十二味 (碧麗花園) (已結業)

好耐無晚市堂食，開返之後即刻約friend去食餐勁嘅🤤想食麻辣惹味嘅川菜好耐啦！同事同我推介十二味，正宗麻辣川菜，一於決定同friend去食！😍餐廳唔算難搵，出地鐵站大約八分鐘就到，餐廳環境唔錯，門口係好中式嘅紅色窗，入面好寬落，坐落都好舒服👍🏻侍應姐姐服務好好，好熱情同我哋介紹招牌菜式😁人見人愛酸菜魚🐟酸菜魚份量好足呀😍酸菜魚湯頭濃厚，而且酸度同鹹度啱啱好☺️大大塊魚肉嫩滑鮮甜，啖啖都係厚身無骨嘅魚肉😝仲有酸菜份量都好足，一啖魚肉一啖酸菜，真係十分享受😆燒椒皮蛋🥚醬汁真係好惹味，又麻又辣又香，醬汁有d似口水雞嘅汁，皮蛋結實有彈性，食完皮蛋都仲感受到皮蛋嘅清香😋熱情果蘇打🍹柚子茶🍋兩杯飲品都好清爽🍃食麻辣嘅川菜，飲杯fresh嘅飲品，解膩又解渴😄

呢日放工之後同男朋友去左土瓜環呢間新開嘅四川餐廳食dinner。餐廳嘅環境好大，可以舒服咁樣坐低傾偈。呢度可以用QR code落單， 好方便。我哋唔算好肚餓，所以唔係點左好多嘢。首先係呢個黯然銷魂炒飯，炒飯好大碟，而且夠晒鑊氣，入邊有蝦粒、蛋同埋蔥，簡簡單單，但係整得好好食，炒飯有好靚嘅金黃色。另外重點咗川香回鍋肉，辣度可以自選，我哋點咗小辣，回鍋肉好入味，送飯一流。最後點做呢個桂花冰釀，唔算有好重酒味，有啖啖既桂花清香。

本身愛好食辣，四川麻辣都一樣好鍾意，一向覺得十二味的食物好啱我口味，今次約埋朋友幫襯土瓜灣新店，午餐時段套餐好抵食，食物可以揀大中小辣，適合唔同人士。田雞麻辣香鍋 : 田雞份量都多，有足足2隻，田雞腿啖啖肉，底下既配料極多，木耳、大豆芽、蓮藕、土豆片，配料索晒醬汁好入味。酸菜魚 : 七十幾蚊既酸菜魚真係好抵呀! 魚片好滑好滑、勁多酸菜，個湯底好好味，一定要用黎送飯。川式口水雞 : 雞肉好滑，今次叫小辣覺得唔夠過癮，下次可以挑戰中辣。食完3個套餐都好夠飽，但都忍唔住叫左個紅糖糍粑，外面脆口，裡面煙煙韌韌，點埋紅糖食真係ICHIBAN!

真係好掛住酸菜魚，見屋企附近開咗新舖頭食酸菜魚，立即要試吓。酸菜魚，擺盤，味道都同大陸既好相似！整體來講，魚片都幾滑，每塊魚片都冇骨，可以放心食用，而且一啲都唔腥，酸菜味重，辣到適中，我自己揀咗中辣，但如果鍾意食辣嘅朋友可以再大膽啲，有幾種辣度揀，建議一定要配飯！夫妻肺片，典型川菜嘢食，麻香味好正！非常入味，份量合理，食完好滿足。飲品有驚喜，份量勁大杯，好抵飲，$28，熱情果青檸梳打，送辣野，冇得頂，好清新