十勝牛和食料理

营业中

休息中

7月21日下午14:42分，進入餐廳剛好有卡座於是我2人座下，由於桌面未清理便叫服務員處理，有個胖子黑衣侍应走過還回應說以為我们不需要清理，更很敷衍随便抹兩下但桌面根本無清理好，更堪是用一种很不情願態度很大力罷放碗碟，呢种服務根本是要趕客，面对呢的垃圾餐廳只好立刻起身走人，香港出外用餐没有性价比更是貼錢買難受，香港餐飲折堕係自作孽，相信更多餐飲结業係大勢所趨，港人北上消费合情合理👎👎👎👎👎👎👎👎

同事lunch gathering 近近地去左十勝牛食!😆店內坐得舒服 冷氣夠涼 定價抵食 係我最大既評價~😄Lunch time 人流都幾多 都要等一陣位🤨刺身定食三文魚 油甘魚 赤蝦 八爪魚三文魚肥美、油甘魚、赤蝦一樣夠新鮮 配上昆布烏冬好味道 不過略嫌前菜同蟹籽沙律有重複既感覺👉🏻👈🏻麵豉湯正常發揮!網燒牛扒牛口感柔軟亦保持了彈性，主要都係燒汁味道 有相當份量既肉有飯有湯有強又是健康嘅一餐!🩵🩵🩵🩵🩵忌廉汁野菌雞柳闊麵蒲燒鰻魚飯依個套餐附合預期碳水比較多但鰻魚得一啖仔就有啲失望不過一分錢一分貨 下次絕對唔會encore依個套餐!

最近同同事喺lunch time 都鍾意去十勝牛食，大家都覺得價錢合理又抵食👍計埋加一都係抵食嘅！👍我食咗幾次先寫一下食評😆有d食完先記得未影相😅午餐menu每星期都會轉，但大致上都差唔多，大同小異。每月之選都不錯，價錢就貴少少，不過就包特飲，任均選擇😛我個人最推薦就係“網燒牛扒附珍珠米”，份量足夠又好食，同事們都經常點呢個餐😁蒲燒鰻魚飯盒都不錯👍但鰻魚石鍋飯就偏甜😥慢煮牛肉撈麵好食👍但慢煮牛肉炒飯就偏咸😅闊麵就ok啦！拉麵都不錯👍午餐就多數包miso soup同中華沙律，有幾款仲包餐飲，喺同區嚟講真係好抵食，又幾好味！👍

上星期五我与👵🏻👵🏻去晴朗商場"十勝牛"食后付款時，收銀女員工態度恶劣鬧我，我問她取回收据時，佢閙我话我第一次俾credit card, 部机出单慢，之后我都轉身走人，唔想同佢計較，但係佢继续闹，直至我行出門口為止。后来我致电3次十勝牛經理投訴及留口訊，個經理潛水唔接电。基本上食物、環境、衛生都係一般，只係想醫下個肚，估唔到今時今日香港依然重有依種服務態度，唔怪之得香港啲舖頭陸續執笠。香港人繼續北上消費，全部都係自己人造成😓😓😓😓😓😓

食得尼間平民餐廳，都唔會要求有優質服務，但都唔係俾錢尼受氣嘅大部分店員都頗有禮貌，唯獨一位由油塘分店尼嘅男侍應，極無禮貌，仲要串我同屋企人唔知以為佢係老闆，所以可以隨便對待客人？食物方面正正常常，但賣相可以再改善一下。叫左一杯芒果奶，居然連冰塊都未打碎，我真係大吃一驚開得尼一度，都係做街坊生意。既唔會要求餐廳食飯質素有幾高，亦唔係要求侍應有幾客氣，但最起碼唔係預咗食餐飯都要受氣，都要食到一肚火係到食左好多年，希望餐廳可以好好經營，有所改善

先唔講服務質素，中午時間人流多，完全明白嘅。個蟹籽炒飯外觀可以嘅，價錢都親民。點解個蟹籽炒飯，可以完全冇味道？點解會落西芹粒同蘿蔔絲？難食到一個點，無啦啦食食下有西芹味，同個飯完全唔夾。啲海鮮又係冇味嘅，得個嚼字。如果問我會唔會選擇食多次？一定唔會。直接將鰻魚炒飯同蟹籽炒飯Mix埋一齊好過啦！蟹籽鰻魚海鮮炒飯咪幾好👍🏻另外一提，前菜小食個螺肉壽司，幾出色！螺肉同飯都夠多，紫菜尚算可以接受，或者可能都係現成嘢問題😂😂

食過呢間好多次，晚餐服務正常，食物一般，但勝在平。今次試早餐。食物質素一般，咁平都無乜要求。但係服務爆差，全場得2個侍應，問佢拎杯水，話早餐唔供應水，但枱枱都有，我地坐左陣，點埋餐都未有，諗住問下，都咁既態度，黑口黑面。

🍣🍜就黎講下我今次體驗嘅美味盛宴啦！第一道菜，爆丼真係爆晒味，飯同魚生混合得剛剛好，新鮮過癮，亮澤豐滿嘅生魚片坐鎮上頭，每啖都係驚喜。一試金茹肥牛卷，軟滑牛肉咁緊緊包住鮮嫩金菇，狂掂添！再嚟個滑蛋豬扒飯，啱哂食白飯嘅我，個滑蛋真係溜得滑，包住煎得香口嘅豬扒，一個字 - 正！至愛蟹子沙律係兼備口感同爽口嘅選擇，影住蟹籽「啪啪聲」入口，同鮮香蟹柳條完美啫喱。翼部分真係燒得啱啱好，逐串迫力十足，香氣四溢，好正宗。鰻魚炒飯夠噏，鰻魚嗰種富有口感嘅油潤同米飯雜揉合，真係使人每口都回味無窮。整體黎講，呢度嘅食物雖然唔會令人驚天動地，但每一樣都做到出色嘅平民水平，真係食得開心，食得滿足。🥢🍱🍚

食物質素一般，主要是價錢平今日叫了兩個下午茶餐，#3 ， 20#3 雞翼味道太差勁#20 雞扒一般般#3 餐要薯角，佢就俾左沙律我因為都很耐無食過這間日本餐廳，快6，7年，因為價錢平所以試下啦點知都係麻麻地

呢間餐廳在用餐時間都要等一陣先可以入座，餐廳裡座位不少，座位舒服。鰻魚炒飯：日本珍珠米，粒粒分明，用料十足，有鍋氣，。豬軟骨烏冬：豬軟骨燜的軟爛入味，湯底濃厚，味道不錯。上菜速度快，味道不錯，價錢平，用餐環境亦可，性價比超高，值得再去。

呢幾日天氣熱辣辣，午餐同同事都唔知食咩好。就去咗十勝牛度食嘢。今日見到隔離枱試冷麵，所以我都叫左三文魚牛油果冷麵。個碗雖然好大，但係成個餐嘅份量係偏少，味道都主要靠芝麻醬。三文魚就得三塊，如果可以多幾塊會好啲。如果以一個男仔嚟講就未必夠飽餐飲就叫左杯鴛鴦紅豆，唔算好甜，算好飲

本人11:30左右到左，一坐定即刻落單，叫左B餐網燒牛排定食，目測現場大概十個顧客左右，正常應該好快就有，但等到11:50都仲未有個餐，因此詢問Waiter幾耐會有個餐，Waiter望完我張單就話會跟跟，然後入完廚房出返黎唔知點解要企到好遠話就黎有，等到12:00個餐終於都上，本身我部電話放左係檯面，個Waiter就直接搬開我部電話放低個餐，野都無講過一句，都幾無禮貌。由於本人趕時間所以食左五分鐘就走左。但走個陣先醒起漏左個麵豉湯無比我，正常係會放左係個托盤到。雖然食物係啟德呢個美食沙漠算係中上水準啦，性價比都算高，埋單先$54，但係服務態度同埋上餐速度真係令人不敢恭維，剩係做街坊生意都比返啲人情味啊。

Happy Friday 同同事食餐好嘅午餐🍱喺九龍灣返工，午餐行過嚟都好方便，咁高質扺食日式料理🍱今日揀咗魚生餐😋😋厚切嘅三文魚🍣唔單止口感好😋仲無筋，有魚味🐟刺身蝦好大隻🦐🦐🦐好彈牙😍蝦膏好香😙😙一定要再食😍😍😍又有沙律同烏冬都好夠飽🤤🤤🤤

只係短短買個外賣就已經感受到員工服務態度好差。無人指示按飛排隊，好聲好氣問反被侍應不耐煩回應，餐廳無位所以決定買外賣。買完外賣諗住係鋪頭入面企係角落等餐，但又被侍應們不禮貌呼喝要求出店外等外賣。餐飲業忙碌這點明白，但有禮貌係對人嘅基本尊重，呢間店嘅員工做唔到，失望。

第一次同朋友嚟食，見到個個都推介沙律，2人點了3款，蟹籽沙律，花之戀，網燒牛扒同軟殼蟹手卷。先嚟蟹籽沙律，份量好真材實料好大碗，材料以青瓜為主，亦都有足夠的蟹籽同蟹柳，而沙律醬都夠撈，性價比高，但味道普通。之後再來花之戀，原來不是普通的三文魚蟹籽，呢度會有芒果，壽司面上再加一堆青瓜絲，三文魚大大塊，食落都算新鮮無腥味，包住都幾多飯。其實唔預你一啖放入口，都係拆散慢慢食。最後就是軟殼蟹手卷，軟殼蟹份量少，又唔太熱，而紫菜都唔脆了，所以不太推薦。由於每款都有青瓜，食完呢餐覺得自己食咗好多青瓜這裡環境尚可，店員招呼亦不錯，留意有加一服務費。