十八味功夫麻辣 (已結業)

讲起红磡黄埔大家可能会觉得学生最多年青人最多 而我就话呢一度附近麻辣米线最多！呢几年呢区嘅麻辣米线可以话系开完一间又一间 其中呢一间功夫麻辣睇落去唔算起眼但原来食落都唔错由于个人本身都好钟意食麻辣薯粉等等嘅嘢所以今次嚟到都系叫咗呢一类嘅食物呢度薯粉嘅价钱同附近几间差唔多大概都系30至$40一碗 唔同嘅可能系佢嘅汤底薯粉嘅质地同埋配菜啦 如果大家第一次食都几推荐试吓呢度嘅捞薯粉 由于唔系热嘅关系食落去唔会觉得太辣 亦都唔怕食到成头汗怕辣既朋友可能都食到 大家亦都可以试吓呢度嘅豆浆方便大家解辣…查看更多

个店员系咁同你讲国语，我坚持同佢讲广东话，佢系都要讲国语……印象分已无咩～麻辣米线($25)配午餐肉2块($6)鱼腐2块($6)碗粉一阵臭味（似羊酥味）每一啖都闻到。。最后 我放弃了以后都食番新川或乐园～无论价钱、味道、服务都好过呢间～…查看更多

同事成日都同我讲十八味既酸辣粉好好食架！所以我得闲就黎试下食😋😋我叫左个酸辣粉加生菜，试下个味先！d薯粉系几好食，而且个汤底真系够酸！因为好多间酸辣粉都唔够酸，得个辣字。所以呢间既酸辣粉我几满意！下次下午茶再黎食！…查看更多

放工已经非常攰,返到屋企附近只系想快快趣趣揾嘢食,之后极速回家瞓觉.就食米线啦,一定唔会耐,最后就随便嚟咗呢一间.冇乜胃口,叫咗个麻辣小锅米线加肥牛,果然好快就到.好少麻辣米线里面会加榨菜,本来系应该赞嘅,但系啲炸菜已经浸到冇晒味而且淋晒,又无味又唔爽口,叫做聊胜于无,起码茶餐厅肯落心机吖.叫咗中辣,一开始系觉得唔辣嘅,有少少不满嘅时候,先发觉越食越辣,虽然唔太麻,但系辣味好有后劲呀!面质实在太淋喇,唔知系咪浸得耐咗.肥牛就唔唔肥而且厚身,少少嚡.虽然碗汤最后真系辣嘅,但总系觉得汤有汤啦,面同埋牛肉好似沾唔到佢嘅辣味咁.唔太识得形容,或者肥牛腌咗未先会好啲.顺带一提,喺碗底打捞到一段猪大肠,心里暗暗希望只系上一碗喺个镬里面捞唔晒,而唔系碗洗唔好.话时话,汤里面系膏状物系乜呢,调味料未捞均?…查看更多

有一日喺红磡做野，无意间经过呢间小舖头，店员在门口极力拉客之下，我就入咗呢间店舖试吓，果然唔错！其实佢午餐嘅价钱比晚餐只系平$5 ，所以如果有机会我都会晚餐你度食下！我嘅推介真系唔会错，咁多嘢食都系$50 ，薯粉粗得来有咬口，入口好滑，我唔系好食得辣所以叫咗小辣，味道有正宗嘅四川感觉！推介佢哋碟鸡，酱汁好味到不得了，总之就难以形容啦，好有鲜味！我没有叫佢哋嘅饮品，改咗要冰凉粉，食完全部嘅食物识我没有叫佢哋嘅饮品，改咗要冰凉粉，食完全部，番杯冰凉粉，淸一下口腔，感觉唔错！呢个套餐包左三小碟餐前小食，一啲都唔马夫，大家可以试试！…查看更多