十三座牛雜 (已結業)

受阿媽影響，一直唔多敢食牛雜。好多次同同學仔一齊系北角，睇住佢食十三座D牛雜食得好滋味，都有心思思想食....上個禮拜系灣仔發現茂蘿街呢度都有間十三座，終究系抵擋不住個心魔，買佐串金錢肚來食。睇落又好乾淨啊！個姐姐仔俾個鋼碟裝住串嘢，叫我按自己口味加醬，服務幾好！好NICE。串金錢肚，啡啡地+金金地O既顏色，幾誘人。加埋D甜醬一齊食，無想象中O既污糟嘢味，煮得好腍，D醬好入味！正！怪唔之得個同學仔次次系北角都要食啦。

本人係一個超級鍾意食內臟既人, 不論係豬牛雞鴨鵝都食得落口, 其實久聞北角有間好好味牛什, 奈何一定唔會去開嗰頭, 只好打消念頭... , 無幾耐之前竟然比我發現到灣仔開咗間, 當場要try一try啦......哈哈...今日lunch特登唔食飯落去買碗細牛什($30)當lunch, 由於對灣仔d路唔太熟, 都搵咗 一陣先知响邊, 其實間舖好細間又唔係咁起眼, 而且最多只係可以容納到三個人企响入面食, so買咗番公司慢慢嘆...一碗牛什包括肚,肺,腸,肥腸,金錢肚&膀...各樣都炆得好淋, 特別推介牛膀, "索"哂d汁勁正...最抵讚既係唔係落得太多師傅, 所以唔會食完之後勁口渴(因為之前預佢會落好多), 但飲番杯熱茶就ok lu...ps.最最最抵讚既係剪牛什哥哥, 多謝前多謝後...good, 不過三十大圓一小碗就有點兒偏貴呢...可以平d就更好啦...因為真係幾細碗ga...哈哈...

系交加里轉佐幾個街口先搵到十三座O既檔位。一向唔敢食牛膀，點佐金錢肚 $8， 好諗，用個不銹鋼裝住，睇落好乾淨！以前食街邊嘢都系拎住串系條街食，有時唔小心仲滴到件衫好多汁，果陣時真系再好食O既嘢都會打折頭啦！呢度D環境就好好啦，唔會滴到周圍都系。個剪牛雜O既哥哥仲好細心，加佐D牛雜汁系個碟度，金錢肚煮得好入味。見有奶茶買都要佐支來飲，一般般。個金錢肚整得好出色，十三座最大O既特色系乾淨！唔單止地下衛生，D牛雜整得好乾淨！下次來要再試下D牛腸、牛肚。$8 抵食！

昨晚師傅離開監房嘅時間比較早, 加上食癮起心癮又發作, 於是決定黎呢度食番兩串, 止下咳先!行到埋去竟然冇咩人, 於是師傅即刻柯打左一串牛雜加一串牛肺拼牛膀! 睇係個哥仔整緊時, 師傅真係口水都滴晒, 終於有得食! 由於牛膀真係好好味, 所以師傅第一舊就食牛膀, 牛膀真係好腍好入味, 勁正; 而牛腸又唔係好肥但又夠腍, 冇得頂; 牛肺又係大大舊, 腍中帶爽, 正呀; 而佢嘅辣椒醬都幾夠辣, 簡直係絕配!總括黎講牛雜質素真係冇得頂, 十六蚊過一過口癮, 真係爽呀! 師傅覺得如果食完牛雜再行過隔雜飲杯野葛水, 應該會係絕配, 可惜師傅冇試到; 師傅始終都係為食, 敵唔過三度誘惑, 邊三度? 咪就係心癮, 食癮同口癮囉! 笑臉一定要比啦, 點走得甩?

早一排師傅無意間見到呢度有一檔十三座牛雜, 師傅心諗會唔會係同北角嗰間一樣呢, 終於前晚幫襯完腸粉皇後, 就即刻黎呢度睇下; 行到埋去人山人海, 但見店面貼晒北角嗰間嘅廣告, 所以應該係同一間; 好唔容易先輪到師傅, 於是今次就要左一串牛雜!仍記得上次喺北角, 師傅要左串牛肚, 都已經覺得唔錯; 所以今次要牛雜, 牛雜有牛腸, 牛肺, 牛膀同牛肚, 個汁真係好香, 而牛雜真係炆得好腍, 其中以牛膀最好味出色, 呢個牛膀堪稱師傅生平食過最好味嘅牛膀, 又腍又入味唔在講, 唔會苦又唔會有異味, 真係好鬼正; 而牛腸亦都好腍, 口感一流, 牛肺份量勁大件, 絕冇搵笨; 牛肚相比下反而顯得更平庸!總括黎講牛雜質素真係超晒班, 而價錢都係八蚊一串, 細盒三十, 大盒就四十八, 而且都幾乾淨, 加上每串牛雜仲會放喺不銹鋼碟上, 然後讓客人自行加辣醬, 甜醬同芥辣, 感覺真係一流; 難得呢區有開番一間, 所以師傅唔使再諗幾時去北角喇! 十三座牛雜真係算得上超班牛雜, 就算一d牛雜麵店都未必有d度嘅牛雜咁好味, 所以笑臉一定會比, 而且一定有下次; 就係咁樣, 兩檔街邊小食就成為左師傅嘅晚餐!

看到要排隊買小食, 現今看來是奇境啦可以在現場食, 也可以買回家食一串樣樣齊$8小膠盒 $30大膠盒 $48若在現場食, 有位小妹妹將一串牛雜放在長腰型的不銹鋼碟上, 讓客人可以自行加芥辣, 甜醬, 辣醬, 真的好體貼呀, 客人食起來又不會將汁滴在地上或自己身上, 好!剪牛雜哥哥, 非常熟手, 買了一小膠盒, 每樣都剪兩三塊, 可入盒後, 當完成還不忘加一匙牛雜汁入盒, 還說這樣會好味d呀, 還問要不要任何醬, 可以用膠袋分開裝的, 一流的服務呀, 這是街邊小食店呀, 正

今日放工, 同女友去左食牛雜其實今日已經係第2次上次要左兩串, 同女友分, 唔係試到太多牛膀我唔食, 由女友處理其實一早已經聽過北角十三座牛雜的大名, 試過之後, 明白點解會咁多人都讚好第一, d 牛雜好淋, 又洗得乾淨第二, 兩串牛雜, 都可以每樣有成3舊at least, 真係算不錯了其實, 我食牛雜以來, 第一次唔落任何甜醬, 芥辣, 都係為左試下佢d 牛雜係咪真係咁好味, 而事實係, d 牛雜本身無乜味的但係個汁令到佢好好味, 汁又唔係一味的濃烈加上大量香料去刺激你的味蕾, 這是食過最好的牛雜哈哈.....雖然係企在街邊食, 但係, 這樣才夠風味嘛~ 下次試埋佢個奶茶, 再分享給大家

聽左著名既"十三座牛雜"好耐, 可惜地區始終較為偏僻, 唔會順路經過, 所以一直都得個"諗"字.... 某日搭車經過灣仔, 竟然發現呢個熟悉既招牌出現, 於是決定以呢度為是日灣仔掃街團既終店站~ 店鋪開晌茂蘿街 - 一條唔算多人流既街道.... 唯一轉入呢條街既理由, 就只為去隔鄰既 "豪華咖啡餐廳", 而家就多一個理由喇~ 可能仲係新開既原故, 幫襯既人唔係太多, 反而好奇閱讀店外貼有介紹該店既報章既人仲多.... 始終晌灣仔仲係一個新丁..... 好奇過後, 便決定要一串雙拼 - 個人最愛既 "金錢肚" 拼 平日好少見有得賣既 "沙瓜"..... 原本唔知 "沙瓜" 係乜野黎既, 以為真係瓜既一種, 睇左店外既介紹先知原來係牛胃既一部份, 質感較爽和有咬口~一串牛雜賣 $8, 任你點串點配搭都得, 堂食的話會用個小鐵碟裝住串牛雜同小小汁, 非常無微不至, 第一次用咁既方式食牛雜, 感覺無微不致, 抵讚~ 味道黎講, 無論金錢肚定沙瓜都非常入味, 好食到我食完串牛雜仲要飲埋 D 汁~!!! 臨尾見到有樽仔奶茶賣, 決定試一試, 當然唔會 expect 會有太興同美心咁香濃, 但整體味

尋晚我去到附近，本來諗住要搵一輪先搵倒間o野，點知聽到頻密既"擦擦"聲，回頭一望就望見成條人龍排隊等買牛雜@@價錢係$8一串，$30一碗，$48一大碗，剪牛雜個後生仔好有架勢，拖每條牛雜出黎剪幾塊出黎就擺落個膠碗度，一分鐘左右就完成~先聲明，我本身唔鍾意食內臟，亦唔鍾意食牛雜，因為d我覺得內臟既味道同質感都好令我反胃(冇辦法，天生的)，但今次因為慕名而來，當然要大膽d，每款內臟都要d黎試試!!我食落，d牛雜洗得好乾淨冇異味，但d牛雜本身亦冇咩味，係靠d湯汁提供味道，牛雜只係提供質感，雖然如此，但食落好和味，d牛雜咬落去質感應爽既爽，應淋既淋，應軟既軟，唔會令人感到厭惡!! 嘩，嫌污糟嫌難食唔鍾意食內臟既我都從此愛上食牛雜‧‧‧!!ps : 我覺得唔加醬好食d，d辣醬太重味遮晒d牛味

得知十三座牛雜在灣仔開了分店,特意多走一點來試試馳名北角的牛雜。位處三不賣轉角處,要不是知道地址很容易錯過,下午時份完全沒有顧客,月巴人不用排隊就買到了!年青男店員還會主動詢問"有無野唔食架?" ,一串樣樣齊便出現面前了。應有的腸、肚、膀、肺都有,味道跟坊間的大路貨色有點不同,吃來似乎濃味一點,以味道來說是不俗的;只是各款牛雜都煮得很淋,完全沒有咬口,閉上眼來吃真的分不出是牛肚還是牛肺哩!而且牛膀剪得很薄,連那粉粉感覺也幾乎感覺不出;牛腸超級肥美,腸衣薄薄的蠻不錯,雖然外表有點驚嚇,但喜歡它的大有人在。另外,店中那芥末和甜醬美味得很,加了混醬後真的更加好吃!! 相信真的要到北角走一轉,試試其腸粉+牛雜+墨魚才成! 嘿嘿!~