十字冰室 (禮頓道)

营业中

休息中

今日12:45pm落好單，要lunch set既5號餐「焗三色芝士煎蛋肉醬意粉」。等咗15分鐘，終於送上枱，點知佢黎咗焗飯。咁就同個職員講佢嚟錯咗，點知個位職員態度勁惡劣，除咗一句對唔住都無之外，淨係話因為電腦本田係飯，入機時無改到意粉，問我係咪唔岩食，係就幫我改番意粉。大佬呀，你餐牌係意粉，你自同事入錯機做錯嘢，點解連一句對唔住都無？仲要問我係咪要改，好似我先係唔岩個位，想係度找佢麻煩？我咪答佢「當然要改啦，我都唔係叫呢樣」。（另外：枱面好污糟，上手食完佢完全無抹過。）

經朋友介紹黎左呢間銅鑼灣既「十字冰室」。十字牌牛奶就由細到大飲得多喇，佢地出產既食物都係第一次黎食，就睇下有無驚喜先！十字王牌餐（香濃鮮茄燴牛肋肉湯通粉、黑松露炒蛋跟多士）、十字營養常餐（牛奶豬骨湯意粉、炒滑蛋跟多士）、西冷牛扒配蘑菇汁意粉及蔥油蜜糖雞扒飯。首先個番茄湯非常濃郁，牛肋肉亦煮得好淋，好好味。之後個西冷扒都好大塊同厚身，係略嫌煎得熟咗少少，其他個汁都好正。另外個蔥油豬扒都好香蔥油味，配落個雞扒都好match。最後個豬骨湯意粉就冇咩特別，個豬扒略嫌有啲鞋口，都係煎得有啲過龍。但整體都算不錯，食到懷舊嘅味道。

#breakfastforlunch, #cheapeat, #causewaybay, #localcuisineof i want to summarize the experience of this pkace... good service, good heart... wish there are more customers could enjoy this..only 10% full in the morning in this area, i suspect that it could be either very expensive or the review is bad... it turns out neither of those... and I was greet welcoming from the staff right i step into the restaurant..so guys.. if you are on the area and filling your stomach... cone here for once

十字冰室位於銅鑼灣禮頓道，位置可算屬於偏離旺區，故此周六下午茶時間亦無需輪候。冰室可以算是上世紀香港獨有產物，一般而言冰室都會有懷舊特色食物，十字冰室亦不例外，有炸雞比，菠蘿包，西多等等。懷舊特色食物加上餐廳創意，菠蘿黑松露滑蛋菠蘿包，真正有菠蘿的菠蘿包，配上黑松露滑蛋，值得一試。炸雞比拼辣肉腸薯條，炸雞比略嫌比較乾身，有點過火，然而味道仍然是可以。冰室最需要改善的是餐廳店員的服務，在短短15-20分鐘，店員千奇百怪的態度，絕對可以訓練食客們的EQ，值得一看。

新的三文治餐完全唔夾，又係難食！由原本的2片麵包加厚蛋，變咗3片甜包(甜味似餐包咁)，麵包又太多，然後得少少蛋(少到離譜)，又難食，希望可以改返先再考慮幫襯！麻煩晒！

喺講到真係好難搵啲平嘅嘢食，茶餐廳呢就合乎大家嘅預算啦！我就午餐去食嘅，叫咗個瑞士雞翼撈丁。雞翼咬落去都幾多汁幾滑，瑞士汁嘅味好濃成隻雞翼都好入味。路燈呢就冇乜特別，都係個汁好正啊！另外我都叫咗杯熱奶茶，正正常常不過不失。

/Ordered:三重芝士粟米焗火腿雞絲意粉+熱奶茶（$64）/依家先知原來十字冰室係細細個飲開既十字牌牛奶開既😧好似好孤陋寡聞添🤣入面有幾個常餐都係送一大樽奶的🧐但由於我餓餓地所以叫咗個午餐算一見到三重芝士呢幾隻字就吸引到我上到嚟熱度啱啱好 好多芝士焗得不過不失👍🏻仲好重香味添Btw去到茶記點都要飲返杯熱奶茶啦熱奶茶好滑 夠香 茶濃 I like it👍🏻 呢個價位係銅鑼灣嚟講差唔多㗎啦🙃~~~~~~~~~~~~~~~~~~~~~~~~十字冰室 (禮頓道) (銅鑼灣)銅鑼灣禮頓道64號禮賢大廈地舖十字冰室 (西營盤) (西環)西環西營盤高街48-78號恆陞大樓地下12號舖十字冰室 (The Argyle) (旺角)旺角亞皆老街102號The Argyle地下G01號舖十字冰室 (淘大商場) (九龍灣)九龍灣牛頭角道77號淘大商場三期戲院大樓地下A及B部份

我一直都好鍾意飲十字牌既鮮奶，所以今次試下呢間十字冰室。✨瑞士雞翼撈丁雞翼好滑，好夠味，同撈丁麵一齊食好正。.✨五香肉丁炒飯好耐無食咁邪惡既飯，炒得好香口， 係港式既味道。.✨十字牌雲呢嗱焦糖奶昔咁特別就叫黎試下， 但真係太甜了。.🏠 十字冰室🛤️ 銅鑼灣禮頓道64號禮賢大廈地店舖📍 港鐵銅鑼灣站A出口，步行約5分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining

十字奶好有天主教的歷史。喺好耐之前，神樂園嘅神父，喺屯門嗰度養牛，供應奶，為十字奶。後來佢將呢個十字奶嘅品牌賣咗畀一間集團，之後呢間集團就將呢個牌子發揚光大。後來集團想再推廣十字奶，就開咗幾間茶餐廳，叫做十字冰室。餐廳呢，入到去都有見到一個雪櫃，裝住好多十字奶呀。十字奶呢，其實係我細個嘅時候，好鍾意飲的牛奶。不過，因為窮，所以呢每次都會即係飲平啲嘅維記牛奶或者牛奶公司嘅牛奶。只係間唔中一兩次先會有十字牛奶嘅，所以今次嚟到十字冰室呢，我想試下啲十字奶整嘅食物。呢個十字奶煮㗎喇沙，我覺得呢個喇沙都幾濃烈嘅，好甜。第一次食一個咁甜嘅喇沙。奶茶茶走都沖得好香。西多同埋雞扒飯都唔錯。星期日，喺銅鑼灣搵到一間茶餐廳，可以坐下休息下，揭下，真係唔錯。係疫症期間一個好愉快嘅事情。可以疫倩快啲過去。

顧名思義就是本地牛奶品牌「十字牌」開立的冰室其實開業大概也有三四年，分店也開了幾間倒是頭一次光顧，位置頗近上班的地方在利舞臺再走入少少便到午餐比起全日餐牌划算得多，份量也不少而且全日免加一服務費椰香咖喱雞球飯 - $56使用大量完全去骨的雞球，口感很嫩滑少許薯仔粒同樣入味咖哩質地濃稠，椰香味十分重，還帶一點辣味醬汁愈嚼愈入味，香料味完全充斥口腔中，拌飯一流熱奶茶順滑口感和濃郁奶香色香味俱全兼有餘韻

四人位得我地張台間多一塊板，其他台有吉位仲叫人搭台，冇下次啦，野食又難食，牛肋肉有幾條係硬既，炒蛋勁乾身，未試過咁難食既炒蛋，唯一正常係奶茶同樽牛奶囉！真係食埋呢次冇下次呀！！食完一肚氣

早排同事食lunch，我諗唔到食咩，佢帶左我去佢既飯堂，就係十字冰室，其實係茶餐廳，不過佢既賣點係佢涉及奶既食品，都會用到佢十字牌既奶，當然佢有d餐係包埋佢十字牌既奶，唔駛加錢，我朋友就食佢食開既十字牌皇牌餐，佢衣過餐都幾多野食有番茄牛肋條通粉，仲有炒蛋加多士，我朋友係細食既女仔，所以係食唔哂至於，我就選左個蔥油半吋厚豬扒飯，其實實際拎到黎我覺得實際唔太覺有半吋，味道正常。。但主要靠過蔥油俾味，愈食愈口干。但整體黎講正正常常

星期五唔使返工😌可以出去食個下午茶嚟到銅鑼灣禮頓道十字冰室下午茶好抵食豬扒包講到明用足半吋長嘅豬扒🐖加埋燒汁、洋蔥好惹味而且一啲都唔鞋口餐廳位置唔係特別就腳所以好清靜，唔似其他茶餐廳咁嘈

三點三下午茶時間到，餓餓地，梗係去買個下午茶食先～蔥油蜂蜜雞扒飯配煎日本農場蛋$54（外埋自取有85折）蔥油味十分香，味道又唔算咸，配飯食一流wo😋雞扒煎得香脆，肉質食落去唔干身，仲幾Juicy添～如果飯底可以多小小咁就perfect la😹

有質素的香港人冰室真係買少見少，喜歡去十字冰室係因為佢哋食材係比足料，見佢哋比較多熟客，就知道好食先至成日再嚟幫襯，仲有服務員有禮貌細心，好有兒時嘅茶餐廳的人情味，而且環境設計好有懷舊feel今次叫咗個十字營養常餐牛奶豬骨湯豬扒意大利粉炒滑蛋牛油多士芒果蜜瓜乳酪沙冰十字牛奶豬骨湯豬扒意大利粉呢個意大利粉個湯底同豬扒超級正，湯底用十字牛奶加豬骨熬製，半吋厚切豬扒足料同夠淋，食完個意大利粉，成碗湯底飲晒，超滿足炒蛋多士炒蛋夠滑，厚切多士塗上牛油夾埋雞蛋一齊食好豐富好正，至愛茶餐廳風味蛋治芒果木瓜乳酪沙冰呢個超正沙冰飲品，分量十足，又香又滑非常之好飲，用十字牛奶加芒果木瓜乳酪打制，絕對值得推薦