十兄弟車仔麵 (已結業)

今日同朋友嚟咗試呢個車仔麵，佢有好多平時傳統車仔麵冇嘅餸，非常特別。叫咗個招牌牛嘅車仔麵，加咗個炸燒賣，佢嘅牛湯非常濃郁，最過癮係佢嘅辣醬加埋湯係幾好味嘅。另外都嗌咗個自選車仔麵， $9就可以試到紅燒鮑魚，覺得佢出色嘅位係啲冬菇炆得好入味。整體都唔錯，可惜味精落得有啲多，食完覺得有啲口喝。

-十兄弟車仔麵🍽- 自選車仔麵車仔餸就有$9/$10/$11/$13咁價錢唔算好貴而配料都有d幾特別小編都叫左黎試😂鮑汁魚肚/台式豬腩肉/醬爆瀨尿牛丸呢幾款都唔錯😋小編私心推介香辣玻璃魷魚咬落爽脆👍麵底有個幾特別既菠菜麵都唔錯食完覺得車仔麵好健康🤣-腐乳通菜食車仔麵必點腐乳通菜唔知點解咁樣食特別有風味🤣-陳皮檸檬茶呢度個陳皮檸檬茶幾特別係新鮮製造小編叫完一支就賣哂了😂-🌟評分:🏅🏅🏅🏅📍地址: 灣仔春園街地下16號舖-#foodieluveat#foodisluveat_hk#foodieluveat_灣仔#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #車仔麵 #灣仔

估唔到依家車仔麵都有淨餸菜底啦🥳 好鐘意呢啲咁flexible 嘅店～好欣賞呢間小店嘅堅持🌱🌱淨餸菜底，菜底可以揀生菜、通菜、菜心或紫菜～有埋紫菜都幾特別，我揀咗通菜～配料揀咗通菜+蠔油冬菇+柱侯牛坑腩 正到不得了Wow! 仲可以揀多蔥+腩汁+多汁+小辣！小辣用匙羹分開盛上，多蔥同腩汁喺車仔碗裡面，佢原本個清湯底就另外上！最勁嘅喺飲哂啲湯個喉嚨都無好乾！無落味精啊！！另外叫咗個小食韭菜豬紅蘿蔔，味道都幾清淡健康

朋友介紹灣仔十兄弟車仔麵 啲香辣汁好好味，係店家自己調製，趁今日放假，約埋佢去食，味道真係唔錯，值得推介！店舖地方雖然不算大，整體來講都乾淨衛生。豬紅、豬皮、雞中翼配幼麵，湯底加左香辣汁，濃郁惹味，幼麵掛湯後，口感彈牙，辣辣哋好惹味！價廉物美的豬紅、豬皮煮得入味，勝過不少山珍海錯，雞中翼都好嫩滑入味！小食炸雲吞半份，跟餐有優惠，即叫即炸，香脆可口，每粒雲吞都有蝦，好味！豬紅、豬皮、雞中翼、台灣腸、豬大腸配粗麵，台灣腸皮脆肉香！肉汁够多又彈牙，豬大腸清洗乾淨冇異味，滷得入味夠林。香辣汁有得揀多汁，如果食得辣真係可以加多些，超級惹味！

咖哩汁香脆豬元帥粗麵 （$68）已經包咗福建豬肉丸 鹵水豬大腸 台式豬腩肉 香炸豬頸肉 泰式炸豬皮 😘泰式炸豬皮炸得香脆 鹹鹹香香 一定要試👍👍車仔麵當然唔少得自己揀餸喇😙舖頭皇牌必食推介嘅香辣玻璃魷 每條魷魚鬚粗而厚肉🫶唔會到喉唔到肺 🤩鍾意食牛嘅朋友一定要嗌勁焾牛孖筋 柱侯牛坑腩 絕對唔會失望 軟綿綿勁入味 好味 😋😋成碗車仔麵所有餸擺得好整齊 生菜放碗邊 🤤仲有加辣菜脯配上多蔥 味道鹹鹹香香✌️仲可以揀菜底 有生菜同紫菜揀 啱晒想減澱粉既朋友🫰

今天一直下大雨，所以想簡簡單單的食一餐。走進了灣仔一間車仔麵的小店。這裡除了傳統車仔麵的餸菜外，還加了很多其他的餸菜，如鮑魚和魚肚等，選擇十分多。湯汁亦有好幾個選擇，還可選多蔥。每樣餸都十分有水準，尤其鹵水食物，非常入味，如豬大腸和牛腩等，味道都很好。-香脆豬元師（選鮮製油麵+鹵水汁） 福建豬肉丸，鹵水豬大腸，台式豬腩 肉，香炸豬頸肉和泰式炸豬皮，多蔥-自選車仔麵（選菠菜麵+腩汁） 鹵水豆腐，柱侯牛坑腩，蠔皇原隻鮑魚仔，多蔥-可樂

🔻心血來潮好想食車仔麵，喺附近周圍搵嘢食，揀咗十兄弟車仔麵，喺門口已經見到店舖入邊差唔多滿座咁滯。快快趣搵個靚位食個靚晚餐。入到去，店舖座位都多，而且乾淨企理👍🏻👍🏻，眼見店員不時都會抹枱清潔，令客人疫情中在外食飯都十分放心☺️ 店舖除咗有Menu，仲可以手機落單，兩樣都唔想睇嘅客人，其實十兄弟店鋪四周圍都貼滿晒大大張嘅食品相片😆 大大聲落單都ok掛(哈哈）😂😂😂🌕食神嗱喳·米線［醬爆瀨尿牛丸、香辣豬紅、香辣玻璃魷魚🦑、蘿蔔、魚肚］💲49🌟推薦指數：●●●●●●●●○○皇牌菜［醬爆瀨尿牛丸］唔係浪得虛名，超推介‼️‼️大家食果陣真係要小心😂，我一咬d汁差d射親對面客😂😂😂好彩有塊格板😝😝 魷魚🦑夠爽口😙蘿蔔同魚肚都非常入味👍🏻🌕柱侯牛四寶·菠菜麵［五香金錢肚、濃汁牛丸、牛坑腩、牛孖筋］💲65🌟推薦指數：●●●●●●●●◐○專程叫菠菜麵，冇失望幾特別，仲有視覺享受🥰 牛四寶係成碗麵嘅主角 缺一不可‼️有秘製炆咗好耐又有口感嘅牛坑腩⭐️「三大舊」又焾又入味嘅「珍寶級巨型牛孖筋」骨膠原爆燈 、成蜂窩狀嘅金錢肚、入口香濃牛味嘅牛丸😋😋😋 🌕唐揚炸雞塊［全份］💲30🌟推薦指數：●●●●●●●●●○拿拿拿，

有時想求求其食一餐, 就會諗起嗱渣麵😎而間係灣仔既嗱渣麵, lunch time好多人排隊今日就試下佢嗱唔嗱渣🤪🤪🤪♦️呢碗唔野少 ($75)餸: 蠔油冬菇, 鮑汁魚肚, 香辣魷魚, 紅燒鮑魚, 蟹柳車仔麵有鮑魚魚肚食, 真係好高級😂😂鮑魚有兩粒✌🏻炆得好入味而且煙韌~魚肚好厚身而且爽口, 仲索曬湯汁😝蟹柳唔係平時d cheap蟹柳, 唔錯~轉左菠菜麵, 麵質同油麵幾似, 但感覺會健康d🤣♦️食神嗱渣麵 ($49)餸: 醬爆瀨尿牛丸, 豬紅, 蘿蔔, 鮑汁魚肚, 香辣魷魚豬紅無一夾就散, 蘿蔔無渣, 魷魚爽口最正係粒牛丸, 真係爆曬醬, 一D都唔嗱渣🤪中意食嗱渣麵既你, 而間都唔錯但有接近50款餸選擇, 有選擇困難症既可以學760小姐咁叫😝評分: ⭐️⭐️⭐️

今日中午嚟到春園街食10兄弟車仔麵😆😆中午時間都幾多人！好多菜式可以揀，連平時冇嘅鮑魚都有😚所以我就點咗一個波菜麵加鮑魚加蘿蔔同墨魚卷！辣汁就另上，非常值得試😗波菜麵都幾好食,吸晒湯的。蘿蔔清甜、鮑魚彈牙！墨魚卷食到墨魚粒粒添😁😁朋友叫咗魚皮油麵燒賣魚皮餃等等非常豐富！配炸魚皮真係冇得輸，魚皮吸晒湯口感十足~~ 仲加咗至五花茶😝夏天飲一流#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

最近又開始可以睇返show啦😌係春園街買完奶茶見附近有間車仔麵，個名叫十兄弟幾搞笑，店鋪望落都算光猛就入左去啦。入到去既感覺都好乾淨企理，兩邊分晒一格格就最啱一個人快食唔駛驚要同人搭檯。食物選擇實在太多三心兩意嘅我都搞咗成5分鐘先至落到單，用QR code落單好方便。最後叫左墨魚腐皮卷、豬軟骨、豬大腸同埋魚皮餃，配滷水汁加辣汁。麪底選擇左鮮製油麵，食落真係係油香得黎無一層好厚既油包住既味道，都算係爽身唔會膩。墨魚腐皮卷係比想像中好食，睇個樣好似好淋咁，咬落去有啲墨魚肉係入邊，幾有層次，而其他食物都好食同夠份量。最鍾意係佢既辣汁，本身剩係叫左小辣，最後都忍唔住叫姐姐俾左一碟我🤣，用黎點餸食都好惹味🤤最後加埋杯王老吉就perfect啦！呢間將會係以後去睇show前嘅好選擇👍🏻

上次經過被海報吸引，食左一碗快靚正既牛筋腩車仔麵後，這日來灣仔，特地再訪。十兄弟車仔麵，除左快靚正外，冷氣亦非常涼爽，行到一身汗，入去食碗麵，飲下豆漿，再繼續行街，正！！🔰柱候牛四寶 $78餸菜鋪滿碗面🍜份量超多～🔸慢煮柱候牛坑腩炆得好焾，肉味香濃！🔸慢煮勁焾牛孖筋真係好焾，好入味！🔸慢煮五香金錢肚口感鬆軟，一咬就開！🔸牛骨濃汁牛丸牛味濃，一咬爆汁！牛筋腩，金錢肚經過長時間慢煮，有口感又唔會死腍死咸，值得一試😋🔰香脆豬元帥 $81一次食齊豬既不同部位 ～🔸福建豬肉丸爽口彈牙！🔸滷水豬大腸洗得乾淨，香滑又唔羶！🔸台式豬腩肉五花肉肥瘦均勻，好入味！🔸香炸豬頸肉炸得好香，煙靭有口感！🔸泰式炸豬皮沾湯食，香脆唔油膩！香脆豬元帥都好味，但個人喜歡食柱候牛四寶多 d 牛筋腩經過慢煮，口感比豬腩肉更香軟入味❗️🌈十兄弟車仔麵🌈灣仔春園街地下16號舖🌙月光太太

嚟到灣仔修頓球場附近見到呢間車仔麵店長期大排長龍 咁就一於等一陣試吓佢先 車仔麵嘅餸選擇非常之多而且 有別於出邊一般嘅車仔麵檔 好似有鮑魚 牛筋 吉列豬扒等等出邊都比較少有 入到嚟揀餸都揀咗10分鐘 最後揀咗蘿蔔 牛坑腩 牛丸 仲有得揀生菜底 配埋佢個秘製汁 估唔到佢個汁濃到不得了 提高左食物嘅質素 最特別一陣係佢個牛坑腩 肥瘦均勻 非常之入味 呢個推介 最後叫咗個吉列豬扒小食 佢又真係炸得非常之香脆 配埋個蛋黃醬簡直係完美 唔怪得呢間長期都大排長龍 真係有原因

今日去到灣仔春園見到這間車仔麵有條小龍就排隊試下。排左10分鐘左就等到位啦😁店舖雖小，但乾淨企理。點左招牌八寶麵有齊牛坑腩、大腸、豬紅、豬皮、蘿蔔、辣魚蛋、粟米同雲耳。  呢碗麵唔止有份量，仲要有質素。牛坑腩好淋身大腸又夠乾淨夠肥身，豬紅、豬皮都入味。招牌陳皮魚蛋勁正😋😋朋友點左碗唔野少😁  有蠔油原隻鮑魚仔、 蠔油冬菇、日本珍寶蟹柳、辣魷魚等配鮮製油麵車仔麵都可以咁豐富好 chill😎 下次再去試其他料先😁

好耐冇食過車仔麵，好想叫好多款餸，就食呢間十兄弟。入到黎，淨係睇到啲相都已經流口水，好肚餓。好，坐低睇下有咩好食先。呢度係掃曲落單，車仔餸有好多得揀，我叫左牛筋、牛坑腩、魚腐、生菜，炸魚皮，每款餸都有好多件，打爆左隻碗，抵食！魚腐都有三舊。牛筋夠粗又實淨，係滿滿骨膠原呀！牛坑腩好腍身，食落有牛味，肉質唔會黏牙。呢度個菠菜麵都幾好食，麵質有咬勁。朋友仔碗麵都唔輸蝕，又係滿滿嘅牛筋，個牛栢葉都好入味。

同事係個車仔麵迷，每次發現有車仔麵食就要去試吓，今晚就去灣仔十兄弟車仔麵，餐牌價錢平民之外，還有多種款式配搭。最豪十兄弟：份量足且價錢實惠，配料有紅腸、炸燒賣、炸雲吞、豬頸肉、炸魚旦、魚皮餃、蜜汁台灣腸、墨魚春卷、魚腐、芝士腸。足足有十樣餸，配粗麵，咖喱汁小辣。其中炸雲吞 皮脆肉量足，大腸唔會太肥又乾淨，質感軟腍。墨魚春卷軟綿口感配搭墨魚的煙韌口感，帶出墨魚味的清香。咖喱醬汁濃郁帶少許辣，香噴噴好惹味呀！自選靚麵：香辣豬紅、咖喱豬皮、滷水豬大腸、炸枝竹、幼麵、咖喱汁小辣。車仔麵必叫嘅豬紅同豬皮夠入味，麵底爽口，掛湯後更美味！老闆娘招呼週到，還送上自家秘製辣汁給我們試吓佢話配搭車仔麵，味道更惹味豐富！辣汁可以揀辣度，的確比咖喱汁更惹味，下次一定再來食過！