十字冰室 (The Argyle)

营业中

休息中

好耐無去茶記冰室食午餐😮‍💨今日經過見唔洗等就試一下睇餐牌佢比一般冰室貴🙈可能係因為全用十字牌鮮奶糾結左陣後就叫左個黑蒜油牛奶豚骨湯肥牛石鍋烏冬一上就見湯正滾滾出煙侍應就提醒我小心熱唔好掂再拎多隻碗俾我，真係好加分🙈先試湯，奶味足，偏淡黑蒜與湯分開，攪拌後再試後味先更濃由於石鍋繼續加熱，湯會唔夠可以要求多一碗湯慢慢加感覺後加既湯味更濃烏東吸湯力高，好快與湯融為一體肥牛不過不失因本身上菜時已熟，石鍋加熱後全熟但基本上全熟都唔會太過另叫左杯凍奶茶茶底尚可而奶味重而香滑入口極順不澀喜好奶多奶茶必需要試一試總結而言，服務好，味道不錯，如果喜好有奶食物同飲品嘅完全可以一試🤤雖然比起同類型餐廳貴少少但完全值得

朝早諗住食個M餐牛肉一丁面開心下，上枱唔洗5分鐘，心諗有速度，效率，點知食落去嘅發覺口感味道唔對路，唔係原本嘅一丁，無麵味，無口感，仲要脹，唔知食緊啲咩，之後店員反映，佢同我講係因為我點左豬骨湯底，所以冇原本食落去出前一丁嘅味道， 之後落咗麻油，味道仲奇怪，好似入嚟為咗麻油咁，後來叫佢哋幫我處理一下，佢哋好似聽唔到，去咗招呼其他客人，我就用懷疑眼光望住我碗麵，諗起自己食廿年一丁嘅經驗，最後睇住佢哋淋檔，默默飲杯幾好飲既奶茶，賣單走人，自己亦都應承咗自己，唔會再食返呢一間

十字冰室🛖🔸 懷舊蔥花蛋咸牛肉三文治蔥花好香🤤不過蛋同咸牛肉比例不等咸牛肉味道冇咁出😮‍💨🔸香蕉牛奶有小小似係7仔買嘅熱版香蕉奶😂奶味夠濃，飲吾出係咪用十字奶整🫣#CrossCafe #十字冰室 #十字奶

🔸黑松露滑蛋菠蘿包·熱奶茶$42是日下午茶，簡簡單單都滿足。炒蛋好夠滑，菠蘿包拎上手暖暖地，菠蘿皮夠脆！😋📍#十字冰室 (#旺角美食)旺角亞皆老街102號The Argyle地下G01號舖

香港人對十字牛奶🥛唔會陌生，但十字冰室就第一次去。呢間冰室有窗邊位，可以邊望加多利山邊食tea。☕️熱茶走：茶走即奶茶走糖加煉奶。花奶夠香滑，茶味唔濃唔澀，甜度較低，飲到最後唔會覺得heavy👍🏻🥚爆蛋火腿菠蘿包：菠蘿包夠鬆軟，可惜不是太陽蛋，換來是荷包蛋。味道：🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅（5🔅為滿分）

今日行咗去旺角火車站附近近勝利道嘅十字冰室食下午茶餐。店主花了很多心思在餐廳設計內。 用了霓虹燈做了店名掛在大門附近，牆上的懷舊餐牌熱水壺鐵閘的陳設、地板亦採用80年代的舊式瓷磚、吊燈亦採用了仿照照雞蛋的紅燈設計，彷彿回了80年代的香港。下午茶嘅餐牌好多選擇，有飽肚的烏冬、麵、撈丁，亦有多士、三文治、脆豬包同菠蘿包。 我好貪心樣樣都想試，最後我點了平時茶餐廳冇得叫嘅黑松露滑蛋菠蘿包，再加我最愛嘅港式凍檸茶。菠蘿包非常之鬆軟同脆，中間夾住用黑松露炒嘅滑蛋，黑松露味唔係咁夠只係頭兩啖食到黑松露味，之後只剩返蛋味。 可能平時自己在家煮開日本蛋食，呢度嘅雞蛋唔夠蛋味。非常欣賞佢嘅創新配搭，夠膽中西合璧去fusion整個菠蘿包。非常之特別嘅感覺，入口後一啖甜再加一啖鹹味。可能我個人比較喜歡傳統口味，都係牛油夾菠蘿包（菠蘿油）match d 。 暫時未食到一個配搭，好食過菠蘿油。凍檸茶嘅顏色望落去茶底都好深色，茶葉應該沖咗好耐，唔係新鮮沖出來，好重苦澀味，唔好飲。以這樣的價錢來說，係旺角有咁舒適嘅環境，想靜下坐低休息算係唔錯嘅選擇。

十字冰室🧊💛扒芝士火腿三文治🥪($40) 8/10烘底脆卜卜熱辣辣嘅三文治，非常重牛油味🧈，直頭搽滿哂成塊麵包🍞火腿有兩層加埋溶溶地嘅厚芝士，非常邪惡😈牛油檸檬蜜糖脆豬包🍯($36) 7/10脆豬都係熱辣辣脆卜卜，好重嘅就係甜甜嘅檸蜜味🍋不過味道偏單一，如果兩個人share會好啲🙈紅豆冰🥛(熱飲轉特飲半價+$16) 8/10十字牌牛奶嘅紅豆冰，飲到十字牌個種香滑感同牛奶味，加埋甜甜地嘅紅豆幾好飲👍🏻美祿紅豆冰🍫(熱飲轉特飲半價+$16) 8.5/10等同於朱古力牛奶味嘅紅豆冰，一上枱個陣係暖，要等冰溶咗先變凍。 飲落順喉，朱古力味都好香👍🏻Extra comment:•翻到先發覺佢枱面上個menu有得單叫牛油檸檬蜜糖脆豬包，先22蚊加埋特飲有係半價，我估佢個包應該係半份？ 因為差唔多平一半。btw佢枱面menu多好多選擇，下次再戰🙈•佢同十字牌牛奶係同集團，所以好多食物都用十字牛奶同埋好多有關十字奶嘅擺設🍼

#fafafoodblog茶餐廳 #fafafoodblog冰室 #fafafoodblog旺角 🍴十子牛奶豬骨湯沙嗲牛肉通粉🐂 配火腿炒滑蛋🥚及多士 42 蚊 加腸仔4 蚊湯底帶 d奶香味 仲有少量辣粉同芝麻調味 豬骨味香 通粉夠彈 同湯底好 match 多士夠香脆🍞 配埋牛油好香 蛋炒得好香滑 加埋火腿同 juicy 煎腸仔一齊食 好味🐷🍴濃蕃茄湯牛肉米粉🐂 配火腿滑蛋多士🥚 45 蚊個湯底好似羅宋湯 有蘿蔔 芹菜 洋葱碎 🥕牛肉足料 彈牙 應該係滑牛黎 盡吸蕃茄湯汁 米粉都好夠索味 同好爽 🍅. 多士夠香脆🍞 配埋牛油好香 蛋炒得好香滑 加埋火腿同 juicy 煎腸仔一齊食 好味🐷#冰室 #茶餐廳 #炒蛋 #多士 #火腿 #腸仔 #蕃茄湯 #米粉 #通粉 #滑牛Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#十字冰室旺角亞皆老街102 號

今日咁啱經過勝利道，轉角位見到呢間十字冰室，就決定買外賣返屋企慢慢嘆。本身諗住買lunch，點知原來佢11:30am先開始有lunch，我最後決定買早餐算啦🤣叫咗兩個餐🌟濃番茄湯牛肉通粉 配多士 同炒滑蛋 $45濃湯同通粉分開裝，返到屋企食一樣滋味，最可惜吐司同雞蛋一齊放，返到屋企已經冧曬😅🌟火腿爆蛋菠蘿包 $38 原來呢個係非一般嘅菠蘿包，裏面嘅雞蛋一咬落去即刻爆漿，非常特別，味道都好好味😋期待下次試吓佢哋嘅lunch😍

真心忍不住要寫點意見！不知所謂的服務😤要了一個陽光早餐，忘了要求全熟蛋，來了太陽蛋之後，有禮貌地請求幫我再煎熟， 原本百般不願意，但最後還是建議幫忙。(其實都只不過是一個小小的要求) 大約不夠20秒，便把蛋交回來。不以為意，繼續食我的早餐。點不知原來他們只是將隻蛋反轉左，依然係一隻太陽蛋，一隻太陽蛋反轉咗。真係當顧客白癡！！！不願意、或者不能可以說明，不用當顧客是白痴。😤😤😤😤😤😤😤😤

十字冰室位於何文田亞皆老街食物質素很好👍🏻今日下午茶食左常餐、奶油豬，個牛肋條蚊得好琳好入味，湯底係蕃茄。奶油豬啲醬好多😋😋正啊！今日都比較凍所以叫左熱奶茶、熱鮮奶，熱奶茶即刻沖，味道唔錯，唔洗落糖都好好飲！

週末有啲肚餓，同女朋友喺附近搵下午茶，見一間好似唔錯，即管試一試。環境都算乾淨，亦都好快有位。望一望餐牌逗號好多都好似好吸引。結果揀咗蔥油雞扒飯，同埋蟹子厚蛋三文治。味道都冇令我失望，叫咗多蔥油真係撈晒成碟飯都仲有淨，雞扒無雪味，都幾好味。個三文治都算大份，料都好足。不過如果個蛋整得好睇啲就會開心啲😬女朋友叫咗杯美淥恐龍，見到都開心。我自己叫咗龍鳳檸樂，不過不失。成日都想返去再食，個餐牌仲有好多食物都想食！

「我只想 身體健康～」十字牌近來的一首歌聽得我流馬尿啦有RubberBand又有黃宗堯大概只有真香港人才會聽得鼻子一酸吧ಥ_ಥ.從來對茶記的通粉也沒有太大幻想但這裡的茄通也好吃得太過份了😭！▪️十字皇牌餐 $68十分出色的香濃鮮茄燴牛肋肉湯通粉😍！看圖就知道湯底有多濃郁了！湯底用大量蔬菜和鮮茄熬成故此飲落清甜而帶微酸👍🏻十分開胃而且質感濃稠 掛汁力極強牛肋肉重牛味之餘又啖啖肉🤩.黑松露炒蛋也有驚喜😳黑松露味道比想像中突出炒蛋亦不太油而且頗滑呢～.總括來說是一間驚艷到小編的茶餐廳！他家的茄通可說是小編吃過最出色的🥰相信短期內會再回訪試試其他菜式

環境好整齊企理 乾乾淨淨去食左一個十字淡奶早餐配五香肉丁感覺好新鮮 初頭會以為味道好怪食落又唔差 知道佢哋用嘅係十字淡奶所以試左熱鴛鴦幾好飲 茶 啡味都夠不過食物選擇唔多

今日嚟到旺角勝利道以為冇嘢食原來有呢一間冰室好啦好啦飲少少入嚟坐吓估唔到呢個湯底非常之好食加埋呢個米粉大埔非常爽口好正喎 牛肉係好爽口嘅啲湯係好濃郁嘅淨係個肚都有九十分之高原來呢成件事非常之好㗎嘛呢個多士炒蛋火腿凍奶茶總之每次嚟到呢度都可以入嚟食呀食個方便快捷早餐下次有機會再可以試吓其他早餐呢度環境非常之號朝頭早人少少賞心悅目嘅一餐就喺度完成順帶一提呢度附近其實仲有林林總總嘅舖頭下次就會去隔離嗰幾間試吓密切留意