北海道牧場 (已結業)

同朋友行完山 返番起點油塘揾野食睇啱呢間餐廳 見價錢啱就入左去入座睇左陣餐牌 就嗌左個泰風味青咖哩雞扒飯 同一杯小童鴛鴦等左陣上菜 等陣… 點解好似同圖示有段距離咁嘅？食落去味道係唔錯 青咖哩有水準 雞扒都甘香肉嫩成個飯嘅份量都足夠但係我想講 食物圖示對客人揀野食係有一定影響 我見圖示配菜幾豐富 有薯仔南瓜出到黎就只有三條豆角 真係有d失望好似俾人呃左咁另外杯兒童鴛鴦 我冇影到相其係即係好立克溝阿華田呢個配搭幾正幾好味飲落口會感受到立克味 落到喉嚨就有華田味最後兩人埋單117 價錢平 味道唔錯 雖然有d失望

於下午繁忙時間1:30 左右到此食lunch, 樓面只有兩個員工，其中一個仲要不懂落單，表示只負責傳菜，其他的員工（如相片）圍在一起傾談，應該是食緊 lunch！感覺人手管理上出現問題，全店坐滿客，竟然只有一人落單，其實已經不是第一見到這情況，此店食物 ok, 但服務真係要好好改善一下

北海道牧場間唔中都有食，雖然午餐晚餐餐牌有好多唔同種類嘅粉麵飯食，但呢度始終都係冰室類嘅食物質素最有保證唔會伏😂😂常餐同早餐一樣，只係價錢差一段，而且呢度早餐做到十二點截單，梗係老虎蟹都用早餐價錢食lunch啦👏🏻其他食物不太特別，但呢度嘅早餐真係質素幾好，尤其係油塘呢區基本上係冇啖好食，呢度嘅常餐/早餐真係算唔錯㗎喇。麵湯底唔太咸、麵通常煮到啱啱好。炒蛋同煎蛋都好大份有足兩隻大蛋嘅size、炒蛋滑身、煎蛋都有鑊氣。多士火腿普通。想食個正常常餐，又坐得舒服，呢間都啱嘅👍🏻

第一次去北海道牧場餐廳食早餐，試吓佢個3.6鮮奶炒滑蛋。入到餐廳，座位佢座位之間排得比較密，係而家疫情下客人與客人之間坐得咁密感覺不太好。店內較寧靜舒適，唔同一般茶餐廳嘈吵的感覺。點左個沙嗲牛肉公仔麵早餐，配炒蛋多士，熱奶茶。店員捧上早餐已經即時問到沙嗲的香味，面嘅湯底係用左濃湯，再配埋沙嗲牛肉，幾香濃👍🏻3.6鮮奶炒蛋，ok夠滑，質感剛好。牛油多士脆度都適中亦唔會太燶，不過如麵包再厚多少少會仲好味😬奶茶ok正常👍🏻

第一次到這間餐廳食早餐，$36一份早餐有仿鮑魚火腿絲通粉、煎雙蛋、牛油多士及咖啡，通粉用忌廉雞湯，好味又夠大碗，牛油多士有兩塊，加埋煎蛋夠哂飽，這個價錢算抵食，下次會再幫襯。

#小秘書 每次經過 #北海道牧場餐廳 都有股衝動走入去食個飯，先行上去商場，只不過每次都來去匆匆，一直冇機會停落嚟🤨 呢日本來預咗搞掂啲嘢就去食 #米線 嘅我，神推鬼擁下走咗入去 #北海道牧場餐廳，諗住試吓新嘢。坐低嘅時候大概係14:35左右，當時見枱面上只有 #午餐 同 #正餐 嘅餐牌，一心諗住 #星期日 冇 #下午茶 啦 .. 咁我咪重口味啲叫個 #芝士咖喱焗雞扒 + #可樂 做 #午餐 囉。等咗大概2分鐘，一罐完全冇雪過嘅可樂先上枱😅 我仲以為佢哋錯手拎錯，開口要求換啦，點知廚房有人大叫出嚟話啲汽水啱啱擺入雪櫃，無得換呀😩 咁點解落單嘅時候，唔可以同個客講聲先呢？我唯有收埋落袋，留返嚟慢慢欣賞啦👉🏻👈🏻 冇幾耐我叫嘅 #焗飯 已經嚟到我面前，個飯擺明係一早做起，師傅求其拎出嚟翻熱就比我，飯底極濕，係我最怕嘅林啤啤感覺🤨 唔凍唔熱嘅芝士舖喺 #雞扒 上，#咖喱汁 味道有啲怪、帶微酸🤨 雖然好浪費，不過真係唔想食埋落去... 唯有再比錢上樓上食我至愛嘅 #米線 啦🤪

幾年前已經試過一次焗钣裡邊全部都是凍的 幾年後再次挑戰,因為貪方便,現在極度後悔奶茶忘記左加奶……………………另外一個職員行過見到,幫我換咗新嘅奶茶一樣淡而無味焗钣……………………豬扒未熟無下次

放工諗住簡單食個晚餐，選擇咗嚟油塘地鐵站好近嘅北海道牧場餐廳。餐牌食物有八折，反而晚餐set冇折🤔叫咗一個晚餐set，名為黑椒黃牛滑蛋飯👎🏻首先食物上菜嗰刻已經嚇一嚇，賣相10分不討好！啲汁稀到好似湯咁，牛肉又筋又脂肪連埋一齊，差過茶餐廳碟頭飯… 另外話明係滑蛋飯，塊蛋勁薄，而且一啲都唔滑！😨和牛亦都唔似和牛，同普通牛肉粒冇分別！雖然食落味道係好正常，不過各方面都需要改進！脆炸雞脾撈丁 +$5 配滑蛋及牛油方包呢個加咗$5嘅滑蛋汁真係早餐嗰種炒滑蛋，切開入邊係流心。同個和牛滑蛋飯上面嗰片蛋冇得比…😂芝士撈丁麻油味好重，朋友話嗰隻雞髀炸得幾好，皮脆肉嫩。set配飲品，個滑蛋飯係晚餐set，正常會送雪糕，食完坐咗一陣，職員都冇送來，我哋又唔記得咗，冇食雪糕就走咗😭.果然係北海道牧場餐廳，食返啲早餐常餐類別嘅嘢會好啲，食飯真係麻麻哋😇

行魔鬼山前充充飢 發現油塘食肆大多數都係🔵大集團連鎖店 好彩大本型有滄海遺珠💛: 北海道牧場餐廳!記得好耐以前有幫襯過其他分店個陣幾鍾意餐廳既設計 用粉藍同白色做主調🤩 同埋當時幾鍾意食3.6牛乳炒蛋+蕃茄湯麵~~不過油塘呢間分店比我既感覺有d舊🤨格局似普通茶記~~講講食物啦💁🏽‍♀️鮮牛肉3.6牛乳炒蛋蕃茄通粉 ($44)鮮牛肉份量幾多 唔靭!牛乳炒蛋厚身 已全熟 個人鍾意半熟嫩滑狀態多d!番茄湯有色水 但係無咩蕃茄味 滿足唔到蕃茄控既我👉🏼👈🏼鮮魚湯牛肉湯飯 ($52)反而呢碗湯飯既湯底有驚喜魚湯幾鮮甜 又有姜味去魚腥!除左鮮牛肉同埋飯 入面仲有少量豆腐粒粒👍🏽凍檸茶 (+$3) ; 熱好立克 飲品味道正正常常~~唔知係退步左 定係我口味變左 覺得食唔番以前果種感覺👉🏼👈🏼見到OpenRice顯示好多間北海道牧場餐廳分店都結左業希望遲d食物質素有改善 生意興隆啦💪🏽🙂

現在疫情嚴重，大部份都係外賣為主我今日買咗碗五香肉丁米粉我好失望，我一直都知道飲食眼不見為乾淨但俾我見到我就覺得呢間舖其實好污糟首先呢間舖服務態度已經唔好，落order嘅黑口黑面總之就係疫情嚴重，連食品都污糟，我就覺得不要得

🍙等待時間：早上八點多點，決定到油塘大本型買個靚仔早餐，等左十多分鐘就有，正常。🍔室內環境：環境都算唔差，座位寬躺，ok🍰服務質素：服務態度不過不失。🔺用餐簡評：首先我幾鐘意佢嗰外賣包裝色調，有落本落去，like。但佢既早餐真心一般，炒蛋明顯火候太熟，一點都不滑，司華力腸同煙肉都甚香口，煎得亦算香脆，自己都幾鐘意嗰d茄汁豆做早餐，好可胃，但奶茶味道好怪，完全唔夾，差評。🔹總括來講：叫做食到落肚-

1. 叫腿蛋治時淨係問我哋要邊隻腿蛋治，原來肥男待應係想我哋自己找餐牌中嘅代號，懶到爆🤬2. 番茄通粉湯底無味皆因只係用茄膏溝水👺邊個去食邊個都中伏，如果睇完你哋都去，你哋就要有心理準備佢接受呢個服務及食物質素

今日lunch time 嘗試左北海道牧場既一個lunch set 侍應好醒目快手tidy up~

茶餐廳開到成行成市，餐廳名改到好有特色咁，的的確確係吸引到好多人慕名幫襯。😌但究竟有幾多間係貨真價實、真材實料，唔係中過伏嘅話都唔會知道😱👺今次要講嘅係呢間位於油塘大本營，地鐵站出完無耐就見到嘅茶餐廳。呢間茶記午市嘅人流都幾多，要喺出邊等位。就係咁吸引到我入去食😂😂😂 叫咗一個「自選常餐」同埋「即日午餐」🤗🆗叉燒厚切午餐肉清雞湯通粉配 牛油厚多士配 火腿 & 3.6牛乳炒蛋👆🏽 極度普通嘅常餐一份，但係個名又改到非常之有價值😂 基於「快食精神」我覺得大家樂或者美心嘅炒蛋，甚至乎成份早餐都比佢更加美味⋯⋯而且價錢也都會比「油塘北海道」實惠。牛油多士方面，好明顯係烤完後先查牛油上去，所以，會見到牛油係一達達，非常之唔均勻🧐🆗鮮魚湯雞扒湯飯👆🏽以茶記午餐嘅份量來講絕對係唔合格，如果係男人去食嘅話，我諗你事前一係打定底或者問吓佢加底嘅話使唔使加錢🤡😂 （唔好話我膠我講真㗎）不過佢嘅炸雞扒真心好味！☺️ 個魚湯亦都非常之香👍🏽總括來講我覺得呢間餐廳嘅價錢同佢嘅質素及份量唔係好成正比，每樣野至少平$10先至合理🥶—————————— 食物質素：6/10 環境衛生：7/10舒適度：7/10 服務：5/

今朝嚟到油塘探朋友 因為想揾間快令正的餐廳食早餐 於是朋友就推薦北海道牧場😚😚 因為過左返工時間所以無咩人 我地即刻有得入🤗 呢度係要俾左錢先 之後店員就會送上嚟 好快就有得食~今次常餐個滑蛋入面好juicy 切開好多蛋汁 好滑🤤 士多烘左底搽左牛油 味道正常🙂另外個餐仲有蕃茄通粉 通粉軟硬適中 蕃茄湯底就比較酸 似係科學野🤢 午餐肉大大塊好厚切😍😍😍整體食物質素正常普通 經過的朋友可以試下🤔推薦：⭐️⭐️⭐️