千の味刺身壽司專門店

千之味店之前已有在深水埗店已食过，大埔店是第一次食，因为佢有我最喜爱既蓝鳍吞拿鱼呀。真系好彩，打一打电话问下，原来佢开夜晚6-10:00，只开4个钟咋仲要星期日休息添，很少店会开得咁少钟，不过同朋友都夹到时间黎食，揾左一阵路都揾到，但入去之前有少少却步，见间舖原来好细，得几个吧枱坐位，都一场黎到就入去试试，唔使问我一定要试下呢个蓝鳍吞拿鱼丼啦，我朋友试最平既北海丼，等左一阵好快就上菜啦！卖相超吸引，我唔客气啦！杰他他叽妈哇！？中拖罗食落去超肥美，d鱼油香味系我个口不断徘徊，好味到难以形容，再一口寿司饭，好味呀，点解连饭都咁好食既，简直同之前去日本食既一模一样，估唔到香港都会食到食到大拖罗，食口都系鱼油，一定要用饭黎𩠌，真的肥到不行不行我朋友都赞不绝口，巨大既带子第一次见，蟹肉蟹膏平时比较少食，蟹膏非常之香，同蟹肉食好夹，其他材料都非常新鲜，真不枉我住深水埗都特意搭车过黎食，一定会有下次…查看更多

本人第一次写食评原因是实实在不能接受这一间店，味道10分差.原本以为他比较新鲜但是所有寿司味啲饭一啲都唔好味道完全一点粘性都冇.中伏中伏完全中伏.网上一定10分多打手有个乜可能这样差的店都会有人赞.三文鱼寿司及吞拿鱼寿司薄如灯影俾呢个台湾猪肉纸还薄.如图.一定不会再去未到比连锁店的$3寿司还差.劣评.…查看更多

见到大埔都开咗一间寿司连锁店叫做《千の味刺身寿司专门店》，之前喺长沙湾都食过，啲寿司都几新鲜，所以入去试吓。餐厅入面有吧枱可以比客人坐喺度慢慢食，入到去好门口左手边仲有位，即刻同朋友坐低叫嘢食。见到餐纸上有好多款刺身、寿司、军舰等等分门别类供客人选择，仲有到会服务。除此之外，餐厅嘅墙上面都贴有厨师推介嘅食物相片。刺身方面当然唔少得叫我地最钟意嘅三文鱼刺身、剑鱼腩刺身同埋牡丹虾刺身，三款刺身卖相都好新鲜吸引，特别系牡丹虾刺身有我手板咁大只，食落去爽口，味道非常鲜，点小小Wasabi同埋豉油食更加滋味。寿司军舰方面，我哋叫咗三款，分别系蟹柳寿司、火炙芝士鳗鱼寿司同埋海胆军舰。估唔到平时系出面食嘅鳗鱼多数都有骨，但系今次食嘅鳗鱼完全冇骨㗎，呢一点值得一赞。小食方面叫咗芝麻鸡翼，鸡翼炸得非常香脆可口，鸡中翼连鸡翼尖一齐食，非常满足呀。估唔到普通一间刺身寿司铺头，啲食物都非常新鲜，同出面嘅日式居酒屋不相伯仲。…查看更多

位于太和附近，经过见到有一间叫做《千の味刺身寿司专门店》，见到啲食物相片非常吸引，即刻入去医肚先。一入门口就见到雪柜有多款饮品任君选择。餐厅推出优惠，客人惠顾＄100就可以加＄10要10只甜虾，除此之外，更有买一送一优惠，非常抵食呀。实在太多食物任君选择，点菜系以自助形式，用笔写低想要嘅食物份量，就可以比店员预备食物啦。已经急不及待叫咗我最钟意嘅「海胆军舰」，海胆望落去好新鲜，而且食落去鲜甜无比，唔错唔错。除此之外，仲叫咗「蟹柳寿司」，蟹柳好长好大条，食落去啖啖肉。「三文鱼刺身」一客有五片，由于我哋超过＄100，所以买一送一总共有10片。「三文鱼刺身」卖相好光润，而且条纹分布得非常平均，半肥瘦的，咬落去有好爽口嘅口感。而「剑鱼腩刺身」咬落去口感烟烟靭靭，同样地非常新鲜。最后小食叫左我朋友最钟意食嘅「芝麻鸡翼」，食落去肉质鲜嫩，好大只，非常有份量。最后食咗咁多嘢都只系＄300，价钱合理便宜，最重要系食物质素新鲜，值得再次光临。…查看更多

18:33pm 落单，话15-20分钟有，但到19:12都未有，原因系佢太多单未做，一件都未开始做！店员态度恶劣，发脾气话佢地太多单落单时应该已知有几多order, 既然做唔到就唔好乱讲时间, 做唔切点解又外卖又速递又堂食19:21 终于攞到寿司，点知发觉少左2件，要行返转头查询，先知无晒玉子，话退返钱，甘都得？如果我唔check 下咪做左傻仔？😑又唔见刺身多左送多d俾客？PS. 盒刺身仲要无盖好，d虾掉晒落胶袋，虽然系优惠价换购，但都应该要注重卫生不会再帮衬…查看更多