影片
港铁湾仔站 B2 出口, 步行约2分钟
继续阅读
开饭介绍
人气车仔面店，自选配料提供数十款选择，另亦设有固定组合的招牌面款；其中受食客欢迎的牛孖筋，慢煮48小时后十分香软入味。
继续阅读
营业时间
星期一至日
11:30 - 20:30
以上资料只供参考，请与餐厅确认详情
相关文章
好耐冇食过地道车仔面，经过湾仔见到佢个黄色招牌好抢眼，决定入去试试(旁边系超人气新景园咖喱小厨)▶️ 自选车仔面三𩠌一面起，有多款配料选择拣咗劲腍牛孖筋 ($16)、醉鸡卷 ($14)、蚝油冬菇 ($12)配波菜面底 ($15)牛孖筋系皇牌必食推介，见隔离个游客都叫，冇理由唔试㗎😆一碗有成5-6大条，有啲质感硬啲，有啲就好腍，冇上次「赞好台湾」𠮶个咁黏同似啫喱，不过卤得够入味个人钟意结实啲𠮶啲，食落更有质感，腍𠮶啲似食紧肥膏，的确几值得点醉鸡卷有两件，外表看似普通，味道却有惊喜浸起汤底入边依然保持酒香味，咬落仲啖啖肉，只系鞋身咗少少🐔蚝油冬菇相对冇咁出色，一碗有五粒，size偏细，🍄欠缺香菇味，同埋唔太juicy，质感比较实，唔建议叫清汤味道已经好浓，食完都几口渴😛推介叫多葱去增添口味👍🏻某程度上系为咗佢个菠菜面而来，冇令我失望，质感有啲似拉面加蛋面而唔系虾子面，少少弹牙，浸内阻汤唔会烂虽然冇菠菜味，但系会见到面入边有啲斩碎咗嘅菜🥬感觉健康啲-以车仔面来讲，水准唔错环境企理唔污糟晏昼嚟到多人，本身要搭枱，好在咁啱有枱客食完走咗，先搬咗去卡位坐服务好，啲姐姐好有人情味，见我哋搬枱即刻过嚟帮我哋收拾清洁☺️完全冇面色，见到外国游客又会攞个英文餐牌同佢哋介绍性价比高，冇收加一，我呢个三𩠌车仔面唔使$60，份量合理食完仲可以储印仔，储够三个已经可以下次换一杯免费豆浆~
继续阅读
14 蚊得一条墨鱼腐皮卷 揾笨 质素系佳宝卖𠮶啲质素。。仲要外卖设计好差 通常分汤都系上面摆面下面系汤 但佢啱啱相反 上层容器较浅 会容易啲倒泻汤攞外卖𠮶阵 成日啲汤都已经洒晒落个胶袋度 拎到返去食𠮶阵 装汤嘅容器cup 实喺碗面上面，拎碗汤出嚟𠮶阵好容易弹到自己味道还可以 猪软骨同咖哩猪皮都几好食 但唔同𩠌嘅性价比唔一样
继续阅读
今日做完运动 朋友仔话想食车仔面 咁就去咗附近一间叫十兄弟车仔面试吓我哋各自叫咗一个自选车仔面 一个招牌八宝面加可乐先唔讲食物质素好唔好 大家可以睇吓图片呢一嚿系乜嘢原来呢度就系招牌八宝面其中一个𩠌牛坑腩 哗哗哗 真系唔讲唔知 呢个𩠌仲系皇牌必食推介 差啲以为厨房俾咗嚿煲汤瘦肉我 定系知我最近减肥所以要食清淡啲？好老实屋企人煲汤落个嚿肉都好过你讲返碗八宝面 鱼蛋都系一个亮点 陈皮味好淡 鱼蛋实的的 猪皮好细块 汤底唔够热 唯一合格系白萝卜 食落几清甜 但肉眼睇仲有渣另外我个自选面 鸡肾偏硬 猪软骨细嚿同散 咖哩牛栢叶够入味 卤水汁汤底同米粉好夹香港餐厅成日话租金贵 成本高 又话香港人钟意北上消费同旅游 埋怨之前 谂吓你嘅食物能唔能够留得住班客 食完会唔会再返黎食 而唔系求其喂饱个客就可以得过且过
继续阅读
车仔面是好多香港人的心头好 亦是香港传统街边美食之一 车仔面可以根据个人喜好 自由配搭不同的种类的配料 车仔面精粹在于配料 面底 酱汁在湾仔附近工作完 经过春园街 见到呢间小店有车仔面 又没有长长的人龙 决定试一试招牌八宝面有八种配料 好适合想试多几样配料的我 配料有柱侯牛腩 卤水猪大肠 猪红 咖喱猪皮 萝卜 陈皮鱼蛋 粟米 云耳配料整体比较普通 没有令人特别惊喜的感觉 大部分配料都正正常常 萝卜比较出色 无渣又清甜面底同酱汁都普通 可以再浓味一些 但饮完不会有口渴的问题
继续阅读
睇到好人like去试吓，点知又贵又唔好食👎🏽材料正常味道，但自家制辣酱，冇阵次得（死辣）差过超市辣酱，令到碗面唔觉系食紧车仔面，面还面，汤还汤，𩠌还𩠌，辣酱还辣酱，叫几个𩠌已经成100蚊，宜家好多车仔面都有奶茶咖嘛，呢间又冇，只得汽水同豆浆，谂唔到咩原因会再想去，冇吸引力，唔会再去。真系唔明点解咁多人likes🤔😏。如果见到就唔驶黎，顺路又唔睇价钱就自己谂吓食唔食，因为格离左右都好多选择。
继续阅读