十二韻

营业中

休息中

買咗杯珍寶粿奶茶，嗰杯奶茶一飲落去覺得啖啖都係糖漿，最後直程飲兩啖就掉咗，真係好差嘅體驗！仲要重點係＂已·經·叫·咗**少甜**！真係對呢間舖好失望！唔會再幫襯！仲要係佢哋王牌，我想問一杯咩王牌可以飲到你糖尿病咁滯呢？而且售價亦都唔係平。其實好真心係咪應該要俾啲培訓啲員工呢？同埋好明顯係糖漿調校嘅比例，出現咗嚴重嘅落差，先會搞到杯嘢連茶味都冇，淨係一味死甜！今時今日喺咁大嘅競爭之下可唔可以努力做啲水準？用心去整一杯珍奶…..而且周街都係舖頭，珍奶真係唔需要特別幫襯呢間第二次，寫呢篇文希望大家見到自己睇路。

今日放假約咗一班朋友一齊打牌，然後口渴就用Keeta叫外賣睇吓附近有啲乜嘢台式飲品咁啱見到荃灣有一間12韻專賣珍寶果而出名當中粉果最出名！我哋一行四人叫咗四杯嘢飲平均$35一杯🥃😊我就叫咗杯冬瓜鐵觀音加粉果，一嚟到飲咗一啖，雖然已經叫咗微糖少冰都係覺得有啲甜，不過試吓佢嘅粉果真係超級煙靭好好食份量又唔似出邊其他舖頭咁得幾粒。冬瓜味都幾出，但係一飲完一陣就開始頭痛，唔知係咪鐵觀音太涼。而我都試咗另外一杯，朋友叫嘅百香果冰茶入邊有珍珠同椰果呢杯都係有啲甜建議大家如果叫嘅話記住走糖！不過我覺得呢間嘅粉果係香港數一數二嘅好飲！

叫D字頭外賣，森半抹茶，飲唔完果晚倒左落水盤，沖一沖就去訓，因為眼訓無check，點知第二日發現未沖走，仲變成好強既漬，最後要刷左一陣先清到，咁恐怖既，正常抹茶唔會咁呀？叫左咁多其他店都未試過，唔敢再飲！

每次去荃灣廣場附近都一定會買呢間既珍寶粿奶茶飲但要留意佢珍珠用黑糖煮所以偏甜通常會叫微甜/走甜（雖然都會覺得好甜）粉粿香港好少手搖店會有呢間既粉粿珍珠好煙靭珍寶粿配料差唔多有半杯咁多有時淨係飲一杯都夠飽中意煙韌既我基本上淨係會叫呢款飲😂

今日口渴，聽朋友講荃灣嗰間十二韻啲茶好好飲，于是揸車去試下，咁就買咗一杯自己最中意嘅綠茶試下，嗰杯百香果Q 彈綠茶，一飲落去好好飲，甜度啱啱好，百香果味啱啱好，又有茶味，價錢都好優惠 22蚊一杯 大家快啲去試下啦

【消暑一流·香港都飲到正宗台灣味道😝】/////小編最常去台灣旅行 偏愛台中台南飲品🇹🇼最近喺香港都揾到有過江龍嘅台式飲品店 手工蜜蔗糖代替砂糖 配料有珍寶粿、粉粿等自選甜度以半糖為最貼近香港人口味～｜抹茶和粿奶茶 ($38)京都宇治抹茶 抹茶香氣味道都好濃郁❣️和粿加入黑糖 香甜Q彈 ♪(´ε｀ )｜焙煎蕎麥鮮奶茶 ($33)100%台灣蕎麥焙炒 無咖啡因✌🏻明治4.3鮮奶制作 入口濃厚順滑茶包可以再另外回沖 環保又健康😌———📍十二韻 (荃灣)荃灣圓墩圍67號地下C號舖

上星期行過荃灣西嗰邊 天氣咁熱梗係想飲番杯凍嘅嘢啦！最近都飲少咗珍珠奶茶或者奶茶類嘅嘢飲，咁啱行過見到依間飲品店就同朋友買來試吓見到飲品名方面都幾特別 ，好有台灣特色。 分別叫咗「森永抹茶奶綠」（$32） 同埋「Cheese 魔法甜心」（$34） 首先「森永抹茶奶綠」， 味道方面一般，朋友忘記咗有冇叫少甜但係杯野真係甜到爆炸😅😅😅但係抹茶味都幾濃。「Cheese 魔法甜心」，個名都幾得意，聽個名就知道絕對係芝士奶蓋。魔法甜心即係指紫薯味嘅奶茶。 紫薯味幾濃，個人嚟講幾鍾意佢嘅芝士奶蓋因為芝士味幾重同實淨， 唔係好稀 不過杯野即使係半糖左都係甜到漏😧有啲無法想像正常糖會幾咁甜😅😅

本身諗住去便利店買支茶就算，咁啱經過見到佢有鐵觀音茶仲有凍，因為行完街熱辣辣又食完啲熱氣嘢，真係需要有杯冰凍嘅嘢解一解，問吓店員如果冇糖水， 佢話加糖水都得嘅但係我當然唔使啦， $22都算幾大杯， 個茶底都唔錯😬

第一次寫食評，openrice 外賣自取魔法紫芋波波，看凍飲圖片好吸引，期待有芋泥 有奶香 ，結果就是奶精糖水，一丁點芋頭都無！是因為熱飲嗎？不可能吧…同樣收$38 ！有點生氣…

已經飲左幾次，百香Q果綠好飲，有10年前去台灣飲既味道。珍珠奶茶同珍珠鮮奶茶就麻麻，奶味茶咪都淡。臨近萬聖節，仲有糖拎。有心機裝修的小店，服務態度好，可惜開係呢個冇乜人流既位。

#鼠尾草食飲玩 #sagefoodiehk台式手搖🇹🇼 × 飯後甜品🫶🏻 × 邪惡🤤食完嘢喺荃灣行吓街🙌🏻，不過呢排嘅天氣真係頂唔順🥵，行兩行已經想出汗🫣。咁啱經過呢間手搖店🧋，發覺原來原來唔簡單✨，喺台灣嚟嘅過江龍😚。所以嘢飲嘅味道真係有台灣街邊嘅感覺💖，配合埋咁熱嘅天氣，感覺真係喺台灣街度裏邊行緊🥰。就算嗌咗半糖， 對鼠尾草🌱嘅口味嚟講都係偏甜，所以睇得出佢應該係南部嘅口味😳。不過珍珠真係夠煙韌，鍾意𡁻珍珠嘅人，會覺得好滿足😍。💰 手遨仙草甘茶 ($22)💰 珍珠奶茶 ($25)🥢 十二韻🗺️ 荃灣圓墩圍67號地下C號舖

叫左杯富士蘋果蜜紅茶(少糖) $28睇佢官方圖片好似好多蘋果粒粒幾吸引（由於冇影相，所以大家可以自行搜尋官方圖片）但實際上嘅蘋果粒粒連杯底表面的薄薄一層都覆蓋唔到..可想而知有幾少…味道上亦冇乜特別，就係同日常會見到嘅某款紙包飲品大同小異..

買左5次，好飲係好飲，不過好幾次都係朝早冇珍珠，12:30都係冇珍珠，而且半冰仲係有好多冰…今日落單更加係等左20min，前提係鋪頭都唔忙碌。。。加熱器未得應該同個客講一聲，而唔係咩都唔講，比個客傻傻地等咁耐

之前去台中玩已經飲過十二韻，個陣都覺得茶味夠，又清新，估唔到而家係香港都有得飲！地點就係荃灣廣場附近都好方便，因為食完片皮鴨都有點膩膩既感覺，所以今次就試左係香港比較少見，望落好似好清新既蜂蜜檸檬粉粿。飲第一啖回憶即刻返晒黎，同台灣一樣咁清新，而且蜂蜜既甜唔係死甜，應該都係真蜂蜜，而粉粿口感好特別，原本以為會以愛玉個種質感，但原來一d 都唔同，佢係比較qq 既口感，咬落去仲有淡淡既蜂蜜味！感覺好舒服，重點係佢淨係得一個size，杯杯都咁大杯，飲完即刻飽晒又消暑，下次經過荃灣都會想試埋其他飲品🤩

台灣過江龍–十二韻終於黎到荃灣啦！十二韻係荃灣廣場果邊好方便，人氣挺旺盛，排滿曬人！店家出售多款香港少見的台式飲品，包括珍寶粿、粉粿等，全部都好似好吸引！蜂蜜檸檬粉粿粉粿極足料！咬落去彈牙有實在口感，食落有Ｄ似椰果，味道甜甜，配上味道出眾的蜂蜜檸檬味道，平衡味道至酸酸甜甜。夏天飲落一流，消暑又解渴，最緊要大大杯，邊行街邊飲降溫！一如已往，可以自選甜度及冰度，店家推薦香港人初嘗試，可以選半糖，味道岩岩好！CP值超級高，我推薦大家飲蜂蜜檸檬粉粿