自取，好方便😙✪ 燒汁牛肉手打烏冬 ⌫💲78外賣會分開湯同烏冬。份量都好多，好豐富。烏冬係扁身彈牙個種。配菜有大量嘅木耳絲同粟米粒，增加口感。燒汁牛肉好入味，連洋蔥都係軟腍入味。✪ 照燒雞扒飯定食 ⌫💲73雞扒肉質好嫩滑。照燒汁好香甜，拌飯食岩岩好。定食包埋前菜螺肉同沙律，份量好足。✪ 親子丼 ⌫💲78三文魚同三文魚籽都充滿油光，好吸引。三文魚新鮮肥美，口感濕潤。三文魚籽鹹香。.【千之味刺身壽司專門店】📌大埔翠怡路3號翠怡花園C座地下15A號舖

放工外賣之選👍🏻之前開襯party都會叫千之味🤪今次就選擇叫套餐番屋企慢慢食，又唔使煮飯😙叫左3個套餐加多個小食套餐跟可樂/烏龍茶❤️❤️火炙壽司冷麵餐個冷麵醬汁係芝麻醬，同冷麵好夾😍好濃郁之餘完全唔會覺得膩👍🏻❤️火炙壽司套餐火炙壽司番到屋企雖然已經凍左，但仍然保持到入口即溶嘅口感😋其他壽司都好新鮮好足料🤟🏻❤️日式豬軟骨定食配沙律同螺肉小食，豬軟骨好軟熟好入味👍🏻份量都好多❤️小食辣味雞翼辣辣地好好味🤤外脆內軟👍🏻

之前係九龍灣分店食過一次感覺唔錯，原來大埔都有分店。晚上諗住堂食但已經滿座🤷🏻‍♀️，唯有外賣🤭晚餐已變成宵夜～🥢特大赤蝦$34-超級肥美，口感非常爽口🥢帶子壽司$37-肉質豐厚、鮮甜🥢海膽軍艦$48-海膽飽滿🥢三色花之戀$75-精美製作一個價錢食到三種口味優質魚子蟹籽粒粒巧鹹香🤩🥢壽司餐$103共10件，仲有埋🧃飲品🍣三文魚壽司2件、油甘魚壽司、白身魚壽司、赤蝦壽司、吞拿魚壽司、蟹籽壽司、熱蝦壽司、玉子壽司及鰻魚壽司，超級豐富。🤏🏻手握壽司全部都🤩色澤光鮮，入口鮮甜嫩滑🤤，油甘魚同埋白身魚爽口，🤤咀嚼油香充滿口腔，一啲都無魚腥味👍🏻整體高質完美，呢個價錢相當抵食，用心製作，外賣貼心仲有冰袋跟埋就唔怕變壞啦！😍

數數手指，最近因為工作忙碌嘅關係，好耐都無食過千之味🍱🍣🍙。大埔分店原來仲搬左去新位添。適逢最近又要一個人開餐。今日就試下新店水平如何先🤪新店位置位於翠怡花園。雖然搬左去一個唔算太多人流嘅地方。但買外賣時都見餐廳入面有好多食客。可見千之味具有一定嘅吸引力。而對於我嚟講。佢就代表住大件夾抵食。今次主打叫左刺身同卷物。分別點左三文鱼刺身，劍魚腩刺身，五品刺身，三文魚海膽卷同鰻鱼忌廉芝士卷。而當中嘅五品刺身包含左三文魚🐟、甜蝦🦐、油甘魚、帶子同墨魚🦑刺身肉質柔軟又富有彈性，味道也十分清爽。至於卷物方面🍙三文魚海膽卷充滿鮮味，海膽份量亦都十足而且帶有鮮甜味。鰻鱼忌廉芝士卷，鰻魚夠厚身，帶有芝士味之餘亦唔會搶過鰻魚本身嘅味道。值得一試。

📍 御品•千之味 （大埔）翠怡間千之味開左啦🤭 今次外賣翻去同屋企人慢慢食😆呢到啲壽司真係好多選擇 本身想散叫啲壽司 選擇困難症最尾都係簡左餐😂-三色吞拿魚蓉丼吞拿魚蓉、帶子2件、甜蝦2件吞拿魚茸好新鮮、帶子爽口彈牙 唔錯🤍-五色丼三文魚、油甘魚、吞拿魚各2件、赤蝦、三文魚籽刺身鮮甜新鮮～蝦都好大隻～-火灸壽司餐北寄貝、八爪魚、龍蝦沙律、玉子、吞拿魚沙律、火炙三文魚腩、火炙左口魚邊、火炙三文魚、火炙鰻魚、火炙熟蝦可以一次過試曬唔同款既壽司🤩最愛火灸左口魚邊 入口即溶 好有油香 超正🤤跟餐包埋可樂/烏龍茶～

作為千之味死忠嘅我。一個月食一次係基本。之前行過見到寫住大埔分店會搬遷。一度擔心佢地係咪會撤出大埔區🥲值原來不但搬返大埔區之餘。仲近左我屋企🤣新店位於翠怡花園。雖然新店無舊店咁當眼👀但又多左一份寧靜。今日點左天日式豬軟骨飯定食🍱，花之卷🍙，鰻鱼忌廉芝士卷🍣，三文魚海膽卷同埋少量刺身🐟🐠。日式豬軟骨飯定食，豬軟骨數量唔少，軟骨被炆至軟綿容易入口，咀嚼一點亦都不費力。完全吸收糖醋嘅味道。非常入味。其他卷物同刺身食落夠晒新鮮。醋飯同魚生嘅比例亦都合理。另外值得一提嘅係。佢地嘅山葵換左新包裝，係佢地嘅自家公仔，幾得意。

千之味一直都有好多分店，而大埔嘅分店剛開，已經人頭湧湧，果然號召力驚人👍🏻依然都係走親民價格，套餐嘅款式非常多選擇，只要$300就可以外送，非常方便！由於係新裝修嘅關係，所有飾品都係新置，明顯睇得出店主對佈置嘅一返心思💕廚房方面都係半開放式，乾淨衛生！非常欣賞係佢嘅外賣包裝，每一次都企企理理，食具同醬汁都一應俱全👍🏻迷你吞拿魚蓉丼配壽司拼盤～呢個份量非常豐富，完全可以滿足到鍾意食魚生嘅顧客，非常多種類，可以享受唔同嘅鮮味😆燒汁牛肉飯定食配炸餃子（+$20）～牛肉非常多汁，拌飯一流！份量亦都頗多，絕對對得起個價錢😊炸餃子～餡料分量十足，外皮亦炸到脆卜卜，好味道☺️芝麻雞翼～香脆嘅外皮，帶有芝麻香，內裏雞肉多汁嫰滑😋蟹籽沙律配沙律醬～青瓜絲每條嘅粗度均勻，配上多重口感嘅蟹籽同蟹柳絲，簡直絕配😁