北海道活壽司 (已結業)

與友人路過太子，於是走入了北海道活壽司！生蝦三文魚籽海膽壽司：一般貨色，沒有鮮味！鮪魚卷：紫菜不脆，口感較霉，不夠新鮮！活赤貝，活帆立，肥鮪魚腩刺身：赤貝爽口。帶子切成薄片，沒有口感。鮪魚腩肥美，帶有油香。要在眾食肆中突圍而出，食材新鮮很重要，加點苦功吧！…查看更多

早兩日落咗嚟香港玩（小弟我系廣州人），去完海洋公園坐完D摞命過山車就翻旺角揾飯食，其實早前亦都上網睇過有無邊間日本菜好食，不過研究來研究去，都系一于唔好霖太多，因爲系地鐵站出嚟就見到呢間野個門口，就醫肚先喇。入到去個環境其實都算ok不過不失，個男經理都好熱情，回轉無位，唯有等下；一有order位，經理就即刻問我order枱坐唔坐因爲回轉仲要等下。但等多五分鍾都馬上可以入座，入座前店員同師傅都會日語歡迎，幾有親切感下。我同女朋友兩個就坐下睇落貌似系間鋪既大師傅面前，見到D嘢好多都系距整俾我地，服務態度都幾唔錯。野食噶話首先要咗幾款刺身，雖然系晚黑十點鍾但系D嘢食落都ok新鮮，秋刀魚刺身講真我又真系第一次食，美中不足系有渣，唔知系秋刀魚難整定系本身食材就多渣？由于這家店只有兩款烏冬好似無其他日本料理都好興的拉面，我就淨系食壽司食到飽，D飯都幾好，但系唔知點解豉油好似有D太鹹？系第間食都唔系好覺咁鹹 but anyway我真系甯願距鹹D因爲我食野口味都幾重。最後的最後我想噴一樣嘢就系我明明睇住師傅整壽司都系赤手空拳咁捏飯捏魚生，但系到差唔多十點半可能要開始半價場果陣有個徒弟仔開始松懈，系度玩手提電話同埋蹲低對住個工作台除咗頂帽摸頭發？！乜距未洗手就系咁抄個頭，好似准備要見女朋友咁，然後又返去整壽司？好彩我已經食完嘢但系邊個夠膽擔保距之前又未抄過個頭呢。呢樣野真系覺得比較礙眼。最後總結因爲上次落香港玩都已經系幾年前，宜家可能習慣曬廣州D嘢無咁衛生又無咁好服務態度，系香港其實是但食邊間（即使網評話好一般）料理，好似都比廣州好幾倍。反正港紙食野我就覺得好抵，大家都賣咁貴憑咩廣州D嘢就咁差，連壽司店都系用倒模機嚟整果舊飯？齋系呢一點我就想贊歎下香港的確系美食之都。…查看更多

這日突然想食鰻魚飯，可惜時間不容許去得太遠，只好到附近的太子始創中心地下的北海道活壽司吧。這間北海道活壽司以往經過多次，但印象中這應該是第一次光顧。店內的佈置和服務都給人頗港式日本料理的感覺。再看到午時套餐的價錢大多約$40至$50多一客時，便不禁對這餐調整了一下期望。 午市套餐款式和配搭頗多，另外當然一可以單點或從迴轉壽司上選。而我就選了一客鰻魚雙色飯定食（B），$58，有雙色鰻魚飯，三文魚頭湯和牛肉飯。如果鰻魚雙色飯定食（A）餐的話，就以照燒雞肉飯代替牛肉飯（$50）。 一個餐有2小碗飯，先說 雙色鰻魚飯吧。雙色是指啡紅色的蒲燒鰻魚配鮮黃色的蛋絲，顏色看來是不錯，但飯粒沾到碗邊，賣相要扣分。蛋絲本身沒有什麼味道，冷冷乾乾的。鰻魚肉質鬆泡，在濃甜醬汁掩蓋下隱約食到些淡淡腥味。 牛肉飯有些牛肉片和洋蔥絲，不過牛肉偏乾，這時真想立刻來碗吉野家牛肉飯吃過痛快。2晚飯的雖沒有什麼飯香，但至少米粒煮得軟硬適中，不過不失啦。 最後到有三文魚頭和骨，白蘿蔔片，蔥花等煮的湯， 湯的顏色奶白色，也頗清不油膩。喝一口，湯的味道頗腥，不得不放棄。兼且要趕快埋單，爭取時間去溝貨。 …查看更多

同一個fd中午12點入座，店內無咩人，order左佢午市個“什錦魚生飯定食”，$60，睇幅圖都起碼有三文魚、呑拿魚、蝦、魚子、帶子、青瓜、蛋絲…都唔係要求高，俾到七八成我都ok，點知碗飯一黎到，我心諗，做乜勁，完全唔對路，得d三文魚、幾舊帶子、蟹子同蛋絲，唔嬲但係失望就緊有d，於是咪同個女經理反映下碗野嚴重與圖片不符，點知佢即刻黑我面，拎走碗野大大聲同迴轉帶入面個師傅話「加d青瓜wor～唔同張相wor～」受返佢氣都算，最嘔血係個師傅加左5小粒青瓜然後遞返碗飯俾我！真係當堂一肚氣又委屈！d魚生又腥又切到爛！蛋絲又未解凍！隔離位兩個女生都話佢地既壽司好唔新鮮！我食左幾啖個飯就埋單！埋單時個女經理仍然黑面，咩世界？！最後我地一毫子貼士都無放低！絕對唔會再食佢地任何分店！希望網友們睇完呢篇文再三考慮都唔好去，唔好受騙/_\…查看更多

都有一排無來過，發覺真係差左唔少其實其他野食都不過不失，只係蟹籽沙律唔夠新鮮但係員工就掛住吹水唔夠responsive唯一好處係有WIFI，而且速度唔錯唔係想同人地宣傳，我都有食其他壽司店，你睇下之前元氣壽司，人地開始進步發奮其實活壽司本來都唔比元氣差但係而家競爭咁激烈，再唔俾心機的話，一定唔夠人來…查看更多

這間食店我去過幾次.每次也有很深印象.就是"怠慢","服務態度差"之前有一次晚上去.坐低打算落order時才告知仲有15mins收舖但這間舖頭為何我仍去.一來時食物質素接受.另外是唔使等好耐位不過今次就係明明見住裡面有大把位.卻叫我o係門口度等陣.等左三分鐘才俾人入去.這樣也算數了食物食材也可以的.不過唯一覺得不夠好的是蒸蛋已凍了不過埋單時,收銀的那個職員明明手頭上沒有工作,卻專登走入廚房一下才出來.到收銀機面前還十分怠慢的再次疊好之前d單才幫我結賬.而最後,亦是最不滿意是我離開店舖時.其中一侍應拿著兩隻杯子自己沒留情的走路一下子撞到我,杯子他幸好拿好沒有跌落地,卻"喂"了一聲及兩眼憤視我.這樣是我對這間店的印象.…查看更多

與男友&兩友人共進晚膳本來話要大約半小時先有位，但等左十五分鐘就可以入座喇^^入面好窄...而且張台係冇釘死o係地下，輕輕一踩、推就會移晒位朋友一坐入去，諗住撐一撐對腳，點知移左張台...倒瀉左少少台面上既幾杯熱茶...雖然旁邊就係迴轉輸送帶，但上面既壽司都唔係幾吸引到我地^^"都係自己點啦~~~要o係Order紙上面寫編號及件數記得唔記填錯編號呀^^帆立貝壽司真係好新鮮，好好味，而且好大粒添^^反而帆立貝刺身就差少少，冇咁大粒另外仲叫左沙律醬魷魚，味道好特別，好好味=]送酒一流本來想叫鍋物，但侍應話鍋物全部"冇晒" @@"我地覺得係因為鍋物價錢較平同容易飽肚，o係呢d黃金時段為左做多d生意，所以唔賣鍋掛三文魚壽司做優惠：$40 5碟(10件)但係質素就差差地，冇三文魚味，冇油香....:(平野係咁T^T"埋單$500蚊鬆D其實我未飽囉...嗚... ... …查看更多

上星期我同幾個同事收左工，就一齊去咗太子北海道活壽司，裏面既裝修同環境都唔錯，不過地方就真係細咗D，食物方面都OK，又其是吞拿魚腩好肥美、入口鮮甜，三文魚鮫味道適中好有BBQ風味，我最鐘意既蟹子沙律好鮮甜又爽脆，真係直得一試。其實我都好來冇黎過E間活壽司，食物質素真係好過之前，但係服務態度就真係越來越差，D經理大大聲同D服務員傾計，唉...正所為，(上樑不正下樑丫)最離譜就係將我地既食物掟咗過隔離枱，隔離枱出聲先將我地既食物掟番過黎。我地其實真係唔想要囉，將食物掟來掟去，感覺真係好唔衛生。(如果想食好野都可以選擇E間，不過就要忍下氣)…查看更多

平時經過見到佢格局都幾靚...諗住價錢都咁上下...唔會太差掛..點知今日第一次食...落完order 之後離遠見到師父手上出煙....都知大件事la壽司黎到既時候其中火炙三文魚壽司.....下面舊飯仲熱過上面既魚大部份既壽司飯都係熱既....有d一夾就散......帶子壽司價值$26...仲差過我係吉之買個d....連個帶子既基本形狀都無.....= =最好笑既係熱玉子反而係凍凍地= =....我地2個人.....唔夠20分鐘埋單走人.........太差la...同明將有得比…查看更多

尋晚行開旺角，好想食壽司，所以就去咗始創果間北海道活壽司。一坐下，我地就想落單，但係個女經理就黑口黑面，語氣很差話:{等等先呀}等到佢過黎落單ge時候，佢又黑口黑面，語氣又很差問我地:{食乜野呀} 。 其實係朋友話E間食品OK，所以我行開E頭先想試下 D食品真係OK，但D服務態度真係稱得上惡劣!!我下次一定唔會再去!!…查看更多

同女朋友shopping完, 想搵個地方食壽司, 附近選擇唔多, 諗住呢間都係連鎖店, 應該唔衰得去邊所以試試.食物只屬一般, 非常非常ge一般, 只能夠當一餐飽飯, 唔算係好食ge壽司.三文魚腩唔推薦, 叫返三文魚刺身會比較好吞拿魚好似雪左好耐, 質地口感差吞拿魚腩基本上係厚切吞拿魚, 搵唔到油香櫻花蝦蝦頭入面好腥, 試啜左一口, 想嘔食物質素麻麻都算, 最慘係啲服務態度好差.事件1, 當晚做緊$26食品本價, 本來係餐飲聯用唻救市, 不過食肆運作起上唻, 似乎想用唻自殺多啲服務員響廳面不停咁大聲埋怨啲客淨係點$26ge嘢食, 令到唔夠指定色碟用, 唔想客人點, 咪出聲囉.事實係啲服務員一邊埋怨, 啲客就一邊黑面. 到底做優惠係想趕客, 定係救市?最離譜係客人離開後, 執枱ge服務員竟然響其他客人面前大聲取笑啱啱離開ge客人食左幾多隻特價碟, 真係不知所謂.事件2, 食到尾, 埋單, 本來都雙安無事. 去櫃面埋單, 個女經理已經唔係好望人, 無厘笑容, 知你老人家忙, 我都算, 你未打單我都拎定張咭俾錢.張單印左出唻, 望都唔望我就掟響櫃面, 「簽個名喇」, 唔好話服務, 禮貌都無. 算喇, 食物麻麻都無下次架啦.最搞笑係當我簽完張單之後, 張咭竟然唔見左. 佢拎住張信用咭收據, 問我有冇袋返張咭, 我梗係無啦. 由於當時不停有另一個服務員同個經理唱錢, 響我面前擾擾攘攘, 搞到我都無留意自己張咭游左去邊.其時有兩三個客人同時走唻埋單, 於是個女經理就無尾音咁講左句「你等等喇」, 心諗, 小姐你唔俾返張咭我, 我想唔等都唔得喇.本來都忍住度火唔發, 最搞笑係男經理呢個時候行過唻, 用調笑ge語氣問我, 有冇睇清楚係唔係自己袋返張咭喇, 我已經睇左幾次, 好肯定無, 所以都話佢知無, 跟住佢就話, 成日有啲客自己袋起左唔知, 示意要我自己搵清楚. 呢個時候, 個女經理就響自己個櫃枱上佢ge正前方, 之前佢已經揭過幾次ge一叠單下面, 搵返我張咭. 其實fine, 我已經無所謂, 既然搵返張咭, 我都算. 誰不知當我準備離開ge時候, 個男經理竟然仲不停咁講: 係架, 成日有啲客自己袋返張咭都唔知..... 我真係俾佢激到彈起, 當場問佢: 而家張咭響邊個度呀? 你同事keep 住我張咭你仲咁多嘢講? 佢竟然仲識得答: 啊~ 無, 講返俾你知, 成日有啲客都係咁自己袋起左張咭啫我無奈地唔理全店客人目光, 咆哮式講左一句: 咁你即係想點呀? 而家係你同事做錯嘢, 你講咁多想做咩先? 呢個時候, 佢ge反應就係見我惡, 第一時間扮聽唔到.總結: 不知所謂仲有, 呢篇食評, 我唔會修改半隻字.…查看更多

早幾日同FD睇完戲經過呢間野..之前去開旺角果間既...今次試下太子呢間D位置真係窄左D...不過個場都算幾干淨D野食好好味....同埋D待應反應都好快...態度都唔錯....果日見到隔離有人針水針到漏晒出黎...個客未出聲個待應見到就即刻拎一舊白色既野吸晒D水再用干紙巾抹干晒...呢樣我最欣賞佢地講日文歡迎光臨同多謝都講得幾有士氣...以下係我果日食既野..影左幾張相@O@最鐘意食三文魚鮫..超正...大家去到一定要試下佢地會有特價時段18蚊...…查看更多

之前黎過幾次 覺得都ok 唔太貴但款式都唔少~亦可能因為本來我地就唔會嗌太貴既款 且個人好喜歡軍艦壽司 呢度滿足到我~不過呢度地方實在太逼太窄了 食完淨係想快d走…查看更多

今日家人去曬飲,得番自己一個食飯 ...今日新聞話日本洩漏幅射+核能,因為我怕遲d冇壽司食,所以決定盡地一鋪食盡佢 ...行完街見活壽司冇咩人排隊,所以去試下坐低點左碗"北海道三文魚湯"-----湯極油,薯仔好多,三文魚骨每啖都有...... ;貝殼三味 --- 唔差,三款都好鮮甜 :) ;三文魚腩 --- 真係好肥美,但簿左d :) ;壽司飯 --- 太多水份,同埋冇醋味 :( 但令我不會再黎既原因係由於員工的工作態度極差 １）佢地冇理到客人既感受,大大聲講野 --> 你店鋪既問題應盡快自行解決,唔係令全店既人(包括顧客)都知道你地個廚房裡面有個制跳左２）壽司師傅將魚生放係外露地方，冇任何野蓋住超過５分鐘３）員工當眾講野太粗鄙，當眾同佢同事講『娟番入你個狗窿啦』，　　要知道店舖設計 是L形,十分應聲４）溜單情況嚴重５）日文發音唔準（但香港好多日本餐廳都係咁）6 ) 衛生亦要改善,MEUNS''痴立立''，充滿住豉油味P.S 其實Ｄ魚生是ＯＫ的，但要食得咁''銀''耳，我唔會再黎囉...…查看更多

返到返到九點幾，心情不爽，累到死都要去食飯經過北海道活壽司好多次，但係都無入過去食今晚見到夜晚有八折咪入去試下:)係門口問清楚經理先入去：兩個人要消費滿$100(原價計算)order左都幾多碟以下係推介的:粟米花之戀大大件花之戀，最適合肚餓之人!粟米是我最愛之一:) 三文魚又夠肥美:)一次過滿足晒兩個願望帆立貝珍寶帆立貝無晒，唯有叫非珍寶啦不過肉質都算肥美!! 比想像中大件燒玉子玉子應該係翻叮的，但上檯時係出煙的肚餓如我非常感動係甜左少少，但都幾大件!其他好似甜蝦同三文魚壽司都okay…查看更多