十八座狗仔粉

营业中

休息中

以前係佐敦食過, 見佢係元朗新開, 又再試下先。叫左個細狗仔粉, 細鴨絲碗仔翅, 黑白炸丸同辣魚旦。狗仔粉如之前網友所講, 真係愈食愈鹹同油, 到後尾已經想放棄 ; 相比之下, 碗仔翅味道濃而不膩, 但要19蚊得細細碗, 實確不便宜 ; 魚旦醬汁非常惹味, 不過都係鹹架啦 ... 我絕對相信老闆主要係想d客幫襯多d 野飲囉 ; 要幫阿姐平反下, 雖然唔見得係服務態度好好, 但絕不惡劣, 大家唔好要求太高啦!

去元朗甘岩見到新開左狗仔粉，一直都想食，所以入去試狗仔粉，碗野好稠 ，D粉好難食，D菜誧味道好怪，而且越食越辣，越食越咸魚皮餃係普通貨色，但淋係佢上邊ge醬真心好難食，我寧願齋食魚皮餃算最後叫左豬腸拼豬肚，D醬同魚皮餃一樣，好難食，加上D豬腸ge肥羔勁多，食到想嘔最後比個近鏡比大家睇下，真係勁嘔心

今晚同女朋友去完游水，肚子餓著搵野食，見到e間野新開，咪諗住試下新野入到去，枱唔算多，有6至7張，我地兩個人只搭枱.人都未坐曬低，個落單，就問食咩？我心諗我連餐牌都未掂就問我地- -，我地都叫等等先呀，但個落單企係到望住我同女朋友，之後佢態度勁差咁話你地諗好先啦我同我女朋友都算啦，可能d野好好食呢，叫好曬，佢黎得好快，但每見一樣野就覺得毫無特別，我地叫左細雜感，蘿蔔同豬皮，兩款都好硬，唔冧。另外又叫左魚皮餃，普通到唔普通，而且叫左兩個狗仔粉，細既，冇驚喜，同街邊粉仔一樣咁。另外，叫左個炸丸，較為好少少…，埋單82蚊，但之後要去食魚蛋填肚題外話，佢個醬好似食腸粉d醬咁……

原來跟男友游完水諗住搵d小食填肚行行行下完到新開既狗仔粉(先前無食過佐敦分店)入到去先醒起原來係綿綿冰之前既位置入到去都幾多人 我地就搭枱坐底左坐底唔夠1分鐘 呀姐就走過黎問食咩之後我地就話未睇到 轉頭先點知佢仲企係度等甘我地咪傾下食咩好點知佢等左陣 態度好差甘話"甘你地等陣先"之後就點兩個細狗仔粉19蚊個 魚皮餃10蚊炸丸12蚊 豬皮蘿蔔12蚊狗仔粉 只是一碗杰野 無辣菜蒲 油渣都見唔到魚皮餃 所謂既千味醬是花生醬加醬油麻油 同出樣食腸粉既混醬差唔多豬皮蘿蔔唔入味 面頭都係用個d千味醬淋上去而炸丸算係比較好食d 表面有小小七味粉既東西總結。 野食一般都算 見佢大大隻字寫住"新長試業 不足之處 敬請見諒"但你d人 態度甘。。。真係無下次

見呢間十八座狗仔粉响元朗開分店(之前未食過佐敦個間)我估應該好食，所以去試下。既然開24小時，我一朝早去食，因為太早去一個客都無，坐低叫左碗細狗仔粉，冷氣好勁。碗野一到，好多配料! 菜脯，蔥，冬菇同兩粒唔香唔脆嘅豬油渣我係食得出睇得見之外，主角狗仔粉令我好失望… 點解唔係用粘米粉自己人手整？又係d不明現成麵條切出嚟!枱面有2樽菜脯可以自己再加，佢d辣菜脯係勁辣! 加左少少都頂唔順…味道唔特別，無嗰種食過番尋味嘅感覺，而且愈食愈覺得咸，又咸又辣要即刻飲水! 平時食狗仔粉一定會飲埋d汁，但佢真係咸到飲唔落… 唔值19蚊