十勝牛和食料理

营业中

休息中

未食過咁難食嘅日本嘢！！！！！！諗住簡簡單單食個飯，叫支清酒飲吓，點啲串燒，點知啲串燒全部炸出嚟，油淋淋之餘仲要唔熟，或者唔熱，雖然服務生態度幾好，肯幫我哋加熱或者再炸過，但好坦白講味道真係唔止好一般，係好差

一上到嚟到油塘大本營3樓，一眼就睇到呢間嘢，勁多人排隊，發生咩事⋯⋯等咁成20分鐘先入到去⋯想餓死人咩🤣今次我地兩個麻甩佬食，心諗今舖一定好貴⋯但一打開個menu，平民價！？係平時居酒屋半價嘅價錢，甚至乎係1/3價錢！金龍蝦皇飯卷（$43）大件，足料！同元X壽司果隻差好遠，元X壽司廿幾三十蚊等3件，呢個比起佢，性價比好高！啲蝦又脆，食得出新鮮唔會話擺咗好耐先上枱。鰻魚炒飯Top3沒有之一53蚊，茶餐廳都唔止呢個價啦吓話！？完全係居酒屋level，啲料又足，啖啖都有鰻魚肉，甜味適中，用嘅係日本珍珠米，粒粒分明⋯Top3👍🏼呢個明太子燒芝士卷，啲芝士同明太子都幾夾，非常濃郁嘅芝士味👍🏼芝士炙四味三文魚，帶子，熟蝦，蟹柳正正常常，質素比一般連鎖壽司店高。燒鵝肝卷$52Top2😍鵝肝處理得好好👍🏼一啲都唔油膩，焦香嘅味道，帶出鵝肝本身嘅油香味，最怕食落成口都係油，呢個就唔會，啲邊位燒到脆脆地，太好味了🤤軟殼蟹手卷$38Top1大力推介Encore咗兩次！實在太抵食喇！平時一個軟殼蟹手卷都廿幾三十蚊起跳，而且軟殼蟹得頂頭嗰一part先有，而今次呢件，食到落去最底個尖位都仲有！真大方！睇唔到嘅地方

有啲意想不到油塘竟然有一間唔錯嘅日本料理✨餐廳價錢唔貴之餘很貼地🤤有set lunch，拉麵🍜跟小食/🍣🍣壽司加嘢飲都只係幾十蚊就有交易。但係今次我選擇咗散叫，價錢亦都相當相宜👍🏻點咗三文魚刺身、帶子刺身 三文魚非常厚切又大塊，帶子都大粒 有帶甜👍🏻自己覺得刺身一定要夠凍先好食 佢做到✨除咗刺身之外，自己都好鍾意食卷物。分別點咗金龍蝦王反卷🍣、七味軟殼蟹反卷🦀️ 味道不錯因為同行朋友比較鍾意食軟殼蟹，所以再點再左軟殼蟹手卷🤤軟殼蟹熱辣辣 好香脆加埋沙律醬✨✨熱食分別點咗炸墨魚咀🦑，平時雞軟骨就食得多炸墨魚咀，真係唔係度度都有，煙煙韌韌雜粉亦都唔會厚。🍢串燒拼盤，自己認為呢個如果燒得比較乾身會更加好。最後重點咗個燒多春魚，呢個外脆內軟👍🏻

態度差評，有咁差的呀頭，手下必定差，食物－般，永久backlist呢間呢間店舖今日一肚氣，求其快趣食完的嘢，走人，我相信去任何一間都好招呼過佢，我會同所有我朋友講，叫佢地情願去貴小小的日式店鋪，都吾好黎呢間

用餐日期：3月19日晚餐這間餐廳食日本菜，整體好食。先來一個前菜蟹籽沙律，除咗份量偏大外ok。我主菜係食豬軟骨烏冬，豬軟骨夠軟，同埋我本身都鐘意食烏冬，而媽媽就食魚生飯。我地另外叫咗壽司，要留意壽司係用落單紙order，同埋價錢係每件。壽司味道就一般般啦。此外我地都叫咗兩個手卷。呢間餐廳食物好食，侍應質素好，價錢又合理，咁我下次都會再嚟食。最後，下次要蟹籽沙律都係要細啦，我覺得其實小即係大，大即係超大。😅

這間日本餐廳一向是我在油塘大本營的頭號選擇。價錢相對其他日本餐廳廉宜，但十分美味。今天來到的時候剛好是中午，午餐連沙律、麵豉湯和飲品都只是50多元。以這個價錢來說，吃一頓日本餐，坐得舒舒服服，實在不錯😌我叫了網燒牛扒，煎得非常香，而且沒有過量的梳打粉，絕不比一般大餐廳遜色。飯是軟綿綿的那種，而且加了紫菜碎，很不錯牛油果三文魚卷又健康又好味，牛油果很香甜，沒有苦澀的味道，原來配三文魚卷是出奇地好吃的芝士焗蠔是每次必要的熱辣辣，濃濃的芝士味混在一起吃西瓜汁只是$8，每次必叫，很冰凍

屋企人唔想煮話去油塘試下間新野咁，一行4個人出發，其實上次已經食過外賣😂覺得唔差還可以，所以試下堂食。我地叫左豬頸肉炒麵依個日式牛肉冷麵幾好食，開胃適合夏天跟住仲有一個鰻魚炒飯，係屬於比較濕既炒飯我諗佢落得多鰻魚汁，都幾惹味炸蝦天婦羅，正正常常啦汁燒串燒，下次應該唔會叫haha牛油果鰻魚卷，依個幾好食！入面包住一舊炸物，但仲熱辣辣，食落幾滿足餃子，我覺得還好～不過細佬幾鐘意食仲叫左啲飲品咁基本上，上菜速度都幾快，食物全部都熱辣辣咁，同埋咁既價錢真係算幾抵～

4／1／2023同老公來食，等左約20分中，就可以入得。發現舖頭裝修完，光猛左，地方坐位寛落左，感覺良好。到叫野食，價錢仍然很扺食，叫野食時，店員態度親切亦很熱誠跟進，舖內職員不小，很快處理及跟進顧客既問題。到野食來了，包括1,壽司2,軟殼蟹卷😋😋😋3,韓风豬頸肉炒面😋😋😋4,串燒拼盆😋😋😋😋5,牛油煎帶子😋😋😋😋6,原隻焗芝士蠔😋😋😋😋😋7,八爪魚頭盆😋😋😋各樣食物味道很好，最推薦係原隻蠔，正埋單約＄440左右，二個人既不錯選擇❤❤

今日很想和honey平平哋彈過日本菜於是想起油塘大本營商場這間日本餐廳。三文魚刺身$49有五片，每片都非常大，等於很多日本餐廳的兩片，而且厚切，食落非常肥美，十分新鮮，完全能食到三文魚油份的感覺，大滿足！有魚當然要有肉，叫了煎牛扒，煎得很好，不會過火，而且肉質嫩，不會靭。調味也不錯，不會過鹹，可以食到牛扒的鮮味。切到一嚿一嚿，食起來一啖一口很方便！海鮮炒烏冬炒得有鑊氣，而且有大大隻的青口，並配以蝦、蜆肉、菇類等配菜，材料多樣化，烏冬彈牙👍🏻👍🏻西瓜汁只是幾元一杯，平時在街頭小檔買杯西瓜汁都十多元，這裏的西瓜汁是每次必點的，非常冰涼，西瓜甜甜的，簡直是消暑佳品！

中午開飯喇, 見人不多 不用等位 價錢又比較平 所以內進.見帶位的正正常常 ,沒想到我安坐之後 竟然有個男侍應大大聲同佢同事說 剛剛有個客 坐呢度又唔啱 呢度又覺焗之後仲走L左 好似入來睇風水 當時有咁多食客在場 我諗大家都未必會再幫襯呢間日式餐廳了順帶一題 我吃完個便當後 先知個便當器皿是破裂的 而且收銀都係一樣 大大聲說叫我等等出緊飛

下午肚餓揾野食，門口見到餐牌有下午茶套餐好似幾吸引就試下.連鎖集團主打平價日本料理，似乎都幾有捧場客當時疫情嚴重，好少人堂食，但餐廳都叫多人.環境方面，餐廳都叫寬敞，當時一個人坐左八人卡位，所以非常舒適衛生方面就中等水平以下，因為座位唔太乾淨，地下都有種痴笠笠既感覺，餐具更加要洗過先可安心食用.至於食物質素真係非常一般可能我隨便點了一道餐廳不太擅長的菜式豬頸肉乾柴，就快變豬肉乾，無汁之餘仲要咬唔開，好似橡筋般煙韌沒有温度的石頭鍋只是一個器皿裝住D飯，配上幾片肉乾，加些少醬汁配上芝麻及葱花就成整體而言，呢個價錢有飯，有肉，有前菜沙律，有面鼓湯，仲有杯野飲的日本料理餐廳我不會再貪平了。。。

一餐飯真係好有驚喜店員亦都十分之老實😂其實我哋只不過係得三個人都叫咗唔少嘢食 我哋諗住再叫之際店員竟然直接話不如叫咗先😂到時再睇吓點樣加同事亦都有提醒我哋沙律大份真係好大份雖然好似係廢話 但原來真係好大份我第一次見到個沙律可以咁大份而且真係食得十分之滿足 好似食極都未食完咁🤤真係要激讚！鰻魚牛油果卷根本上佢所有嘢都真係好足料 依一碟真係唔會輸燒烏賊🦑依個敗筆地點係佢太遲先到係我哋食完個飯之後先至有變咗食唔晒🤫 味道同口感都唔錯最後係我最愛的墨魚咀不過有少少over cook ， 如果唔係仲正

十勝牛都好多連鎖店好多分店 有時都好鍾意食 因為屬於平價料理 質素完全對得起價錢😉午市套餐🍱 蒲燒鰻魚飯盒 $47麵豉湯 前菜(中華沙律) 包飲品鰻魚既份量略為有啲少 如果蒲燒汁多啲都唔差 但難得跟埋前菜飲品都算合理 特別係麵豉湯難得唔鹹🍝 牛油果三文魚冷麵 $47呢款真係好抵食同好好食 三文魚刺身疊係冷麵頂 冷麵麵質煙韌 淋上秘製醬汁撈一撈 非常吸引🍴 宮崎豆腐黃金燒 $34呢款熱辣辣既豆腐都好推薦 口感綿綿蔥花沙律醬芝士焗製 味道一流 邪惡之選🍣壽司三文魚壽司 $6腐皮壽司 $6壽司款式都好多選擇 味道正正常常對得起價錢 尤其腐皮真係好甜好好食整體黎講不過不失重點真係便宜食日本菜

平靓正的和食料理，而且有多種選擇，網燒牛扒＋八爪魚＋珍珠白飯＋湯＋飲品才44塊。牛扒輕薄，肥瘦相間，也不油，入味，可以一試。👍👍👍位置方便，就在油塘上蓋商場裡面。

📍#十勝牛和食料理 - 油塘-十勝牛係我既中學回憶 以前放飯時不時都會去食下 貪佢平平地又食到日本野😆 可惜現存分店已經唔多了～-🔸網燒牛扒定食 ($44)牛扒肉質幾軟腍 但佢似係俾鬆肉粉醃到好腍既質地🥶 而且冇乜牛味…🥲但配埋甜甜地既燒汁食係幾啱餸飯既跟餐配咗麵豉湯 一碟仔味付螺肉 同埋野飲一杯 凍飲唔洗加錢 都幾良心～-🔸角切魚生飯 ($44)呢個價錢食到魚生飯真心抵～眾所週知 角切魚生即係平時整刺身切淨既頭頭尾尾 如圖所見 呢兜飯啲魚生都切得幾碎下 冇咩口感可言 而且食落都冇乜鮮味 甚至有啲腥😟飯底用咗壽司醋飯 但略嫌醋落得稍為重手 有啲酸不過呢個價錢仲包埋麵豉湯同埋青瓜絲沙律 啱晒做糧尾飯堂-🔸金龍卷 ($42)係menu見到張圖幾吸引 於是乎order咗 點知實物頹好多倍 味道就正正常常啦 就係普通幾舊炸蝦卷 建議可以跟啲沙律醬 同埋改善下擺盤～-總結 呢個價錢食到日本野冇得輸 但食物質素真心有待改善 不過餐廳環境唔錯 有幾多卡位 坐得幾舒服既