北海道麵飽

营业中

休息中

一直以來教會弟兄姊妹都邀請我試吓呢間麵包舖😏有咩咁特別？就係佢裏面可以食到焗飯同pizza 今日終於有機會試吓入去嗌外賣一入到去店員姨姨(?)定唔知老闆娘(?)就同我哋講叫Pizza可以有大細批，大批$98一個，細批七吋$50一個講真，叫咗細批有啲後悔，因為真係好好味👍👍以呢個價錢嚟講算抵食，細批可以自己揀三個餡店員姨姨(?)定唔知老闆娘(?)嘅呢位女士，佢提議我哋可以食雜錦海鮮、菠蘿、雞粒，仲提醒我哋千島醬要另外加錢，所以我哋就揀咗沙律醬唔使加錢😏批係脆嘅，真心覺得好好味，絕對會encoreP.S.個批原先係切好咗有四舊，但係影相時真係忍唔住食咗嚿先記得影相🙈太心急太想試啦

今日經過呢度，見到有間麵包店，忍唔住入去又試吓呢度嘅菠蘿包啦，反正未嚟過，睇吓佢質素，點知唔錯！👍🏻睇落覺得好普通，店舖好細，冇乜服務，不過一般麵包店都冇乜服務㗎啦，所以唔可以要求太多。麵包款式唔算多，不過都叫有齊平時見到嗰啲，好搞笑仲有焗飯，不過我主要都係食菠蘿包雞尾包，試吓啦，真係唔錯主要想評價下雞尾包，我覺得做得唔錯， $13.3個，雞尾包嘅餡真係好重要，以佢嘅餡真係做得唔錯，唔會太乾，唔會太油，好濃烈奶味，算係我食過最好嘅之一菠蘿包都唔錯，佢嘅菠蘿皮做得幾好食，夠香，好脆卜卜，而且唔會爛晒，好似曲奇咁，做得唔錯！不過美中不足係佢嘅麵包體做得一般，中等，唔係難食，但又唔算好好食，夾埋啲餡就啱啱好👍🏻