十八座狗仔粉

深夜坐好左想落單，叫極冇人理，叫到有人嚟又話叫你用code落單，俾咗code你之後又話比錯要你再用過第二個code落，成班阿姐唔知做乜。叫人點幫襯你？成班唔憂做咁，愈做愈差，檢討下啦…查看更多

去買左燒賣 下脾 狗仔粉 貢丸食 點知食完之後 過咗幾個鐘急性腸胃炎 屙嘔發燒冇停過😅😅衛生方面請改善一下 服務態度好但衞生真係好差 好失望 無諗到幾年都唔食一次一食就屙嘔🙏🏻…查看更多

以前好喜歡食佢既火鴨絲碗仔翅！入到元朗專誠想搵番黎食，覺得價錢比以前貴左！但碗仔翅加左火鴨絲有種獨特香味，的確係好食既！但狗仔粉就退步左好多，份量少， 粉又軟又冇咬口，成碗淨係食佢既榨菜。整體CP值不高！…查看更多

元朗分店，好耐冇食，不過以後唔會再去。近排連續兩晚收工買鴨髀，太耐冇食咪問個有白髮男人上定下髀滑啲，佢冇眼神交流，態度超差，好唔想答咁，要隔離嗰位女士幫手答我。下髀ok, 加多左碗仔翅碗仔翅出事，魚肉好粉，翅好傑唔識形容總之難食。第二晚都見到佢，一樣冇改善，好似得罪佢咁，根本就趕客！我會繼續食，但係唔會返去元朗嗰間，講完。…查看更多

［十八座狗仔粉🐕］-晚夜肚餓想食個宵夜就冇意中發現咗十八座狗仔粉😋佢係開廿四小時🫡無論幾夜都可以食到熱辣辣嘅狗仔粉😌-😋狗仔粉🐶 $34狗仔粉唔會太淋，硬度啱啱好😎個湯有蝦米同冬菇食落好夠味😜小編就最鍾意佢啲菜脯鹹鹹地又爽脆為狗仔粉增加口感😙👍🏻好味指數：🌕🌕🌕🌕🌗-😋魚皮餃配特製醬汁 $16魚皮餃有五粒🖐🏻重點係個特製醬汁食到我laam laam 脷非常惹味😌好味指數：🌕🌕🌕🌕🌗-📍💸人均消費：$25…查看更多

鍾意食狗仔粉，元朗呢間最鍾意佢既味道，湯底有蝦米🦐味，鍾意食菜脯，我會另外再加辣菜脯，加五蚊加豬油渣，倒埋落去好好食，入面有冬菇肉，有蔥，麵質正，每次食都食曬成碗停唔到口。…查看更多

買時個人態度極差個肥既女人問有無加胡椒粉個d佢好串話要加乜之後加個時又串串貢，真係未見過態度甘衰碗野網上講到好好又5係平真係未食過甘難食既碗仔翅如果無試過5需要試又咸又杰好少食到甘難食仲要賣$33米甘貴外賣加$1👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…查看更多

🍀芫茜關注組🍀好耐冇食過十八座狗仔粉心血來潮衝入去食期間限定爆多芫茜火鴨翅😍火鴨翅保持水準 煙燻味好香爆多芫茜 係爆多😂每一啖都有!!!食埋佢個狗仔粉😜辣菜脯真係勁辣呀, 大家要睇住落狗仔粉都好足料, 食到好多豬油渣不過就感覺細碗左....😣魚蛋係小編最愛既陳皮魚蛋, 一定要食呀~飲埋佢個自家竹庶茅根~ 清一清熱氣呀嘛📌十八座狗仔粉…查看更多

第一次食地d甘難食既野，連最簡單既翅都煮到甘.....上網見到佢咁出名，諗住叫個外賣試吓啦，點知返到嚟，真係大跌眼鏡囉。個個所謂既火鴨魚肉翅🤬真系不予置評，個翅打茨打到一個點，碗野差唔多啡白色甘，食落去”結達達”，一大陣生粉水味。所謂嘅細雜，全部好似比水煮熟之後，就甘倒羹醬落去，上面有辣醬既就辣到咩甘，下面個d完全系冇味（備注:已撈）完全唔知自己食緊乜🤮🤢呢間野d野食真系真係難食到一個點！要特登開返個OpenRice AC去評價佢！唔會再幫襯囉！🤬…查看更多

第一次去食，就比左垃圾體驗我，幾好食都唔會幫襯。話說夜媽媽得幾間鋪頭，就諗住試下間野，好似幾出名，打算叫碗狗仔粉同燒賣，咁auntie店員就有兩個，客就得一個，全程兩個店員手腳勁慢咁係廚房同樓面周圍走，唔知忙乜，填好紙+寫左食乜+拎埋錢，等左成個字，眼尾都唔得閒理你，浪費人時間，唔想再等就走左。我知做唔做都係收咁多人工，賣多一碗賣少一碗都唔關啲店員，做老闆最高興就係請左依啲員工，未食過依間野，係未來都唔會試，多謝你啲員工thx…查看更多

三個月前食碗仔翅，味道好濃好有火鴨絲味，用料很足，啖啖都有肉絲同木耳。然後搞掂我成日心思思夜晚想買碗做宵夜。怕肥所以都係一星期或兩星期幫襯一次，次次都食到好滿足。今日心思思又想食，於是去買宵夜。返到屋企，見到色水淡少少，以為眼睛有問題，一食落口，完全唔掂，淡到以為自己味覺有問題，無味的生粉水。一入口只有杰的感覺，而唔覺得有火鴨絲味。明白疫情關係，生意差d，但係食物質素咁差，係咪想連忠粉都唔要？希望好好改善下，祝生意順利。…查看更多

細細個有食過狗仔粉的都係喺酒樓先有，嗰陣食的係銀針粉，頭尾係尖的，似狗仔尾所以叫做狗仔粉。息微左一段時間，呢份懷舊小食重新喺江湖出現，令港人重新回味。不知道是否疫情關係還是節省成本，即使堂食都使用即棄餐具，實在不夠環保。店內的電視機不斷重播店主的訪問，所以堂食一次可以了解店主創業的起源同用咪去整狗仔面同火鴨翅。喺呢度就唔重覆喇。今次點左火鴨翅($30)及細雜($28)一碗火鴨翅三十蚊都唔平，但還好份量大碗少少，口感豐厚少少，用料及味道又特別少少，所以都覺得俾30蚊都ok。同普通碗仔翅最唔同的地方係用燒鴨肉絲黎煮，令到食落燒肉的味道喺翅入面製造多一重香味，呢個都係突圍而出的地方之一。另外點左細雜燴，入面有豬皮、蘿蔔、大腸同豬肚，質感同口感都一般，食落本身無乜調味，所以味道主要係黎自佢地自家整的千味醬醬。蘿蔔有幾已經好大舊，所以真係雜就唔算好多。…查看更多

今次嚟到18座狗仔粉唔係食狗仔粉！呢度嘅狗仔粉之前食過喇，加埋豬油渣簡直係絕配，幾好食又熱辣辣，當晚餐一碗麵食都可以！今次再試下佢個火鴨翅同埋飛天脾！🤤 火鴨翅就普普通通，食到有鴨肉嘅翅，但又唔算係好驚為天人！ 但係我就好欣賞佢隻飛天脾！佢有分上脾同下脾，下脾就貴兩蚊，但下脾感覺好似有feel好多咁😍 同朋友一人叫咗一隻下脾，溫度唔算係好熱，但係食落去肉質同埋油脂都好夠好正，絕對係好邪惡！兩個人揸住隻脾係咁扯，真係好好食！…查看更多

朋友話想食得清淡啲，係幾個選擇下, 她最後揀左18座~~~佢地唔講都唔知, 原來佢地唔知元朗有18座狗仔粉, 但身為元朗人既我, 除左深水埗同旺角, 呢間店算幫襯得最多我地間中就會去巡視業務咁, 睇下它質素KEEP唔KEEP 到, 同啲阿姐姐傾下計咁我地每次都必食, 鴨下脾~~~真係啖啖肉架!!!!但今次好失策, 食到一大半, 先記得影相掛住傾計,吹水, 太開心....我係一心想食三多炸脾, 所以今次兩個人只係食左$60蚊, 真係超抵…查看更多

十八座狗仔粉係我在元朗最鍾意食的一間宵夜舖，皆因佢開得夜，價錢又平，叫到成枱野食都係百零蚊😋食過無數次，突然諗起都冇幫呢間野寫下食評★★★馳名狗仔粉 $30以前最鍾意就係食狗仔粉，仲有分大細碗，同埋D狗仔粉短身D口感正D以家得返大碗均一$30，但D粉就變勁長，搞到食麵咁，麵條想扮狗仔粉都麻煩得閒剪剪佢呀😭食呢個粉一定要+$5要個豬油渣，香好多，枱面有勁辣菜脯同原味菜脯可以加，我就最鍾意落勁多辣菜脯，好想另外俾呢個辣菜脯★★★★★５粒星🤣混合食又香又辣★★★★招牌火鴨翅 $30呢個火鴨翅據聞係用四隻燒鴨煲足六小時秘製最足料嘅應該都係呢一款，成碗都有肉同木耳絲，夠晒濃味好食過隔離酒樓D翅，走翅走料得D稀汁🤮+$30有隻巨大的翅滾飛天脾/翅滾火鴨脾(上脾/下脾)，份量十足，不過煲得耐就少不免有點老身乾身★★★★金絲火鴨魚肉湯 $30魚肉都俾得幾多，湯底比較清淡感覺健康但我就嫌略淡所以另加辣菜脯😝粉絲偏粗身但只有幾條仔，多D就更好★★★魚蓉燒賣 $125,6粒左右，軟硬適中煙UN彈牙★★★黑白炸丸 $18以前有黑椒牛丸﹑豬肉丸﹑香菇貢丸﹑墨魚丸４款，老實講，差唔多成$5一粒丸，我就不嬲覺得唔抵食以家仲要只係得返牛丸同貢丸兩款了，實在冇咩特別之處★★細雜燴 $28有原味大腸﹑五香豬肚﹑清湯豬皮﹑鮮甜蘿蔔佢地個秘製千味醬真係唔錯，仲落好多俾你但大腸豬肚呢D煲得有D過於淋身，肥膏太多，冇咗爽口嘅感覺小食嚟講佢真係唔算抵，但宵夜想食D飽肚嘅粉翅，呢間都係好選擇嚟俾好評係因為支持呢間舖好耐了～希望唔好越做越差十八座狗仔粉整體評分★★★★地理環境★★★服務★★★食物★★★★價錢＄＄…查看更多