十二味 (如心廣場二期)

营业中

休息中

行街見到有間寫住有酸菜魚午餐，價錢又唔係好貴，抱住試新嘢心態入去，睇下有無中伏，間鋪入面燈光比較暗，唔知係燈光效果定係響應環保節約用電，侍應帶我入去坐窗邊位，與檯之間係非狹窄，我帶住個背囊幾驚整到隔離檯啲餸，落單要自己掃QR code,我本人就比較唔鍾意用呢種方式落單，二話不說就叫個酸菜魚午餐，等左大約5分鐘，一碗怖滿油光酸菜魚就送到我面前，魚容易散，無咩味，一食落口會覺得好油，酸菜就比其他食到好酸，辣味麻味無咩特別，可能為配合白飯所以味道比較重口味

見到午市好似幾抵食，平均42至68就有一個餐，唔洗加一。午市套餐係包主菜，酸梅湯，白飯以及一小碟前菜涼拌土豆絲。酸菜魚賣相好一般，食落係夠酸，唔會辣但係真係好油，D油浮晒喺面魚肉唔算新鮮，但分量夠多口水鷄酸酸辣辣，好適合配飯好鍾意呢個汁，應該係秘製鷄肉都好嫩，價錢$48，好值得一試水煮牛肉牛肉完全唔得，好嚡，似豬肉多D個味係ok，有小小芽菜墊底冰粉完全係伏，唔好食得嚟仲要貴面頭嗰幾粒提子乾，又硬又有怪味冰粉個味都有小小怪，唔甜唔酸，奇奇怪怪

上次行山友人老婆說喜歡吃酸菜魚，星期五1 0月16日相约一起去吃，在谷歌搜尋見到這間酸菜魚連鎖店，似乎有不少好評，於是相約一起去試試看，點知中伏。訂了6:30分4位，坐了卡位，說不上舒適，但還可以。點了招牌菜，酸菜魚，口水雞，葱油撈麵，炒花菜，回鍋肉，整體來說除了酸菜魚湯頭超級咸外，其他的都可以。其實我在國內想找一家正宗又好吃的酸菜魚也不容易，不是每次都滿意，以為香港這家以連鎖經營的集團應該可以吧。誰知也不是很滿意。只能說ok la, better than nothing 試過就算了，不是很出色可以再回來吃的那種，不知什麼時候，香港人吃東西可能條脷已麻木了，往往要極重口味才能有感覺，雖然吃東西非常個人口味，但超級咸，咸到入吾到口都話好味，真的有些不明白?酸菜魚除了魚片以外，就是那魚湯湯頭了，在咸酸鮮裡取得平衡當然不是簡單的厨藝，在這家所謂專門吃酸菜魚的連銷店做這招牌菜的味道，明顯是令人非常失望。只好再继續再去東找西找，希望可以找到一間出色的酸菜魚食館

之前喺西環嘅時候已經食過幾次十二味嘅lunch，今次行開荃灣呢邊經過如心廣場見到即刻要再encore呢度主打係酸菜魚同埋香鍋，本身諗住兩樣都食嘅，不過由於要等成個幾鐘所以我哋過咗Donki行咗一個圈食咗啲嘢所以今晚淨係食得落人見人愛酸菜魚😍酸菜魚一嚟到已經好香，上面除咗辣椒同花椒之外仲加咗芝麻，佢用嘅魚係好滑嘅，一啲腥臭味同呢味都冇，呢款係少辣，啱晒唔係好食得辣但係想有少少刺激嘅朋友我哋仲叫左個甜品 紅糖糍粑，係新鮮炸嘅所以雖然好邪惡但係都一定要食😈不過留意番如果嚟呢度嘅話就真係要預多少少時間等位，因為都真係好多人同埋等上菜都需要啲時間！不過都值得嘅

十二味既午餐由$5x-6x起跳. 同佢晚市散叫相比. 相當抵食.  最出色既我覺得係佢個口水雞. 其次水煮菜式同干鍋亦唔錯.  只係佢個酸菜魚水準一時時. 有時D魚好似係用清水煮完先放落去咁, 一D都唔入味, 有時又OK喎. 好唔好食真係睇你彩數餐廳以手機落單, 好有國內既感覺.  好似好先進好方便咩. 但佢個APPS有D問題. 你落完單係睇唔返你落咗咩. 試過有幾次. 以為落好咗單. 等咗好耐都未嚟. 叫佢CHECK, 佢話無落到. 所以而家每次同同事食, 手機落完單都會問下職員係咪真係落到. 其實比真人落單好似重煩咗. 希望佢地可以快D改善下個APPS. 跟餐前菜水煮牛酸菜魚口水雞糍粑: 麻麻地, 好細條, 好幼. 又淋. 無乜咬口. 唔似大陸既煙韌好食

我同女朋友第二次幫襯，之前食過一次都幾好，於是乎就今日再幫襯多一次啦，入咗已經唔舒服，服務員安排咗個好逼夾嘅位置，咁就叫服務員安排大小小嘅位，點知都係咁細，佢嗰間版好細塊，我同隔離嗰個個距離非常之近，咁都算啦，咁坐低點左兩個餸，第一個酸菜魚，上到嚟賣相都唔錯，點知味道極之鹹，根本就唔係人食，我淨係食咗啲魚，嗰啲酸菜鹹都食唔落，啲魚少到離晒譜，個碗就好大碟，第二個菜就係霸王辣子雞，哇嗰啲辣椒好多啊，但係啲雞粒冇一舊係完整，而且又係喊到甩轆，真係唔係人食，以後唔會再幫襯，食到一肚火

Food was good. My friend and I both liked Stir-fried Chicken Cubes with Red Chili. The food here go very well with white rice as they are spicy. I have been to this restaurant in other locations and find this one the far best. Other recommended dishes are dried hot pot and Sichuan Style Chicken in Chili Sauce. As for dried hot pot, their lunch deal is good and worth a try. It'd be a good idea to go for ice cream or some milky dessert afterwards if you're not used to spicy food.

酸菜魚非常惹味 ， 魚肉 很新鮮配上乾辣椒， 再加上夠味嘅酸菜， 重要一點是十分抵食便宜. 麻辣乾鍋 裏面有薯仔片， 田雞 配上 大 豆芽， 蓮藕。 上 香脆 嘅芝麻， 麻辣香口

這間酸菜魚是我食過幾間酸菜魚中暫時最好食的一間!今日中午去食，午飯時間有午餐選擇，連星期6,日都有真係太好啦!而且價錢唔貴，仲有包一杯酸梅湯。酸菜魚：是用鱸魚做的，午餐既魚肉雖然少d, 但一個人絕對夠食，而且魚肉好滑，無骨，可以一解不能北上食酸菜魚之苦。牛肉麻辣香鍋：呢個就唔算好正宗啦，太濕唔名乾身，但味道都可以既，送飯一流。牛肉都大塊，唔會碎濕濕甘。口水雞：份量幾多，有4分一隻雞，雞都滑，汁料都ok, 唔算好辣。如果鐘意食口水雞既，絕對要午飯時間來，有口水雞套餐，份量同平時單點既差唔多，而家仲平d吖😁

閒日放下午，最喜歡就係去嘆個平靚正嘅午餐/下午茶可能兩點幾過咗繁忙時間，所以唔太多人，坐得舒服而且服務都算Ok！午餐包飯，前菜（一小碟）及酸梅湯！餸嘅份量都算多，反而碗飯就少咗啲

荃灣如心二期開左好多餐廳，特登同女朋友去行一行，搵咗好多唔同嘅餐廳，女朋友鍾意食水煮魚，所以最後揀咗呢間餐廳。喺餐牌度見到香鍋，女朋友上次喺北京路食話好好食，所以一開始就決定要雞翼香鍋（$56）同水煮魚（$68），午餐來講都幾抵食。我哋諗左好耐，要唔要麻辣小龍蝦（小份）（$188），最後決定放假食好啲就叫埋。雞翼香鍋套餐- 主菜外，仲有一碗飯、小食、飲品，我哋叫咗酸梅湯，全set加埋都幾豐富。香鍋都幾惹味，蓮藕、木耳、芽菜炒得好香，好好食，個雞翼可以再入味少少，因為我哋叫埋小辣，所以唔係好辣，下次可以挑戰中辣。水煮魚套餐- 同上面一樣都有飯、小食、飲品，魚都幾滑同入味，酸菜同菇都唔錯，叫左小辣，酸辣味ok，因為有辣椒，愈浸愈有辣味。麻辣小龍蝦- 大約有15、16隻，夠辣味，但係小龍蝦都細隻，所以無咩肉食，肉質亦普通，望落好多，食落好少，同埋幾油，辣就夠但唔太麻，所以感覺偏貴，試一次就夠。

之前食十二味是食晚餐，今日試下佢一人午市套餐，嚟得呢度當然叫酸菜魚餐，佢個餐好抵，68未計加一，加五元有可樂，連飯。酸菜魚叫左中辣，對於我食辣力麻麻既人，已剛剛好。雖然係一人餐，魚塊都多，肉質彈牙鮮味。酸菜又多又鮮味，d湯用嚟撈飯真係一流。老實講，幾十元一個午餐真係比食一般茶記略貴小小，但感覺食到呢d又精美好多。我真心推薦。

好耐冇食過呢啲大陸風味嘅食物，有少少掛住麻辣香鍋，上網搵到呢一間見到評價唔錯就嚟試吓。叫咗個秘製醬香鍋$38，配料揀咗五餐肉$48、五花肉$48、蓮藕$28、萵筍$28、寬粉$28，其實夾埋夾埋都幾貴，不過又真係幾好食喎！幾入味，個鍋底炒得好香，所以無論係乜嘢配料撈埋一齊都係好食。另外叫咗川式口水雞$48，唔會太辣，雞肉又唔鞋，唔錯唔錯！酸辣土豆絲$68，略貴，呢個味道就爭啲，唔係好夠酸，做唔到酸辣嘅效果，普普通通吧。四個人食唔夠飽，後來再加左蔥油拌麵$38，呢個都值得推薦，撈埋啲蔥油好鬼香。整體來講雖然略貴，但係真係幾好食！下次我會想試吓午餐嚟試吓酸菜魚，見到佢午市平好多。

川菜館越開越有，其中十二味係香港都開左幾間分店，今次黎到荃灣呢間店，設計走現代中國風，當中燈籠、屏風、熊貓公仔都充滿中國元素，座位設置沙發座，坐得舒適👍🏻－－－－－－1. 秘製醬香鍋醬香鍋規定最少要點五款食材，加入秘製醬炒香，我點了年糕、嫩牛肉、滷水肥腸、雞翼和娃娃菜，點的時候可選擇走芫荽、少鹽等要求，幾貼心🤤味道幾濃，炒得入味，但年糕會痴埋一齊，雞翼分開單邊，方便食用，肥腸好似有輕輕炸過，所以比較硬身同埋有嚼勁，整體味道都幾好，可以二人分享

近年興食酸菜魚，除左翻內地，香港其實選擇都多，最近同幾個老表試左十二味。荃灣分店環境唔錯，空間夠大，枱與枱之間距離夠，同家人朋友傾計幾舒服。呢度既酸菜魚，湯酸辣度平均，唔會死辣死酸，湯送飯同就咁飲都好味。魚身夠簿但又無煮到過火爛哂，保持彈性口感，而且好嫩滑，有魚香，上等。另外再叫左個紅糖糍粑，煙韌有咬口，但外面有d脆，食完魚用佢做甜品就非常好。呢度埋單又唔貴，中意酸菜魚既朋友，要試下。呢啲附近交通方便，我會嚟多d。