匡樂冰室 (已結業)

一向喜歡港式茶餐廳,匡樂冰室係元朗區黎講都薄有名氣,所以我都抱住黎潮拜既心去到果然要等位,等左大概15分鐘就可以入座入到去發現佢既選擇都唔少,我揀左豬扒牛尾湯公仔面落左單等左成幾個字都冇野食,連野飲都冇出俾我,仲要聽到隔離台係咁摧單話等左成粒鐘..終於有野食,個牛尾湯真係唔錯,好有蕃茄味,牛尾又夠林,豬扒亦煎得好香,杯野飲又大大杯,如果等候時間短D真係會好好多

每每經過匡樂冰室，小小的食店內裏一定擠滿食客，可見頗受附近街坊歡迎！趁著平日過了午餐時間，加上避開人流多的時段直接Walk in 就可以喇～～午餐男友order 鮮茄焗豬扒飯 $40我居然忘了拍照⋯⋯-_-|| 鮮茄味濃，豬扒份量多，飯粒分明，算不錯的焗飯～～可以值得一試！至於我一心想試吉列魚柳⋯⋯可惜一早已經賣完，唯有轉雞扒⋯⋯炒蛋亦沒有，唯有轉煎蛋⋯⋯⋯特色的吉列魚柳沒有了，剩下只是普通的一個常餐，雞扒外層煎得香脆肉嫩，至於多士，米粉味道不過不失吧！冰咖啡太過死甜，記得叫少甜⋯⋯我下次應該早d起身過來試多次，誓要試到吉列魚柳！

雖然呢間甘出名抵食夾大件嘅餐廳係我屋企附近，但之前一直冇咩機會試，一來佢裝修前好少位，而且要估佢邊日開，二來佢裝修後成日都好多人，唔鍾意等位嘅我都係隨緣啦結果，今日經過，竟然俾我望到仲有一張吉檯，所以一條友去挑戰巨型早餐！個多士明明係正常size,但配上去...竟然變到甘mini個碟係大碟，即係係all day breakfast 用個d碟，但都放唔晒個吉列魚析我見到個下...已經驚自己挑戰失敗，但本住唔好浪費嘅心態下，慢慢嘆😎個多士整得整乾身，脆卜卜，牛油份量又唔古寒。茄汁豆同芝士腸好難唔好食嘅😎個滑蛋其實都好足份量，見到d蛋汁就知滑啦！重點係個魚柳，炸得岩岩好，金黃脆口，但又keep到魚肉嫩滑不過下次我應該會捉埋豬隊友陪我....今次真係飽到上心口

聞說匡樂冰室有個巨型魚柳早餐，今日決定一試。我10:30去到餐廳，可惜經已售罄，十分失望。唯有轉食其他早餐啦，牛扒早餐，都係$31十分抵食。杯飲品係加大份量，飲唔哂👍🏻

星期6來到食LUNCH都幾多人, 我睇網上介紹話呢度大件夾抵食, 所以試下。叫左個西式午餐, 揀左雞扒意粉配火腿芝士腸。野食其實一般, 都是果D 貨色, 但真是好大碟, 雞扒大大份, 意粉好多, 2人食都夠。仲要包例湯同飲品, 才40多元。

據元朗為食朋友報料，呢間匡樂的早餐，因為太受歡迎而每天只能供應理 0915~0930左右便要暫停，往後就係準備午餐時段了，所以，要食到呢間，都要講下緣份的。今早盡趕，正好九點到達，趕及尾班車，落完 order 都雖要比平時茶餐廳更長的時間上菜，所以趕時間的就未必太理想。今日叫左“沙爹牛肉蕃茄湯通心粉” + 炒蛋 + 腸仔 + 凍奶茶沙爹係濃花生醬那隻沙爹來的，而且好大碗，其實三部曲都係大大份的，大碗通粉，大堆炒蛋，大大杯奶茶，最後埋單只係 $30，今時今日想點？！食完一定飽到過晒成個中午，分分鐘可以直落等晚餐！