匠心廚房 (已搬遷) 新店位置

這店開了近一個月，終於有時間來幫襯。見過邨友介紹，我和hubby今晚叫咗：1. 椒鹽爆單骨雞翼，如邨友評價一樣 — 香口惹味，yummy2. 咸骨娃娃菜，咸度剛剛好，連湯我哋都有飲(邨友在開張初期食，就覺得咸咗D，相信廚師收到邨友意見馬上改善)3. 南乳香糯一字骨，同邨友意見也一樣 — 唔啱我哋口味南乳味道唔夠香，最重要係糯米和骨調味帶點酸，這感覺好奇怪，令人懷疑食物是否變壞變酸了由於這區有較多酒樓丶中式菜館丶茶餐廳，所以想食中菜，要坐得舒服可能會去貴價D嘅酒樓食肆，想經濟D會去茶餐廳，相比之下這小店的價格稍高。 不過餐牌上嘅食物比較特別，而且侍應服務有心又主動，我哋會再嚟幫襯，仲已經諗定下次叫什麼

前身係北海道牧場餐廳，現在改為上海餐廳。一行六人第一次食，好快安排左個位俾我哋。但侍應一直上錯嘢飲俾我哋，共上錯5次，又打錯單，可能開業無耐所以唔係特別上手。終於上到菜，每樣餸望落去都好似好好食，好似好入味，有種家庭小菜嘅感覺。但...原來一切都虛有其表，全部都表面好入味，食落就唔夠味，口感亦算很一般。加左5蚊嘢飲轉是日中湯，反而最好飲就係湯，入味亦清甜。因為冷氣不足，食到我哋流曬汗，熱到最後食唔落。份量適合女仔食，男仔就一定唔夠飽，事關胃口大小小嘅女友人同我哋講佢食唔飽...（以上食評純屬個人感受）

此店開張不久，聞說味道不錯，今天一於去試試看。點了兩個午市小菜套餐，一個是宮保雞丁，另一個是香辣薯仔牛筋腩，午市小菜套餐送豆漿，若加錢我改選其他飲品或湯。香辣薯仔牛筋腩味道很好，若再辣一點點就更佳。宮保雞丁夠辣，不過略為鹹了一點。這店的侍應很有禮貌，環境本來不錯，但桌子之間的距離太近，就如我們坐的桌子和旁邊的桌子之間的距離只比筷子的長度多一點，侍應或顧客走過都要側身而行，否則便過不了。價錢方面，午市套餐多是63元或68元，由於份量不是很大，似乎有點貴。