北海道十勝道場 (已結業)

去了很多次，真的成了我飯堂咁滯 (我一個月可以去三次架！)，冇理由唔寫番篇架！位置- 在尖沙咀... 好方便...地鐵站或西鐵站過嚟都方便... 環境- 尚算寬敞，唔會太逼，如人唔多(within 4人)有訂位的話，一般都會坐到卡位，每個卡位都有小掛簾(唔識講個term... 我諗讀者會明卦 =P)，感覺有點私人空間咁... 都幾like... 又人多會有一個 area 可以自成一角咁... 唔錯！服務- 都算醒，反應快，唔會讓你"炆憎"，同埋我諗除非人多，一般唔會趕你走...讚！食物選擇/ 份量- 分類足，選擇都算多，唯獨份量較小！(如朝鮮醬雞同膇，得4件咋！)食物味道- 整體好得，係炸物水準不穩定！唔寫了，看相吧！總結：超級推介！拍拖又好，三五知己又好，一家大細有老有嫩又好，一班人又好... 諗倒諗唔倒都嚟呢度開飯吧！

第二次嚟，服務有改善，包括已有是日推介，無需店長每枱攞住塊牌係咁講，收碟速度唔會一攞起最後一串串燒9秒9即收，今次有酒牌，所以叫咗支清酒，我問有無熱清酒，侍應話可以幫我整熱佢，放在熱桶內，夠細心今次都係主攻串燒、西椒、牛舌、茄子，煙肉番茄，雞肉、玉子同燒三文魚頭.......等。西椒超棘，不過我鐘意佢夠棘，某D串燒會有鹽燒或醬汁，個人認為醬汁好味D,玉子必叫，只有芝士牛肩串燒唔掂，芝士無芝士味，口感像食緊肥膏咁

其實黎食過兩次～Lunch好多選擇而且位置好大幾好坐，今次就試什錦魚生飯+拉麵lunch set但魚生飯d飯應該無加醋，同普通飯無分別，仲要暖暖地不過碗拉麵就湯底好濃幾好味！！但最愛係杯飲品！兩次都叫左柚子蜜不過最想講係呢度服務態度上次已預先book位 而且準時到黎到仲話要等 本身同同事食farewell lunch仲問可吾可以分開坐仲強調我地六個人太多人book左都要等咁其實book時係咪應該同客講清楚呢？

聖誕無咩目的食乜,同老公&好友,諗住去影燈,但緊係醫左五臟廟先啦!老友介紹呢個位好似有間日本野,但上到去,老友話好似轉左手,不過肚餓關係,唔理喇,見價錢ok喎!入去試下先!完全唔使等位!正到爆!order左四合一salad, 賣相好得喎!朋友點左sushi,都係超班,賣相靚之餘,仲好好食!以我品嚐日本菜咁耐,一定會試下佢地d厚燒玉子既,唔試由自可,一試即encore! 無論熟既程度,質感,熱度係99分!!!! (唔比100分啦,免得佢地自滿XD)間野既串燒仲幾出名,每人整左一寸燒豚腩.......哇......天啊!真係有種相逢恨晚既感覺無意中,見到話只要在店員面前上FB按LIKE會有小食送,梗無執輸啦!結果都無失望,好好味喎!3個人,食左有7-8樣野,有SALAD,SUSHI,甜品,串燒,玉子等,仲每人一杯野,埋單平均每人150蚊,仲要聖誕節唔使等位,真心抵到爆!!希望多人D幫襯啦!

上星期同未婚妻去食晚飯 ，其實一直都有食開尖東果間(不過執o左)，知佢鐘意食豬肩飯所以帶佢黎呢間。(之前其實lunch 都有黎過食，味道的確係幾好 )一切都相安無事直止到o黎o左客鰻魚壽司，菜單上圖片係特長鰻魚壽司 (食開既朋友應該知我講緊乜) 價錢$25 一件。OK抵喎雖然菜單上無寫明係特長鰻魚壽司但圖片上係咁，都會諗著應該差唔多掛。所謂特長鰻魚壽司 其鰻魚 長度應為飯身的3倍。最後 竟然黎左舊同一般鰻魚壽司無分別o既壽司，嘩 極度貨不對辦。好o拿~ 咁諗著好聲好氣同經理講 實物同圖片差好遠，(大不了就cancel order.)呢位'高大威猛'o既經理竟然話: "呢個係厚切，所以短d" 我話: "我明，但係同圖片差好遠..算啦不唔要喇，完全未食過的"佢再話: "圖片果個係薄切o黎 所以呢個分量係o岩架 (其語氣已經好不屑，好似覺得我好低能咁)我話算啦都係取消。如果單單係語氣上差，我都算o勒，亦唔會開個account 上黎打咁大篇野呻，戲玉黎喇~ 佢拎番客壽司埋去水吧 之後竟然同佢幾個同事講: "話太細 貨不對辦喎，同佢講左係厚切黎架喇" 語氣帶諷刺，其後幾位同事笑笑下。重點: 當時

hello!! openrice 自從要返學後 真係好耐冇打食評不過我都係keep住係咁食好野haha 呢次朋友gathering就去左試新野啦北海道十勝道場佢d飲品大部分都係含酒精(少少地)所以女仔都唔怕 我叫左巨峰提子 杯野飲好靚啊! 好飲人多既好處係可以食到多d不同既野食所以今次食左好多野jeng 大家搶住食哈哈個三文魚壽司係方形的 好特別同埋都好厚身火灸三文魚好正啊好好味啊!!! 我覺得好味過數字壽司 哈哈塊三文魚厚好多又大份好多!!右手邊個個最正 !!!! 超好味!!好大隻仲好juice 一黎時真係勁香!! 一人一隻後大家都想再叫多碟黎食XD小食左上係煎三文魚黎架 細細份但好好味好多三文魚油左下係八爪魚加青瓜(好似係泡菜味) 有d spicy 呢個好好味下次我都會叫呢個小食食!右上係蝦黎既 有少少咸個玉子冇左個十勝XD 跟住試左3個比較特別既野食好少係其他地方有得食所以叫黎試下唔記得左叫咩名 其實係三文魚黎架!呢個係炸喬麥麵 用黎送啤酒食的呢個係用菜包住d豬肉 3件有d大小不一 不過味道都ok!最後一人一個甜品 完左個開心美味gathering個green tea ice-c

[[]有朋友知道尖沙咀有新日本餐廳,便一行五人去試新野!食物都幾多選擇,炸豬扒拉麵 好味道(尤其塊炸豬扒)很入味!炸雞軟骨都好大碟!牛柳粒又軟又多汁!薄切豚肉飯普普通通啦!仲有食左幾樣唔知個各柚子梳打和巨峰梳朾買–送一 (抵)甜品係~~~~~~~柚子雪榚 ,抹茶雪糕我第一次吃柚子雪糕 ,味道很清新,很特別!今天有位靚姐姐好好招待我們添!

之前一直都未試過打食評 , 但係呢間餐廳真係要打出來介紹大家去下 .本身同fd 一齊搵緊野食 見到有間新日本餐廳開左 重話有自家制既爐端燒咁就抱住試下既心態上去試下啦 .入到去好好招呼 可能岩岩新開 埋台睇餐牌 , 點完幾樣野食 佢地重介紹我地食個海膽 45蚊半板 心諗咁平試下啦 之後上菜 大部份都唔錯 一間去相大家睇下 可能果場比較大 係有時候叫人 要等一陣 先可以到其他都OK 一定會再番去食多次