影片
系旺角返工成日周围揾唔同好野食，首先野食方面算叫做过得去，但系味精极重，食完超级口渴。然后服务态度差，我扫唔到qr code 既时候就举手同一个带眼镜矮矮地肥肥地既女人示意扫唔到，有冇得比纸我写食咩或佢手写落单。之后佢态度十分差咁叫我log in 社交平台 ，我同佢讲唔得之后，个样好串同唔耐烦，好似我错咁。用餐期间，发现呢位女人只会对附近一间男校中学既学生有讲有笑，但对著其他食客都系极不友善。旺角好多附近有好食店，但我以后就一定唔会帮衬呢间野，服务差到咁仲要咁重味精真系咪搞。
继续阅读
车仔面系１款富有香港特式既美食，细个好钟意食，贪佢好多款美食可以选择，十六座车仔面旺角有２间，今日去左通菜街呢间，正值中午时间，店内坐满食客，咁就唯有叫外卖返公司品尝。等候期间，不妨欣赏下佢富有旧香港特式既装潢，店外招牌公整直接，离远都知道佢系卖车仔面既，店内既收银柜有个大大既算盘，墙上有小巴既站牌，旧式筷子筒，日历，信箱，漱口盅，挥春……，面档前采用波浪形铁皮顶，好多几十年前摆设嘅打卡位。至于食物方面，车仔面的食物质量不算特别出众。牛腩有点鞋、鱿鱼带有一点嚼劲，猪大肠洗得干净的。个面拎到返公司有点过淋。汤头的味道中等，没有太多惊喜。柠檬茶采用樽装，有果肉，小甜，好喝但细支，大啖Ｄ就２啖无哂。
继续阅读
好嘅食物，应该要让更多人认识～😋 首先，十六座车仔面喺旺角通菜街，我已经食过好多次，每次经过旺角都会入去食碗车仔面🏮🚶♂️ 餐厅装修好似入返8-90年代咁，佢哋喺装修上明显有花心机，充满咗怀旧风情，你会惊喜原来香港仲有咁嘅地方🛋️🕰️ 餐厅有两层，下层坐满就会安排客人坐上层。不过座位比较窄身，基本上食完就一定会走。🪑🍜 每次我都会叫三𩠌面，我特别推介咖哩鱿鱼、猪大肠，另外辣陈皮鱼蛋、猪红都系好味之选。🍲🍤🐙 服务方面，佢哋楼面人数唔算多，不过客人可以自己用QR CODE落单，减少错单机会📱💡 上菜速度快，等得唔耐就可以食到热辣辣嘅车仔面，医肚真系一流呀！🍜🔥
继续阅读
态度非常之差，收银很不耐烦。同佢讲咗汁分上都冇分到，餐盒费又要收$3😞食物质素非常之一般！所谓新鲜灼骟牯牛肉，根本就系急冻牛冚片！已经可以报海关啦！净𩠌一定要加汤底！车仔面嚟讲真系第一次听! 祝贵公司生意蒸蒸日上！
继续阅读
一天工作完毕……当你心身都累死嘅时候最好揾【至爱】去填补心中伤感🤣【芫荽】我就念起隔2条街嘅老字号【十六座车仔面】嘅【芫荽汤底】。全碗面都系【绿色】好有草原嘅感觉😍😍😍😍。青BB嘅芫荽汤😋虽然冇咗我次爱【鸡肠】但都有流心蛋同牛肚。我仲选择了盐烧牛舌心【无失水准👍】饮埋海盐柠檬汁简直系……完……美🤣一日嘅辛劳冇哂🤪
继续阅读